Romebi 5:13 - EBƆRƐ BE KAWƆL

¹³ Alubi malɛ daa wɔ durnya to nna pɔɛŋ nɛ Ebɔrɛ sa mbra. Ama kakpa nɛ mbra maŋ wɔtɔ, Ebɔrɛ maa karga alubi.

Romebi 5:13 ပူးပေါင်းရင်းမြစ်များ

Jɛnesis 13:13

Sodɔmebi malɛ daa la dalubiwuraana nna nseŋ daa wora alubi ga a gbiti Enyɛnpe Ebɔrɛ na.

Jɛnesis 18:20

E ka fɛ loŋ na be kaman nɛ e kaŋɛ Eebraham le: “Asheŋ nɛ baa malga a gbiti Sodɔm nɛ Gomɔra ebi nɛ alubi nɛ baa wora na wora keshi ga.

Jɛnesis 19:32

Amoso, shin nɛ an ya fule an tuto nɛ e nuu nsa m boo, saŋɛ na so anyi nɛ mo beeŋ di keche nɛ kenyɛn nɛ an bɔla mo so n nya mbia nɛ anyi be kanaŋ maaŋ mur kuraa.”

Jɛnesis 19:36

Loŋ be ekpa na so nɛ Lɔt be bibiche anyɔ na daŋ bɔla n nya adampu ashi bumo tuto gbagba kutɔ.

Jɛnesis 19:4

B ka bee shin nɛ b luri n dese nɛ Sodɔm be benyɛn ba kulti Lɔt be kowu n shɛr to. Kade na to be benyɛn kikɛ, mbrantiɛbi nɛ benyɛnnimu kikɛ e daa wɔ ndoŋ.

Jɛnesis 38:10

Kusɔ nɛ Onan daa wora na daa la kusɔ lubi nna Ebɔrɛ be anishito nɛ Ebɔrɛ shin nɛ mo alɛ gba wu.

Jɛnesis 38:7

Ama Ɛra daa la esa lubi nna ashi Enyɛnpe be anishito nɛ Enyɛnpe Ebɔrɛ shin nɛ wu.

Jɛnesis 6:11

Ebɔrɛ daŋ wu fanɛ alubi daŋ sɔ durnya kikɛ to nna nɛ asheŋ lubi chase kaplɛkama.

Jɛnesis 8:21

Enyɛnpe na ka nu sarga na be efɛa belbelso na nɛ e kaŋɛ mbe kumu le: “N nyi fanɛ dimɛdi be kebia to kikɛ mbe nfɛra fɛso lubi, ama m maaŋ naŋ kpal dimɛdi so n sho kasawule ere kɔnɔ kikɛ. Ma alɛ maaŋ naŋ mur asɔ futeso fanɛ kananɛ n wora ere kikɛ.

Romebi 3:20

Ŋkpal manɛ so, mannɛ esa nɛ e bee wora mbra be ashuŋ shunso e la esa nɛ Ebɔrɛ nase kumo fanɛ e la elelapo. Kusɔ nɛ mbra na baa ŋini e la kebaashin nɛ basa e baa pin kulubi be asheŋ.

Romebi 4:15

Ŋkpal manɛ so, mbra e naa shin nɛ Ebɔrɛ be agbo bee lar efuli. Kaplɛkama nɛ mbra maŋ wɔtɔ, kewora n da so malɛ gba maŋ wɔtɔ.

1 Kɔrintebi 15:56

Kulubi so nɛ luwu kɔ eleŋ a doro anyi, mbra na malɛ so nɛ kulubi kɔ eleŋ anyi so.

1 Jɔn 3:14

Esa kama nɛ e maa sha mo braana kraa wɔ luwu to nna na. Ama anyi ere nyi fanɛ an lar luwu to m ba luri ŋkpa to nna, ŋkpal manɛ so, anyee sha an niopibiana.

1 Jɔn 3:4

Esa kama nɛ e bee wora alubi bee wora nna a da Ebɔrɛ malɛ gba so na, ŋkpal manɛ so, kewora kulubi la ketɔr Ebɔrɛ be ntaŋ nna.