Romebi 5:11 - EBƆRƐ BE KAWƆL

¹¹ Mannɛ aloŋ gba nawule so nna, ŋkpal manɛ so, an bɔla an Nyɛnpe Yesu Kristo nɛ e shin nɛ anyi nɛ Ebɔrɛ naŋ nyalɛ na so n nya kagbenefuli ŋkpal Ebɔrɛ so n ti so.

Romebi 5:11 ပူးပေါင်းရင်းမြစ်များ

Nshɛ 104:34

Mee tama fanɛ ma nfɛra fɛso beeŋ baa par fo, ŋkpal manɛ so, ma kagbene fuli fo so.

Nshɛ 149:2

Israɛl be basa, men shin nɛ menyi be ŋgbene e fuli menyi ŋkpal menyi be etopo na so; menyi Jerusalɛm to be basa malɛ e ji eyur ŋkpal menyi be ewura so!

Nshɛ 32:11

Amoso, menyi bekama nɛ menyee wora asheŋ niŋiso na; e shin nɛ men be ŋgbene e fuli menyi nɛ men ji eyur; ŋkpal kusɔ nɛ Enyɛnpe na wora so. Menyi nɛ menyee wora mo kasonu na e boŋ nshɛ kagbenefuliso.

Nshɛ 43:4

Saŋɛ na so meeŋ ya bunyaŋ fo ashi fo bɔrɛsure na ase, ŋkpal fo ka sa ma kagbenefuli gboŋgboŋi so so. Meeŋ ta ma jaŋjilaŋ n laŋ m maŋkura fo, ma Ebɔrɛ na.

Aizaaya 61:10

Jerusalɛm bre bee ji eyur kagbenefuliso nna ŋkpal kusɔ nɛ Enyɛnpe Ebɔrɛ na wora so. K du fanɛ kejafɔche ka ta mbe kejafɔ to be asɔbuuso m buu mbe kejafɔachɛ na nna. Ebɔrɛ ta kumɔlga nɛ kekɔmpɔɔso m buu Jerusalɛm nna fanɛ piŋi.

Luuk 1:46

Nɛ Mɛɛri kaŋɛ: “Mee ta ma kagbene kikɛ a di Ebɔrɛ epaŋ.

Baru lela nɛ Jɔn kute na 1:12

Ama bekama nɛ b sɔ mo nseŋ yirda mbe ketre na, e sa bumo ekpa nna nɛ b ki Ebɔrɛ be mbia.

Romebi 11:15

Ŋkpal manɛ so, Ebɔrɛ ka daŋ kini bumo na so, durnyaebi nɛ b ka na nɛ Ebɔrɛ daŋ ba abar so nna. To, nɛ naniere Ebɔrɛ naŋ sɔ bumo, nuso nɛ asheŋ beeŋ baa du? Kumo ere bubuni beeŋ nya ŋkpa nna na.

Romebi 2:17

To, mannɛ fo e naa tre fo kumu Juw nsaa ta fo yirda a deŋi Mosis be mbra na so a wɔtɔ a ji njɔŋ a kaŋɛ fanɛ fo nɛ Ebɔrɛ be nferinto wɔ ebel na a?

Romebi 5:1

Naniere Ebɔrɛ ka kpal anyi be yirda so n shin nɛ an ji n lar mbe anishito ere bre, an bɔla an Nyɛnpe Yesu Kristo so a kɔ kagbenewushi ashi Ebɔrɛ na be anishito.

Romebi 5:10

An daa la Ebɔrɛ mo doŋana nna, ama e bɔla mo Pibinyɛn Kristo be luwu na so n shin nɛ anyi nɛ mo naŋ nyalɛ. To, nɛ naniere anyi nɛ mo ka nyalɛ ere bre nɛ e maaŋ bɔla Kristo be ŋkpa na so m mɔlga anyi kachako a?

Romebi 5:3

Mannɛ aloŋ gba nawule so, ama an ka wɔ tɔrɔ to so nɛ anyi be ŋgbene kraa naŋ fuli anyi n ti so, ŋkpal manɛ so, an nyi tɔrɔ ka bee bar kenya kagbene a kɔ to be kebaawɔtɔ

Romebi 8:23

Mannɛ asɔtoso na gba nawule, anyi nɛ an nya Kiyoyu nɛ e la Ebɔrɛ be kakɛ juŋkparso na gba bee shu to nna nsaa jo saŋɛ nɛ Ebɔrɛ na beeŋ ta anyi ŋ ki mbe mbia n shin nɛ an nya anyi be amu kikɛ nyam na.

Romebi 9:10

Kede malɛ be kaman Rebɛka gba be mbinyɛnbi anyɔ na gba daa kɔ etuto koŋwule nna, mo e la an nananyɛn Aizek na.

1 Kɔrintebi 10:16

An ka bee kaa ji Enyɛnpe be kejibi na nsaa kule mbe nɛfa a wɔtɔ asɔrso be asɔnuuso be kawiebi nɛfaso to a nuu amo na, anyi kikɛ nɛ Kristo maŋ wɔ kɔnɔkoŋwule be kebaawɔtɔ to nna ŋkpal mbe ŋklaŋ so a? An ka bee kaa buri bodobodo na to nsaa we kumo na, anyi kikɛ nɛ Kristo maŋ wɔ kɔnɔkoŋwule be kebaawɔtɔ to nna ŋkpal mbe eyur so a?

2 Kɔrintebi 8:19

Ade malɛ be kaman mo nɛ asɔriana na kikɛ lara fanɛ e tu anyi n nite anyi be kasha be kushuŋ be enite nɛ anyee nite ere to nɛ an maŋkura Enyɛnpe gbagba na nseŋ naŋ ŋini ekama kananɛ an bugi kagbene a chɛ basa to.

Galeeshaebi 4:9

Ama naniere bre men ba pin Ebɔrɛ. Kusɔ nɛ mee sha nɛ ŋ kaŋɛ e la fanɛ Ebɔrɛ e ba pin menyi de. Nɛ nuso nɛ a ji nɛ men naa bɛta a ta men be amu a sa le be durnya ere to be sososo be asɔ ŋiniso pɔso nɛ amo be asheŋ kɔ kuwɔr ere? Menyee sha fanɛ men naŋ bɛta ŋ ki amo be anya nna a?

Galeeshaebi 5:22

Ama nɛ Kiyoyu na baa wɔ esa to, le be asɔ lela ere e du fanɛ kusɔrso a wɔ amodoŋwura to nɛ e bee wora: Kasha nɛ kagbenefuli nɛ kagbenewushi nɛ kanyiti nɛ kebaala esa nɛ alelasheŋ nɛ kebaayɛ a wora

Filipaiebi 3:1

Ŋ kurgepoana, ma lalaloge be kamalga nde fanɛ Enyɛnpe e sa menyi kagbenefuli nɛnɛ. Kashenteŋto, ma kenaŋ n sibɛ asheŋ koŋwule ere gbagba n sa menyi maŋ tir ma, kumo be loŋ malɛ e naaŋ chɛ menyi to gba.

Filipaiebi 3:3

Ŋkpal manɛ so, anyi e la kashenteŋ be katutukuebi a bɔla Ebɔrɛ be Kiyoyu na so a bunyaŋ mo nsaa ji anyi be ŋkpa nɛ an kɔ ashi Kristo Yesu to ere be njɔŋ. Anyi nɛ anyee wora asheŋ ere maa ta anyi be yirda a wɔtɔ eyur ere be kedulgi to.

Filipaiebi 4:4

Men shin nɛ men be ŋgbene e baa fuli menyi ashi Enyɛnpe to saŋkikɛ. Kashenteŋto, meeŋ naŋ lɔŋɛ ŋ kaŋɛ loŋ fanɛ: Men shin nɛ men be ŋgbene e baa fuli menyi.

Kɔlɔsiebi 2:6

Amoso, men ka sɔ Yesu Kristo fanɛ men Nyɛnpe ere, men keta men be amu fanɛ basa nɛ bumo nɛ mo ki kukoŋwule a kɔ mo to kpakpa

1 Pita 1:8

Men maŋ naŋ wu mo nna na pɔɛŋ ŋkaa sha mo na. Men maŋ naŋ wu mo naniere, ama menyi alɛ yirda mo nsaa kɔ kagbenefuli damta nɛ esa maaŋ tiŋ n ji kumo be asheŋ nɛ kemaŋkura wɔ kumo to na e bɔlɔ menyi to nna.

1 Samuɛl 2:1

Ndoŋ nna nɛ Haana boŋ kashɛ ŋ kaŋɛ le: “Enyɛnpe Ebɔrɛ shin nɛ ma kagbene fuli ma. Ma kagbene fuli ma ga ŋkpal Ebɔrɛ ka mɔlga ma nseŋ sa ma eleŋ so. Ŋkpal kusɔ nɛ Ebɔrɛ wora n sa ma ere so meeŋ mushe ma doŋana.