Romebi 4:16 - EBƆRƐ BE KAWƆL

¹⁶ Amoso, yirda e la kɔnɔ naseso be kumu, saŋɛ na so, loŋ be kɔnɔ naseso na beeŋ baa la Ebɔrɛ be kakɛ be tɔɔnɛ a sa Eebraham be kaman to ebi kikɛ, mannɛ bumo nɛ baa bɛ mbra na so nawule na, ama bumo nɛ b yirda Ebɔrɛ fanɛ kananɛ Eebraham daŋ yirda na gba ti so. Ŋkpal manɛ so, Eebraham e la anyi kikɛ be etuto ashi abɔrɛsheŋ be kaplɛa so.

Romebi 4:16 ပူးပေါင်းရင်းမြစ်များ

Aizaaya 51:2

Ma, Ebɔrɛ e lara Eebraham nɛ mbe eche Sɛɛra, nɛ men baa la bumo be kaman to ebi. Jemanɛ nɛ n daŋ tre Eebraham na, nɛ e daa maŋ kɔ ebi, kumo be kaman nɛ n nɛfa mo nseŋ sa mo kaman to ebi damta.

Luuk 19:9

Nɛ Yesu kaŋɛ: “Kabre kumɔlga ba laŋ ere to ebi so, ŋkpal manɛ so, Zakiyes gba la Eebraham mo nanabi nna.

Romebi 15:8

Ŋkpal manɛ so, ma e kaŋɛ menyi na fanɛ Kristo ki Juwebi be kenya nna ŋkpal Ebɔrɛ be kashenteŋ na so, saŋɛ na so, e beeŋ shin nɛ nnɔ nɛ Ebɔrɛ nase n sa benananyɛngboŋana na e bɔla ekpa.

Romebi 3:22

Loŋ be shɛda nɛ mbra na gba nɛ anebiana na bee ji. Ebɔrɛ malɛ bee bɔla basa be yirda nɛ k deŋ Yesu Kristo so so nna a shin nɛ mo nɛ basa na kikɛ bee nya kɔnɔkoŋwule. Mo alɛ maa kpɛa basa to.

Romebi 3:30

Ebɔrɛ koŋwule e wɔtɔ, mo alɛ Juwebi nɛ basa pɔtɛ kikɛ, ekpa koŋwule so nɛ e bee bɔla a shin nɛ baa ji a lar. Bumo kikɛ be yirda so nɛ e bee yili a wora loŋ.

Romebi 4:11

Mbe yirda na be kaman nɛ e daŋ ku kututu a ŋini fanɛ ŋkpal mbe yirda na so nɛ Ebɔrɛ nase kumo fanɛ e la elelapo pɔɛŋ nɛ e ku. Amoso, abɔrɛsheŋ be kaplɛa so, mo e la bumo nɛ b maŋ ku nseŋ yirda Ebɔrɛ na kikɛ bumo tuto, saŋɛ na so Ebɔrɛ beeŋ nase kumo fanɛ b la belelapo.

Romebi 5:1

Naniere Ebɔrɛ ka kpal anyi be yirda so n shin nɛ an ji n lar mbe anishito ere bre, an bɔla an Nyɛnpe Yesu Kristo so a kɔ kagbenewushi ashi Ebɔrɛ na be anishito.

Romebi 9:8

To, kede e naa ŋini fanɛ mannɛ eyur ere to be kakurge e naa ta basa a ki Ebɔrɛ be mbia she bumo nɛ b bɔla Ebɔrɛ be kɔnɔ naseso na to n nya kakurge na nawule e la Eebraham be kaman to ebi kashenteŋto.

Galeeshaebi 3:14

E sɔ anyi nna n yige nɛ nɛfa nɛ Ebɔrɛ ta n sa Eebraham na e bɔla Yesu Kristo so m ba nnyamase so, saŋɛ na so anyeeŋ nya Kiyoyu Cheeŋ nɛ Ebɔrɛ daŋ nase kɔnɔ fanɛ e beeŋ sa na.

Galeeshaebi 3:16

Eebraham nɛ mbe kamanto be esa nɛ Ebɔrɛ daŋ nase nnɔ na n sa. Abɔrɛsibɛ na maa kaŋɛ fanɛ fo Eebraham nɛ fo kaman to ebi, kumo e la fanɛ, a ber bumo fanɛ basa damta. Abɔrɛsibɛ na yɛ: “Nɛ fo kamanto be esa”, a ŋini fanɛ esa koŋwule nɛ Ebɔrɛ de na. Mo e la Kristo na.

Galeeshaebi 3:22

Ama abɔrɛsibɛ na bee kaŋɛ fanɛ durnya kikɛ wɔ alubi be enɔ to nna, amoso, basa nɛ b yirda beeŋ nya kakɛ nɛ Ebɔrɛ nase kɔnɔ fanɛ e beeŋ sa na ŋkpal b ka bee yirda Yesu Kristo so.

Ɛfesesebi 2:5

e tiŋi anyi nɛ Kristo nna m bar anyi ŋkpa to saŋɛ nɛ an daa wɔ kasomaanu be luwu to na. Ebɔrɛ malɛ be kuwɔr be kakɛ so nɛ men nya kumɔlga.

Ɛfesesebi 2:8

Ŋkpal manɛ so, Ebɔrɛ be kuwɔr be kakɛ so e shin nɛ men bɔla yirda so n nya kumɔlga, mannɛ men gbagba be ashuŋ shunso so nɛ men nya kumo. K la Ebɔrɛ be kakɛ nna.

Taites 3:7

Ŋkpal mbe kuwɔr be kakɛ na so e kpra anyi be alubi ashi anyi so nɛ ŋkpa nɛ k maŋ kɔ ekar nɛ anyee tama na e ki anyeya.

2 Pita 1:10

Amoso, ŋ kurgepoana, men baa wora ania ga kebaawɔtɔ ere to a ti so n shin nɛ men be ketre nɛ kelara nɛ Ebɔrɛ lara menyi na e baa dii efuli men be kebaawɔtɔ to. Nɛ menyi alɛ baa wora loŋ be asheŋ na men maaŋ tɔr kikɛ.