Romebi 4:20 - EBƆRƐ BE KAWƆL

²⁰ Mbe yirda daa maŋ gbuŋgbuŋ to n shin nɛ e fara a lar Ebɔrɛ be kɔnɔ naseso be kaman. E daŋ nya yirda be eleŋ nna n ti so nseŋ ta kemaŋkura n sa Ebɔrɛ.

Romebi 4:20 ပူးပေါင်းရင်းမြစ်များ

Jɛnesis 15:6

Nɛ Eebram yirda Enyɛnpe be kamalga na. Nɛ Enyɛnpe na malɛ kpal loŋ so n nase kumo fanɛ e la esa nɛ e niŋi nna ashi mbe anishi to.

2 Bewura 7:19

Nɛ ewura na be laŋ to be beshumpo be enimu na malɛ kaŋɛ fanɛ hale nɛ Enyɛnpe Ebɔrɛ shin nɛ ayu wora ga gba loŋ maaŋ tiŋ n wora kikɛ. Nɛ Elaisha malɛ kaŋɛ mo le: “Feeŋ ta fo anishi n wu amo ama fo alɛ be kɔnɔ maaŋ bɛta amo!”

2 Bewura 7:2

Ndoŋ nna nɛ ewura na be benapo be enimu nɛ e bee fute a yigeso na kaŋɛ anebi Elaisha le: “Loŋ maaŋ tiŋ n wora. Hale Enyɛnpe Ebɔrɛ shin nɛ bɔrɛ ba ga nɛ ayu wora ga gba, amo be yawu maaŋ baa du loŋ.” Nɛ Elaisha kaŋɛ: “Fo anishi nɛ feeŋ ta n wu amo ama fo maaŋ ji amo be ajibi.”

Aizaaya 7:9

Israɛl be efuli na maŋ kɔ eleŋ a chɔ kumo be kadegboŋ nɛ baa tre Samɛria na, nɛ Samɛria malɛ maŋ kɔ eleŋ a chɔ ewura Pɛka. Nɛ Juda be ewura, Ahaz, nɛ mbe benimuana maŋ yirda ma bre, baaŋ kɔ n tɔr.”

Danɛl 10:19

Ndoŋ nna nɛ e kaŋɛ le: “Ebɔrɛ bee sha fo, amoso sa maa fɔŋ shɛŋ shɛŋ so ŋko a lɔ kufu.” E ka malga loŋ n loge, nɛ n nya eleŋ nseŋ kaŋɛ le: “Jande, kaŋɛ ma kusɔ nɛ fee sha kekaŋɛ, ŋkpal manɛ so fo shin nɛ n naŋ nya eleŋ.”

Danɛl 11:32

Ewura na beeŋ bɔla kafule be ekpa so n nya bekama nɛ b teŋ kini bumo be kabɔrɛshuŋ na nɛ b bɛ mo so ama bekama nɛ baa bɛ Ebɔrɛ so na bre maaŋ shuli so n sa mo.

Heegai 2:4

Ama ekama e sa maŋ pɔ aba. Menyi ere e baa shuŋ kushuŋ na de, ŋkpal manɛ so, n wɔ menyi kutɔ.

Zakareya 8:13

Efuli pɔtɛana be basa bee shoduu menyi Juda nɛ Israɛl be efuliana so ebi nna, ama meeŋ mɔlga menyi nseŋ shin nɛ men ki nɛfa be basa. Men baa kɔ kenyɛn nsaa maa lɔ kufu.”

Zakareya 8:9

Kusɔ nɛ Enyɛnpetale Ebɔrɛ na naŋ kaŋɛ nde: “Mmalga nɛ ma anebiana na daŋ malga jemanɛ nɛ b daa tɔl ma bɔrɛlambu na be gbaltɔlase na nɛ menyee nu na, amoso men baa kɔ kenyɛn nsaa maa pɔ aba.

Matiu 9:8

Basa na ka wu kusɔ nɛ k wora na nɛ kufu pɛ bumo nɛ b di Ebɔrɛ epaŋ ŋkpal e ka ta le be eleŋ n sa basa so.

Luuk 1:18

Nɛ Zakareya kaŋɛ malaika na: “Ma nɛ ma eche kikɛ bel, nɛ nuso nɛ meeŋ wora m pin fanɛ k la kashenteŋ nna?”

Luuk 1:45

Fo ka yirda fanɛ Ebɔrɛ be kubɔya nɛ e bar fo na beeŋ bɔla ekpa na so so nɛ e nɛfa fo kagbenefuliso nna.”

1 Kɔrintebi 16:13

Men baa da so a yil men be yirda na to kpakpa a kɔ kenyɛn nseŋ naa kɔ eleŋ.

2 Kɔrintebi 12:10

Amoso, ŋkpal Kristo so ma kagbene bee fuli ma kapɔshi to nna nɛ kategeana to nɛ kebaawɔtɔ kpakpasoana to nɛ etɔrɔana to nɛ ŋgbenejijaana to. Ŋkpal manɛ so, kapɔshi baa wɔ ma to, kumo ere ŋ kɔ eleŋ nna na.

Ɛfesesebi 6:10

Ade kikɛ be kaman, men baa kɔ eleŋ Enyɛnpe na nɛ mbe eleŋgboŋ na to.

2 Timoti 2:1

Amoso, fo ere m pibi, baa wɔ eleŋ nɛ k bee shi Yesu Kristo kutɔ a ba ŋkpal mbe kuwɔr be kakɛ na so to

1 Samuɛl 30:6

Ndoŋ nna nɛ kagbenejija tɔr Deevid so, nɛ mbe basa be ŋgbene kikɛ kaa bumo ŋkpal b ka paŋ bumo be mbia so. Nɛ baa kaŋɛ fanɛ baaŋ kpa Deevid ajembu m mɔ nɛ Enyɛnpe Ebɔrɛ nɛ e la mbe Ebɔrɛ na leŋ mo to ga.