Romebi 4:6 - EBƆRƐ BE KAWƆL

⁶ Loŋ gbagba nɛ Ewura Deevid daa de saŋɛ nɛ e daŋ malga nɛfa nɛ k wɔ esa kama nɛ Ebɔrɛ bee lar amodoŋwura be ashuŋ shunso be kaman a ta mo a ki elelapo na be asheŋ na.

Romebi 4:6 ပူးပေါင်းရင်းမြစ်များ

Nshɛ 112:1

Men kpaŋ Enyɛnpe Ebɔrɛ na awɔrso! Kagbenefuli la bekama nɛ baa bunyaŋ Enyɛnpe Ebɔrɛ na nsaa wora mbe mbraana kasonu kagbenefuliso na peya nna.

Aizaaya 54:17

Ama kekɔsɔ kama maaŋ tiŋ n wora fo shɛŋ. Fo alɛ beeŋ nya kusɔ ko ŋ kaŋɛ bekama nɛ baaŋ ku fo kɔnɔ. Meeŋ kɔ n sa ma anya nseŋ shin nɛ b kɔ m pɔɔ so.” Enyɛnpe Ebɔrɛ e kaŋɛ na.

Jɛremaya 22:6

Kusɔ nɛ Enyɛnpe Ebɔrɛ na kaŋɛ a laŋɛ Juda be efuli so be ewurkpa be kaplɛa so nde: “Ma ere kutɔ, Juda be ewurkpa walɛ kebita nna fanɛ kananɛ Giliad be kasawule so nɛ Lebanɔn be abee so walɛ kebita na nna. Ama ma alɛ beeŋ shin nɛ k ki kakpa fuloŋ nɛ esa kikɛ maaŋ naa wɔ ndoŋ.

Jɛremaya 33:16

Juda nɛ Jerusalɛm be basa beeŋ nya kumɔlga nsaa wɔ kayurwushi be kebaawɔtɔ to. Saŋɛ na so nɛ b baa tre Jerusalɛm le: ‘Enyɛnpe Ebɔrɛ na e la anyi be Kumɔlga.’

Danɛl 9:24

Nfɛ adushushunu be ntuŋ shunu e naŋ fo pɔɛŋ nɛ Ebɔrɛ e mɔlga fo basa nɛ kadegboŋ cheembi na ashi kulubi to. Baaŋ nya alubi be ketampaŋ nsaa ji asheŋ nɛ amo be ekpa so mbaanaayɔ; saŋɛ na so bɔrɛdare na nɛ kewuŋkaŋɛ na beeŋ bɔlɔ so kashenteŋto nɛ b naŋ laŋɛ n ta bɔrɛlambu cheembi na m bɔɔ Ebɔrɛ enɔ.

Matiu 25:19

Saŋko ka ya fo nɛ anya na bumo nyɛnpe ya bɛta m ba nseŋ ba fara nɛ mo nɛ mbe anya na e keni kusɔ nɛ b ta amansherbi na n wora.

Romebi 1:17

Ŋkpal manɛ so, baru lela na e naa ŋini kananɛ Ebɔrɛ bee nase kumo fanɛ basa e baa la belelapo mbe anishito. Kumo alɛ be sososo kikɛ la yirda nna hale n ya fo ekar. Loŋ gbagba malɛ nɛ abɔrɛsibɛ na bee kaŋɛ na fanɛ: “Esa kama nɛ Ebɔrɛ nase kɔnɔ fanɛ e la elelapo na beeŋ nya ŋkpa ŋkpal mbe yirda so.”

Romebi 3:27

To, nɛ manɛ so nɛ esa bee wu mbe kumu? E beeŋ tiŋ ŋkpal e ka bee bɛ mbra na so so a wu mbe kumu a? Ayai, ŋkpal manɛ so, mannɛ e ka bee bɛ mbra na so e shin nɛ e ji n lar Ebɔrɛ be anishito, ama ŋkpal e ka yirda so.

Romebi 4:11

Mbe yirda na be kaman nɛ e daŋ ku kututu a ŋini fanɛ ŋkpal mbe yirda na so nɛ Ebɔrɛ nase kumo fanɛ e la elelapo pɔɛŋ nɛ e ku. Amoso, abɔrɛsheŋ be kaplɛa so, mo e la bumo nɛ b maŋ ku nseŋ yirda Ebɔrɛ na kikɛ bumo tuto, saŋɛ na so Ebɔrɛ beeŋ nase kumo fanɛ b la belelapo.

Romebi 4:24

Anyi nɛ an yirda mo Ebɔrɛ nɛ e tiŋi Yesu an Nyɛnpe ashi luwu to ŋkaa beeŋ nase kumo fanɛ an la belelapo na gba ti so.

Romebi 4:5

Ama esa nɛ e lara mbe yirda ashi mbe ashuŋ shunso to n lɛ nseŋ ta yirda na n deŋi Ebɔrɛ nɛ e bee shin nɛ alubiworapoana bee ji a lar mbe anishito na so, loŋ be yirda na beeŋ ki alelasheŋ Ebɔrɛ be anishito n sa mo.

Romebi 4:7

E yɛ: “Nɛfa la bumo nɛ Ebɔrɛ ta bumo be alubi m paŋ bumo na peya nna, bumo nɛ e kpra bumo be alubi bumo so na.

Romebi 4:9

To, nɛfa nɛ Ewura Deevid daŋ malga kumo be asheŋ ere la basa nɛ b ku atutu na nawule peya nna ŋko bumo nɛ b maŋ ku atutu gba peya nna? Bumo nɛ b maŋ ku atutu gba ti so. Kumo be asheŋ nɛ an teŋ nyiŋi anyi be amu ŋ kaŋɛ fanɛ abɔrɛsibɛ na kaŋɛ le na: “Ŋkpal Eebraham ka daŋ yirda Ebɔrɛ so, Ebɔrɛ nase kumo fanɛ e la elelapo nna.”

1 Kɔrintebi 1:30

Mo nawule e shin nɛ menyi nɛ Kristo Yesu ba ki kukoŋwule, mo alɛ e shin nɛ Kristo shin nɛ an pin kanyiasheŋ gbagba. Kristo na malɛ gba so e shin nɛ Ebɔrɛ bee ta anyi fanɛ basa niŋiso nɛ basa cheembi, basa nɛ b fɔr so n nyalɛ so nɛ b nya kumɔlga.

2 Kɔrintebi 5:21

Anyi so nɛ Ebɔrɛ shin nɛ mo ere, esa nɛ e maŋ nyi kulubi na ki kulubi, saŋɛ na so mo so nɛ anyeeŋ ki Ebɔrɛ be anishito be belelapo.

Galeeshaebi 3:14

E sɔ anyi nna n yige nɛ nɛfa nɛ Ebɔrɛ ta n sa Eebraham na e bɔla Yesu Kristo so m ba nnyamase so, saŋɛ na so anyeeŋ nya Kiyoyu Cheeŋ nɛ Ebɔrɛ daŋ nase kɔnɔ fanɛ e beeŋ sa na.

Galeeshaebi 4:15

Naniere, manɛ e wora men be kagbenefuli nɛ men daŋ nya na? Nɛ esa bishi ma, n daa beeŋ tiŋ ŋ kaŋɛ fanɛ nɛ k daa la kewora kusɔ ko nna gba, men daa beeŋ chule men be anishi gba n sa ma.

Ɛfesesebi 1:3

Men shin nɛ an chɔrɔ an Nyɛnpe Yesu Kristo be Ebɔrɛ nɛ e la mo Tuto na ga, ŋkpal manɛ so, e bɔla Kristo so n nɛfa anyi n ta abɔrɛsheŋ be kakɛ be yiri kikɛ ashi ebɔrɛso n sa anyi.

Ditɛronɔmi 33:29

Israɛlebi, men be ŋgbene fuli pasaa! Ekama maŋ wɔtɔ e du fanɛ menyi. Enyɛnpe Ebɔrɛ na mɔlga menyi be efuli nna. Mo gbagba e naa kuŋ menyi nsaa kɔ a sa menyi. Mo koŋwule na e naa chɛ menyi to a shin nɛ menyee kɔ a pɔɔ so. Men doŋana beeŋ ba gbir ŋ kule fanɛ men wu bumo kuwɔr, nɛ men chichi bumo so m mata kasawule.”

Filipaiebi 3:9

Ama mannɛ fanɛ ŋ gbagba ka bɔla mbra na so a kɔ alelasheŋ Ebɔrɛ be anishito so. M bɔla Kristo so nna n nya alelasheŋ Ebɔrɛ be anishito. Yirda nɛ baa ta a nya amo ashi mo koŋwule na kutɔ.

2 Timoti 1:9

Ebɔrɛ mɔlga anyi nna nseŋ tre anyi fanɛ an ba ki mbe basa ŋkpal kusɔ nɛ mo gbagba yili nɛ mbe kuwɔr be kakɛ so, mannɛ kusɔ nɛ an wora so, Kristo Yesu so nɛ e bɔla n wu anyi kuwɔr pɔɛŋ nɛ kusɔ kikɛ fara dra dra na kikɛ.

Jeems 2:18

Nɛ menyi to be ekama kaŋɛ ma fanɛ esa ko wɔtɔ a kɔ yirda nɛ eko malɛ wɔtɔ a kɔ yirda be ashuŋ shunso, meeŋ kaŋɛ amodoŋwura fanɛ e ŋini ma kananɛ esa beeŋ wora ŋ kini yirda be ashuŋ shunso be kewora nsaa bɛ Ebɔrɛ so nɛ kashenteŋ. Kumo be kaman nɛ ma alɛ e bɔla ma ashuŋ shunso so ŋ ŋini mo kananɛ kashenteŋ be yirda du.

2 Pita 1:1

Kawɔl ere shi ma, Saimɔn Pita nɛ n la Yesu Kristo be kenya nɛ mbe eshuŋipo na kutɔ nna a yɔ menyi nɛ men bɔla Yesu Kristo an be Ebɔrɛ nɛ an be Emɔlgapo be kananɛ e niŋi ekpa so so n nya yirda koŋwule nɛ anyi alɛ gba kɔ na kutɔ. Anyi be yirda na maŋ kɔ ebarkasa kikɛ.