Romebi 4:17 - EBƆRƐ BE KAWƆL

¹⁷ Loŋ nɛ abɔrɛsibɛ na bee kaŋɛ fanɛ Ebɔrɛ kaŋɛ Eebraham le na. E yɛ: “N ta fo ŋ ki efuli damtaana so ebi bumo tuto.” Amoso, Ebɔrɛ be anishito Eebraham nɛ e daŋ yirda mo ere Ebɔrɛ nɛ e bee sa basa wuso ŋkpa nsaa shin nɛ asɔ nɛ a maŋ wɔ durnya to bee fara kebaawɔtɔ na e la an tuto.

Romebi 4:17 ပူးပေါင်းရင်းမြစ်များ

Jɛnesis 17:16

Meeŋ nɛfa mo nseŋ shin nɛ e kurge ebinyɛn n sa fo. Meeŋ nɛfa mo n shin nɛ mbe mbia e ki efuli damta be bewura.”

Jɛnesis 17:20

N nu kusɔ nɛ fo kule a yɔ Ishmaɛl be kaplɛa so na, amoso meeŋ nɛfa mo alɛ gba nseŋ sa mo mbia damta nɛ kaman to ebi damta. Ade kikɛ be kaman e beeŋ ki bewurbi kuduanyɔ bumo tuto nɛ n shin nɛ mbe efuli e ki efuli lempo gboŋgboŋi.

Jɛnesis 28:3

Ebɔrɛ Enyɛnpetale na e nɛfa fo nseŋ sa fo mbia be kanya nɛ fo ba ki basa damta bumo tuto.

Aizaaya 43:6

Meeŋ kaŋɛ basa nɛ b wɔ kelargato be esoso nɛ bumo nɛ b wɔ kelargato be kaseto na kikɛ fanɛ, b sa menyi, nɛ men la ma basa, ekpa nɛ men baa yɔ! Ma alɛ beeŋ naŋ kaŋɛ bumo fanɛ b shin nɛ men shi efuli pɔtɛana nɛ a wɔ kufɔ kufɔ, nɛ durnya be kaplɛkama m bɛta m ba menyi gbagba be efuli so.

Aizaaya 44:7

Esa kikɛ maaŋ tiŋ n wora asɔ nɛ n wora ere. Esa kikɛ malɛ maaŋ tiŋ ŋ kaŋɛ kusɔ nɛ k beeŋ wora yili saŋɛ be sososo n ya fo kumo be lalaloge.

Aizaaya 48:13

Ŋ gbagba be enɔ nɛ n ta n to durnya, nseŋ shin nɛ awɔlpa parga to n sɔ kaplɛkama. Kusɔ kama nɛ m baŋ yili n sa amo, e bee nya manaŋ a wora ma kasonu epul to nna.

Aizaaya 49:12

Ma basa beeŋ shi kufɔ kufɔ m bɛta m ba epe. Baaŋ shi kelargato be esoso nɛ epeŋitɔrkpa be kaba so, nɛ kebonfu nɛ baa tre Aswan nɛ k wɔ kelargato be kaseto be kaba so na kikɛ m bɛta m ba epe.”

Aizaaya 51:2

Ma, Ebɔrɛ e lara Eebraham nɛ mbe eche Sɛɛra, nɛ men baa la bumo be kaman to ebi. Jemanɛ nɛ n daŋ tre Eebraham na, nɛ e daa maŋ kɔ ebi, kumo be kaman nɛ n nɛfa mo nseŋ sa mo kaman to ebi damta.

Aizaaya 55:12

Kagbenefuli nɛ menyeeŋ ta n lar Babilɔn be efuli so, nseŋ lar kadegboŋ na to nɛ kayurwushi. Abeegboŋ nɛ abeebi beeŋ baa boŋ nshɛ a sa menyi, nɛ ndibi malɛ e baa kpla enɔ a wɔtɔ.

Matiu 3:9

nsaa maa fɛ fanɛ, nɛ men kaŋɛ men be amu le: ‘An nana e la Eebraham’, menyeeŋ ji n lar. Ma e kaŋɛ menyi na fanɛ Ebɔrɛ beeŋ tiŋ n ta ajembu ere m pɔr kaman to ebi n sa Eebraham.

Baru lela nɛ Jɔn kute na 5:21

Ŋkpal manɛ so, kananɛ Etuto na bee tiŋi basa luwu to a sa bumo ŋkpa na, loŋ gbagba nna nɛ ma, Ebinyɛn na bee sa basa nɛ mee sha ŋkpa.

Baru lela nɛ Jɔn kute na 5:25

Ma e kaŋɛ menyi kashenteŋto na fanɛ saŋko beeŋ ba fo, saŋɛ na teŋ fo gba fanɛ bubuni beeŋ nu ma, Ebɔrɛ Pibinyɛn na be ebɔl, ekama malɛ nɛ e nu kumo beeŋ nya ŋkpa a wɔtɔ.

Baru lela nɛ Jɔn kute na 6:63

Kiyoyu na bee sa ŋkpa nna, ama eyur ere bre maaŋ tiŋ n wora shɛŋ. Mmalga nɛ m malga n sa menyi ere e naa shin nɛ menyee nya Kiyoyu nɛ e bee sa ŋkpa na.

Ashuŋ Shunso 15:18

Enyɛnpe nɛ e bugi kesheŋ ere to ŋ kaŋɛ dra na kikɛ na e naa kaŋɛ loŋ na.’ ”

Romebi 3:29

Ŋko Ebɔrɛ la Juwebi nawule be Ebɔrɛ nna a? Mannɛ basa pɔtɛ gba be Ebɔrɛ e la mo a? Bumo alɛ gba be Ebɔrɛ nna walɛ.

Romebi 4:18

Saŋɛ nɛ Eebraham daŋ yirda nseŋ tama na, e daa maŋ wu shɛŋ pɔɛŋ nna nseŋ tama. Amoso nɛ e ki efuli damta so ebi bumo tuto fanɛ kananɛ abɔrɛsibɛ na kaŋɛ mo le na: “Loŋ nɛ fo kaman to ebi beeŋ ba wora keshi a sa.”

Romebi 4:2

Nɛ fanɛ ashuŋ ko nɛ e daŋ wora nseŋ ji n lar Ebɔrɛ be anishito, kumo ere e daa beeŋ tiŋ ŋkpal amo so m puchi, ama e maaŋ tiŋ m puchi Ebɔrɛ bre be anishito.

Romebi 8:11

Nɛ Ebɔrɛ nɛ e tiŋi Yesu ashi luwu to na be Kiyoyu baa wɔ menyi to bre, kumo ere mo koŋwule nɛ e tiŋi Kristo ashi luwu to na gbagba beeŋ naŋ bɔla mbe Kiyoyu nɛ e wɔ menyi to na so n sa menyi be eyurana nɛ a beeŋ kaŋ wu kachako ere ŋkpa.

Romebi 9:11

Ama pɔɛŋ nɛ b kurge mbia na nɛ b wora kelela ŋko kulubi Ebɔrɛ daŋ kaŋɛ Rebɛka nna le:

Romebi 9:26

“Kakpa nɛ ma Ebɔrɛ daŋ kaŋɛ bumo le: ‘Mannɛ ma basa e la menyi’ na koŋwule na nɛ meeŋ naŋ tre bumo ma, Ebɔrɛ nɛ n wɔ ŋkpa to na be mbia.”

1 Kɔrintebi 1:28

E lara durnya ere to be asɔ bɔlpo nna nɛ asɔ nɛ basa bee keni jiga na nna nɛ asɔ nɛ a maŋ la shɛŋ na, saŋɛ na so e beeŋ ta durnya ere to be asɔ lela na ŋ ki asɔ fuloŋ

1 Kɔrintebi 15:45

Loŋ malɛ nɛ abɔrɛsibɛ na bee kaŋɛ na fanɛ: “Sososo be Adam na daŋ ki kusɔ futeso nna,” nɛ lalaloge be Adam na malɛ daŋ ki ŋkpasapo be Kiyoyu.

1 Timoti 6:13

Ebɔrɛ nɛ e bee sa kusɔ kikɛ ŋkpa nɛ Yesu Kristo nɛ e yili Gomena Pɔnshes Pailat be anishito n ji shɛda lela na be anishito nɛ n yil a kaŋɛ fo fanɛ fo baa nu a sa asɔ nɛ ŋ ŋini fo na kikɛ

Hibruwebi 11:12

Ŋkpal le be yirda ere so nɛ basa damta daŋ shi enyɛn koŋwule nɛ e daa maŋ naa kɔ eleŋ nseŋ daa du fanɛ esa nɛ e teŋ wu na to. Naniere b shi fanɛ achɛkpabi mo nɛ a wɔ awɔlpa to na nna. Esa malɛ maaŋ tiŋ ŋ karga bumo fanɛ kananɛ b maaŋ tiŋ ŋ karga teku ase be ajembubi na.

Hibruwebi 11:3

Yirda so nɛ an pin fanɛ kamalga nɛ Ebɔrɛ daŋ ta n to esoso nɛ kasawule kikɛ. Amoso, asɔ nɛ anyee wu ere shi kusɔ nɛ esa daa maŋ wu kenishiso nna.

Hibruwebi 11:7

Yirda so nɛ Nowa daŋ nu Ebɔrɛ be kɔnɔ a yɛ asheŋ nɛ a daa beeŋ ba kachako so nɛ esa maŋ naŋ wu na. Ebɔrɛ ka daŋ kaŋɛ loŋ na e daŋ nu n sa mo nseŋ gbir kuloŋgboŋ nɛ mo nɛ mbe kanaŋ luri m mɔlga bumo be amu. Ŋkpal loŋ na so durnyaebi daa maŋ nya kashenteŋ, kumo be kaman nɛ e nya yirda be tɔnɔ, kumo e la fanɛ e ki elelapo Ebɔrɛ be anishito.

1 Pita 2:10

Saŋko men daa maŋ la Ebɔrɛ be basa, ama naniere men la mbe basa nna. Saŋko Ebɔrɛ daa maŋ wu menyi kuwɔr, ama naniere men nya mbe kuwɔr.

2 Pita 3:8

Ama n teri shasoana, men sa maŋ kaŋ teŋ kesheŋ koŋwule ere so fanɛ Enyɛnpe bre kutɔ kachɛ koŋwule du fanɛ nfɛ kagboŋ nna nɛ nfɛ kagboŋ malɛ du fanɛ kachɛ koŋwule mo kutɔ.