Romebi 5:1 - EBƆRƐ BE KAWƆL

¹ Naniere Ebɔrɛ ka kpal anyi be yirda so n shin nɛ an ji n lar mbe anishito ere bre, an bɔla an Nyɛnpe Yesu Kristo so a kɔ kagbenewushi ashi Ebɔrɛ na be anishito.

Romebi 5:1 ပူးပေါင်းရင်းမြစ်များ

Job be kawɔl 21:21

Ŋkpal manɛ so, bumo be luwu be kaman kusɔ kama nɛ k beeŋ wora bumo be mbia be asheŋ maaŋ naa tir bumo.

Nshɛ 122:6

Men kule kayurwushi n sa Jerusalɛm; saŋɛ na so, asheŋ beeŋ nite nɛnɛ n sa bekama nɛ b kɔ kasha n sa kumo na.

Aizaaya 27:5

Ama nɛ ma basa bumo doŋana bee sha fanɛ m baa kuŋ bumo bre, b shin nɛ ma nɛ bumo e nya kayurwushi anyi be kefɛato.”

Aizaaya 32:17

Ŋkpal ekama ka beeŋ baa wora kusɔ nɛ k daga so, kayurwushi beeŋ ba nɛ kufu maaŋ naa kɔ esa kama mbaanaayɔ.

Aizaaya 54:13

Ma, Enyɛnpe Ebɔrɛ na gbagba e naŋ ŋini fo basa asheŋ, nseŋ sa bumo kedama nɛ kayurwushi damta.

Aizaaya 55:12

Kagbenefuli nɛ menyeeŋ ta n lar Babilɔn be efuli so, nseŋ lar kadegboŋ na to nɛ kayurwushi. Abeegboŋ nɛ abeebi beeŋ baa boŋ nshɛ a sa menyi, nɛ ndibi malɛ e baa kpla enɔ a wɔtɔ.

Habakuk 2:4

Kubɔya na nde: ‘Bekama nɛ baa wora asheŋ lubi maaŋ ji efute, ama bekama nɛ bumo be kebaawɔtɔ niŋi na beeŋ baa wɔ ŋkpa to ŋkpal b ka bee ji kashenteŋ a sa Ebɔrɛ so.’ ”

Zakareya 6:13

Mo e naŋ pɔr kumo n nya kemaŋkura fanɛ ewura na nseŋ ji mbe basa so kuwura. Mo nɛ bɔrɛmatapo ko beeŋ wora kɔnɔkoŋwule n chɛ abar to n shuŋ kayurwushiso.’

Luuk 19:38

Le nɛ b daŋ kaŋɛ: “Nɛfa la Ewura nɛ e shi Enyɛnpe be ketre to a ba na peya nna. Kagbenewushi e baa wɔ ebɔrɛso nɛ kemaŋkura e baa la Enyɛnpetale peya.”

Luuk 19:42

e shu na nseŋ kaŋɛ le: “Alako kabre, menyi alɛ gba daa nyi asɔ nɛ a bee bar kagbenewushi nna. Ama b ta amo ŋ ŋana menyi so.

Luuk 2:14

“Kemaŋkura e baa la Ebɔrɛ nɛ e wɔ esoso na peya nɛ kagbenewushi e baa wɔ mbe kepar be basa kikɛ to ashi kasawule so.”

Baru lela nɛ Jɔn kute na 14:27

Kagbenewushi nɛ mee yige a sa menyi na, kagbenewushi nɛ k shi ŋ gbagba kutɔ. Kumo alɛ mannɛ fanɛ kananɛ durnya bee sa kumo na nɛ ŋ kɔ kumo a sa menyi. Amoso, men sa maŋ shin nɛ menyi be ŋgbene e baa jija menyi ŋko nɛ kufu e baa kɔ menyi.

Baru lela nɛ Jɔn kute na 16:33

Ŋ kaŋɛ menyi asheŋ ere nna, saŋɛ na so, menyeeŋ bɔla ma so n nya kagbenewushi. Menyeeŋ nya tɔrɔ durnya ere to, ama men baa kɔ kagbene, ma e pɔɔ durnya ere so.”

Baru lela nɛ Jɔn kute na 20:31

Ama b sibɛ ade ere nna nɛ men yirda fanɛ Yesu e la Mesaya na, Ebɔrɛ Pibinyɛn na, nɛ menyi alɛ yirda loŋ, men beeŋ nya ŋkpa ashi mbe ketre na to.

Baru lela nɛ Jɔn kute na 5:24

Ma e kaŋɛ menyi kashenteŋto na fanɛ esa kama nɛ e nu ma mmalga ere nseŋ yirda esa nɛ e shuŋi ma na kɔ ŋkpa nɛ k maŋ kɔ ekar na, mo alɛ maaŋ ji n tɔr, ama e teŋ lar luwu to m ba luri ŋkpa to.

Ashuŋ Shunso 10:36

E maa keni yiri nɛ k la mo. Men nyi kubɔya nɛ e sa Israɛlebi a kaŋɛ baru lela na be asheŋ fanɛ anyeeŋ tiŋ n nya kagbenewushi Ebɔrɛ kutɔ ashi Yesu Kristo nɛ e la basa kikɛ be Enyɛnpe na to be asheŋ.

Romebi 1:17

Ŋkpal manɛ so, baru lela na e naa ŋini kananɛ Ebɔrɛ bee nase kumo fanɛ basa e baa la belelapo mbe anishito. Kumo alɛ be sososo kikɛ la yirda nna hale n ya fo ekar. Loŋ gbagba malɛ nɛ abɔrɛsibɛ na bee kaŋɛ na fanɛ: “Esa kama nɛ Ebɔrɛ nase kɔnɔ fanɛ e la elelapo na beeŋ nya ŋkpa ŋkpal mbe yirda so.”

Romebi 1:7

Amoso nɛ mee sibɛ kawɔl ere a sa menyi kikɛ nɛ men wɔ Rom be kade to nɛ Ebɔrɛ bee sha menyi nseŋ tre menyi fanɛ men ba kaa la mo gbagba be basa na. An Tuto Ebɔrɛ nɛ Enyɛnpe Yesu Kristo e sa menyi kuwɔr be kakɛ nɛ kagbenewushi.

Romebi 10:10

Ŋkpal manɛ so, esa be yirda ashi kagbene to e naa shin nɛ e bee ki elelapo Ebɔrɛ be anishito nɛ mbe kebaabugi kɔnɔ a ji eshɛda malɛ bee shin nɛ e bee nya kumɔlga.

Romebi 10:15

Nɛ nuso malɛ nɛ baaŋ wora m bɔ kubɔya na nɛ Ebɔrɛ baa maŋ shuŋi bumo? Loŋ malɛ nɛ abɔrɛsibɛ na bee kaŋɛ na fanɛ: “K la mamachi be kesheŋ nna n sa basa nɛ b kɔ kubɔya na nna a ba.”

Romebi 14:17

Ŋkpal manɛ so, Ebɔrɛ be kuwura na to be asheŋ maŋ la kebaaji nɛ kebaanuu be asheŋ nna. K la alelasheŋ nɛ kagbenewushi nɛ kagbenefuli nɛ a bee shi Kiyoyu Cheeŋ na kutɔ na be kebaawɔtɔ be asheŋ nna.

Romebi 15:13

Ebɔrɛ nɛ e bee sa anyi tama na e shin nɛ kagbenefuli nɛ kagbenewushi e bɔlɔ menyi to ashi menyi be keyirda mo ere to, saŋɛ na so menyi be tama beeŋ bɔla Kiyoyu Cheeŋ na be eleŋ to m bɔlɔ menyi to felɛlɛ n ya kaa wurge.

Romebi 15:33

Ebɔrɛ nɛ kagbenewushi kikɛ bee shi mo kutɔ na e baa wɔ menyi kikɛ to. Amɛn.

Romebi 3:22

Loŋ be shɛda nɛ mbra na gba nɛ anebiana na bee ji. Ebɔrɛ malɛ bee bɔla basa be yirda nɛ k deŋ Yesu Kristo so so nna a shin nɛ mo nɛ basa na kikɛ bee nya kɔnɔkoŋwule. Mo alɛ maa kpɛa basa to.

Romebi 3:30

Ebɔrɛ koŋwule e wɔtɔ, mo alɛ Juwebi nɛ basa pɔtɛ kikɛ, ekpa koŋwule so nɛ e bee bɔla a shin nɛ baa ji a lar. Bumo kikɛ be yirda so nɛ e bee yili a wora loŋ.

Romebi 4:5

Ama esa nɛ e lara mbe yirda ashi mbe ashuŋ shunso to n lɛ nseŋ ta yirda na n deŋi Ebɔrɛ nɛ e bee shin nɛ alubiworapoana bee ji a lar mbe anishito na so, loŋ be yirda na beeŋ ki alelasheŋ Ebɔrɛ be anishito n sa mo.

Romebi 5:11

Mannɛ aloŋ gba nawule so nna, ŋkpal manɛ so, an bɔla an Nyɛnpe Yesu Kristo nɛ e shin nɛ anyi nɛ Ebɔrɛ naŋ nyalɛ na so n nya kagbenefuli ŋkpal Ebɔrɛ so n ti so.

Romebi 5:18

Amoso, kananɛ esa koŋwule be kulubi na baŋ shin nɛ basa kikɛ tɔr Ebɔrɛ be ntaŋ n nya kasogberge na, loŋ koŋwule na nɛ esa koŋwule be kelela koŋwule nɛ e wora na bee sɔ basa kikɛ a yige a sa bumo ŋkpa.

Romebi 6:23

Ŋkpal manɛ so, asheŋ lubi be kakɔka e la luwu, ama Ebɔrɛ be kagbene koŋwuleso be kakɛ e la ŋkpa nɛ k maŋ kɔ ekar na ashi an Nyɛnpe Yesu Kristo to.

Romebi 9:30

To, naniere, nuso nɛ anyeeŋ kaŋɛ? Kumo kikɛ nde fanɛ saŋɛ na nnyamase daa maa fin bumo nɛ Ebɔrɛ be nferinto be kelela, ama naniere bre b bɔla yirda so n nya loŋ be kebaawɔtɔ.

Galeeshaebi 2:16

baa nyi fanɛ esa be kebaabɛ mbra na so maa shin nɛ Ebɔrɛ bee kaŋɛ fanɛ e ji n lar ama e bɔla Yesu Kristo so nna n yirda. Amoso, anyi alɛ gba ta anyi be yirda nna n deŋi Yesu so nɛ Ebɔrɛ e bɔla Kristo na so n shin nɛ an ji n lar, ama mannɛ ŋkpal anyi be kebaabɛ mbra na so so, ŋkpal manɛ so, kebaabɛ mbra na so maaŋ tiŋ n shin nɛ esa kikɛ e ji n lar Ebɔrɛ be anishito kikɛ.

Galeeshaebi 3:25

Naniere, yirda be jemanɛ ere ka ba ere bre, mbra na maŋ naa wɔ anyi.

Galeeshaebi 5:22

Ama nɛ Kiyoyu na baa wɔ esa to, le be asɔ lela ere e du fanɛ kusɔrso a wɔ amodoŋwura to nɛ e bee wora: Kasha nɛ kagbenefuli nɛ kagbenewushi nɛ kanyiti nɛ kebaala esa nɛ alelasheŋ nɛ kebaayɛ a wora

Ɛfesesebi 2:7

E wora loŋ nna nɛ e ŋini jemanɛ kama nɛ k bee ba to ebi fanɛ kananɛ e ta mbe kuwɔr be kakɛgboŋ damtaana nɛ e bɔla mbe kasha so n sa anyi na ŋ kɛ anyi ashi Kristo Yesu to.

Filipaiebi 3:9

Ama mannɛ fanɛ ŋ gbagba ka bɔla mbra na so a kɔ alelasheŋ Ebɔrɛ be anishito so. M bɔla Kristo so nna n nya alelasheŋ Ebɔrɛ be anishito. Yirda nɛ baa ta a nya amo ashi mo koŋwule na kutɔ.

Kɔlɔsiebi 1:20

An Tuto na e shin nɛ mo Pibi bar asɔtoso kikɛ abar so nɛ Ebɔrɛ nɛ asɔtoso na naŋ wora kɔnɔkoŋwule, asɔtoso nɛ a wɔ kasawule so nɛ amo nɛ a wɔ ebɔrɛso kikɛ, kumo e la fanɛ, mo Pibi na bar kagbenewushi Ebɔrɛ nɛ asɔtoso kikɛ be nferinto ashi mbe ŋklaŋ nɛ a lar saŋɛ nɛ e wu kedibi largato na so na.

Kɔlɔsiebi 3:15

Men shin nɛ kagbenewushi nɛ Yesu Kristo bee sa na e baa wɔ menyi to, ŋkpal manɛ so, Ebɔrɛ lara menyi nna nɛ men baa kɔ kagbenewushi abar so, ŋkpal men ka la kukoŋwule na so. Men baa chɔrɔ Ebɔrɛ.

1 Tɛsalɔnikaebi 5:23

Ebɔrɛ nɛ e bee sa kagbenewushi na e wora menyi cheembi n shin nɛ menyi be amu kikɛ nɛ kiyoyu nɛ kagbene nɛ eyur e lar kulubi kikɛ to jemanɛ nɛ anyi nɛ Enyɛnpe Yesu Kristo beeŋ ya ba na.

2 Tɛsalɔnikaebi 3:16

To, kagbenewushi be Enyɛnpe na gbagba e sa menyi kagbenewushi saŋkama ashi kusɔ kama to. Enyɛnpe na e baa wɔ menyi kikɛ to.

Hibruwebi 13:20

Ebɔrɛ bɔla ŋklaŋ nɛ a bee ti kɔnɔkoŋwule be ŋkre nɛ k maŋ kɔ ekar na so n tiŋi an Nyɛnpe Yesu nɛ e la mbolpɔkenipogboŋ nɛ e bee keni mbe mbolpɔ so na ashi luwu to.