Romebi 5:18 - EBƆRƐ BE KAWƆL

¹⁸ Amoso, kananɛ esa koŋwule be kulubi na baŋ shin nɛ basa kikɛ tɔr Ebɔrɛ be ntaŋ n nya kasogberge na, loŋ koŋwule na nɛ esa koŋwule be kelela koŋwule nɛ e wora na bee sɔ basa kikɛ a yige a sa bumo ŋkpa.

Romebi 5:18 ပူးပေါင်းရင်းမြစ်များ

Aizaaya 53:11

Awurfoŋ nɛ e beeŋ ji na be kaman, e beeŋ naŋ nya kagbenewushi nseŋ pin fanɛ e maŋ gben jiga. Ma kenya nɛ e bee shuŋ ma kagbene koŋwuleso nɛ ma kagbene bee fuli mo so na e naaŋ sɔ basa galeŋga be kasogberge n deŋi mbe kumu so, nɛ ŋ kpal mo so n ta bumo be alubi m paŋ bumo.

Baru lela nɛ Jɔn kute na 1:7

E daŋ ba nna fanɛ shɛdajipo, kumo e la fanɛ e ba ji kefulto na be asheŋ be shɛda, saŋɛ na so, basa beeŋ bɔla mo so n yirda kumo.

Baru lela nɛ Jɔn kute na 12:32

Ama nɛ b kaŋ maŋ ma so ashi kasawule ere so bre, meeŋ bar basa kikɛ ŋ kutɔ.”

Baru lela nɛ Jɔn kute na 3:26

Ndoŋ nna nɛ Jɔn be bebɛsopo yɔ mo kutɔ n ya kaŋɛ mo le: “Eŋinipo, fo nyiŋi kanyɛn nɛ fo nɛ mo daa la ashi Jɔɔdan be lɔr be kaba ndoŋ na ŋko? Kanyɛn nɛ fo daŋ ji mbe shɛda na. Keni, e wɔtɔ a bɛr basa kabɔrɛbɛr nɛ basa kikɛ shile a yɔ mo kutɔ.”

Ashuŋ Shunso 13:39

Men baa nyi fanɛ ekama nɛ e yirda mo, b sɔ mo ashi kulubi be yiri kikɛ to n yige.

Romebi 3:25

Ebɔrɛ ta mo nna n sa basa nɛ e wu m mata be luwu nɛ k bee shin nɛ dimɛdi bee bɔla yirda so a nya alubi be ketampaŋ na. Ebɔrɛ wora loŋ nna nɛ e ŋini kananɛ e bee ji asheŋ nɛ amo be ekpa so, ŋkpal manɛ so, saŋɛ na e daa nyi basa be alubi nna nsaa nyiti bumo.

Romebi 4:25

Ebɔrɛ shin nɛ b daŋ ta mo nna n sa nɛ e wu ŋkpal anyi be alubi so nseŋ naŋ shin nɛ e tiŋi luwu na to nɛ an baa la belelapo Ebɔrɛ be anishito.

Romebi 5:12

To, naniere, men baa nyi fanɛ esa koŋwule so nɛ alubi bɔla m ba durnya to nɛ luwu malɛ ba ŋkpal alubi na so m ba sɔ durnya kikɛ to nyam, ŋkpal manɛ so, basa kikɛ wora alubi.

Romebi 5:15

Kashenteŋ nna fanɛ ŋkpal esa koŋwule na be kulubi na so, basa damta wu. Ama le be basa anyɔ ere kɔr abar to, ŋkpal manɛ so, Ebɔrɛ be kagbene koŋwuleso be kakɛ na nɛ Adam be kulubi na kɔr abar to. Ebɔrɛ be kuwɔr be kakɛ na chɔ Adam be kulubi na ga. Loŋ koŋwule na nɛ mbe kagbene koŋwuleso be kakɛ nɛ e bee bɔla esa koŋwule Yesu Kristo be kuwɔr na so a sa basa damta na gba chɔ kumo.

Romebi 5:19

Nɛ kananɛ esa koŋwule be kasomaanu shin nɛ basa kikɛ ki alubiworapoana na koŋwule na nɛ esa koŋwule mo na be kasonu beeŋ shin nɛ basa damta e ki belelapo Ebɔrɛ be anishito.

Romebi 6:14

A maŋ daga alubi ka ji menyi so kuwura, ŋkpal manɛ so, men maŋ naa wɔ mbra na to. Ebɔrɛ be kakɛ na be kebaawɔtɔ to nɛ men wɔ.

1 Kɔrintebi 15:22

Ŋkpal manɛ so, kananɛ ekama beeŋ wu ŋkpal e ka shi Adam to so na, loŋ koŋwule na nɛ Ebɔrɛ beeŋ sa ekama nɛ e shi Kristo to na ŋkpa.

Hibruwebi 2:9

Ama Yesu bre, an wu b ka ta kemaŋkura nɛ bunyaŋ m buu mo fanɛ kuwura. Ama saŋɛ gbrɛbi ko Ebɔrɛ daŋ shin nɛ emalaika daa chɔ mo nna ŋkpal luwu be awurfoŋ nɛ e ji na so, saŋɛ na so, e beeŋ wu n sa basa kikɛ ŋkpal Ebɔrɛ be kakɛ so.

2 Pita 1:1

Kawɔl ere shi ma, Saimɔn Pita nɛ n la Yesu Kristo be kenya nɛ mbe eshuŋipo na kutɔ nna a yɔ menyi nɛ men bɔla Yesu Kristo an be Ebɔrɛ nɛ an be Emɔlgapo be kananɛ e niŋi ekpa so so n nya yirda koŋwule nɛ anyi alɛ gba kɔ na kutɔ. Anyi be yirda na maŋ kɔ ebarkasa kikɛ.

1 Jɔn 2:20

Ama menyi ere, Yesu Kristo ta Kiyoyu Cheeŋ na nna n wɔtɔ menyi to nɛ menyi kikɛ e pin kashenteŋ na.