Romebi 5:12 - EBƆRƐ BE KAWƆL

¹² To, naniere, men baa nyi fanɛ esa koŋwule so nɛ alubi bɔla m ba durnya to nɛ luwu malɛ ba ŋkpal alubi na so m ba sɔ durnya kikɛ to nyam, ŋkpal manɛ so, basa kikɛ wora alubi.

Romebi 5:12 ပူးပေါင်းရင်းမြစ်များ

Jɛnesis 2:17

ama sa maŋ kaŋ ji kedibi nɛ k bee sa kelela nɛ kulubi be kanyiasheŋ na bre be asɔrso, ŋkpal manɛ so, kachɛ kama so nɛ fo baŋ ji loŋ be kedibi na be asɔrso, shɛŋ maaŋ mɔlga fo ashi luwu to. Abaanaaworasheŋ feeŋ wu.”

Jɛnesis 3:19

Kashenteŋto feeŋ baa nyɛa kebleŋ damta nna pɔɛŋ nsaa ji, hale loŋ nɛ fo naŋ ya bɛta n yɔ shishɛr to, ŋkpal manɛ so, shishɛr na nɛ b ta n pɔr fo. Fo la shishɛr nna, amo alɛ to nɛ feeŋ naŋ bɛta n yɔ.”

Jɛnesis 3:6

Kusɔkpaŋ na ka kaŋɛ loŋ na nɛ eche na wu fanɛ kedibi na be asɔrso walɛ kenishiso kashenteŋto nseŋ duli asɔ nɛ a beeŋ baa wɔ ebel, amo alɛ naŋ duli asɔ nɛ esa beeŋ ji nseŋ nya kanyiasheŋ. Nɛ amo be kayɛlga ba mo to nɛ e chuge kedibi na be asɔrso na n ji nseŋ ta n sa mo kul nɛ e daa wɔ mo kutɔ na nɛ mo alɛ gba ji.

Nshɛ 51:5

Kachɛ nɛ b kurge ma na kikɛ nɛ n la alubiworapo.

Ezikɛl 18:4

Dimɛdi kikɛ be ŋkpa bɔɔ ma enɔ nna, bekurgepo nɛ bumo be mbia kikɛ. Amoso, esa nɛ e wora kulubi e naaŋ wu kumo be luwu.

Romebi 3:23

Ŋkpal manɛ so, ekama nyam wora kulubi a maŋ taga to Ebɔrɛ be kemaŋkura na.

Romebi 5:18

Amoso, kananɛ esa koŋwule be kulubi na baŋ shin nɛ basa kikɛ tɔr Ebɔrɛ be ntaŋ n nya kasogberge na, loŋ koŋwule na nɛ esa koŋwule be kelela koŋwule nɛ e wora na bee sɔ basa kikɛ a yige a sa bumo ŋkpa.

Romebi 5:19

Nɛ kananɛ esa koŋwule be kasomaanu shin nɛ basa kikɛ ki alubiworapoana na koŋwule na nɛ esa koŋwule mo na be kasonu beeŋ shin nɛ basa damta e ki belelapo Ebɔrɛ be anishito.

Romebi 5:21

Amoso, kananɛ alubi baŋ bɔla luwu so ŋ ŋini amo be eleŋ na, loŋ koŋwule na nɛ Ebɔrɛ be kuwɔr be kakɛ na bee bɔla alelasheŋ so a ŋini kumo be eleŋ m bɔla an Nyɛnpe Yesu Kristo so a kɔ anyi a yɔ ŋkpa nɛ k maŋ kɔ ekar to.

Romebi 6:21

Men ka daa wora asheŋ nɛ amo be asheŋ bee pɛ menyi anishinyɔr ere, manɛ be tɔnɔ nɛ men daŋ nya amo to? Loŋ be asheŋ na be tɔnɔ e la luwu.

Romebi 6:23

Ŋkpal manɛ so, asheŋ lubi be kakɔka e la luwu, ama Ebɔrɛ be kagbene koŋwuleso be kakɛ e la ŋkpa nɛ k maŋ kɔ ekar na ashi an Nyɛnpe Yesu Kristo to.

1 Kɔrintebi 15:56

Kulubi so nɛ luwu kɔ eleŋ a doro anyi, mbra na malɛ so nɛ kulubi kɔ eleŋ anyi so.

Ɛfesesebi 2:3

Loŋ malɛ nɛ anyi kikɛ gba daa du saŋko a wɔ amo to a wora anyi be kapɔr lubi ere be aparsheŋ nsaa wora kumo be ayɛlgasɔ a fɛ kumo be nfɛra. Ŋkpal anyi be kapɔr lubi ere so anyi alɛ gba daa du fanɛ ekama nna a wɔ Ebɔrɛ be demuji be agbo to.

Jeems 1:15

Kulubi malɛ baŋ ba wora keshi, kumo be lalaloge e la luwu.

Jeems 3:2

An kikɛ bee kaa wora a foe ekpa. Amoso, esa nɛ mo ere maa malga a foe ekpa, kumo ere kulubi kikɛ maŋ wɔ mo to nɛ mo alɛ bee tiŋ a pɔɔ kulubi be yiri kikɛ so ashi mbe kebaawɔtɔ to.