Romebi 4:12 - EBƆRƐ BE KAWƆL

¹² Mo ere Eebraham koŋwule na e la bumo nɛ b ku atutu na gba bumo tuto, ama mannɛ b ka baŋ ku na so, b ka wɔ yirda be kebaawɔtɔ koŋwule nɛ mo ere Eebraham daa wɔ to pɔɛŋ nseŋ ku kututu na gba so.

Romebi 4:12 ပူးပေါင်းရင်းမြစ်များ

Job be kawɔl 33:11

Mo e ta ŋgbɛlɛbi ŋ kre ma aya, nsaa dara aya kama nɛ mee tia.”

Nshɛ 47:9

Durnya be bejuŋkparpo kikɛ ba abar so nna m ba ki an nananyɛn Eebraham be Ebɔrɛ na be basa. Durnya to be bewura kikɛ la Ebɔrɛ peya nna. Kemaŋkura e baa la Ebɔrɛ na peya.

Aŋasa 2:20

Amoso a daga fanɛ fo baa kute basa lela be aworbi to nna; nsaa wɔ kebaawɔtɔ niŋi so to.

Sɔlɔmɔn 1:8

Beche to be kebita, nɛ fo maŋ nyi ndoŋ gba fo bɛ mbolpɔ na be aya so. Keta fo mboebi n yɔ kejito a mata mbolpɔkpapoana na be ewajɛbu na ase.

Ezikɛl 33:24

Dimɛdi pibi, basa nɛ b kra wɔ Israɛl be efuli so be nde nɛ a bure na to na bee kaŋɛ nna fanɛ: ‘Eebraham daa la esa koŋwule nna nɛ Enyɛnpe Ebɔrɛ na ta kasawule na kikɛ n sa mo. Naniere an ka la basa damta ere, kasawule na ki anyeya nna a.’

Matiu 3:9

nsaa maa fɛ fanɛ, nɛ men kaŋɛ men be amu le: ‘An nana e la Eebraham’, menyeeŋ ji n lar. Ma e kaŋɛ menyi na fanɛ Ebɔrɛ beeŋ tiŋ n ta ajembu ere m pɔr kaman to ebi n sa Eebraham.

Romebi 4:11

Mbe yirda na be kaman nɛ e daŋ ku kututu a ŋini fanɛ ŋkpal mbe yirda na so nɛ Ebɔrɛ nase kumo fanɛ e la elelapo pɔɛŋ nɛ e ku. Amoso, abɔrɛsheŋ be kaplɛa so, mo e la bumo nɛ b maŋ ku nseŋ yirda Ebɔrɛ na kikɛ bumo tuto, saŋɛ na so Ebɔrɛ beeŋ nase kumo fanɛ b la belelapo.

Romebi 4:13

Ebɔrɛ daŋ nase kɔnɔ nna n sa Eebraham nɛ mbe kaman to ebi fanɛ baaŋ nya durnya ere. Mannɛ Eebraham ka daa bɛ mbra na so so nɛ Ebɔrɛ nase kɔnɔ na, e ka daŋ yirda Ebɔrɛ nɛ e nase kumo fanɛ e la elelapo na so nɛ e daŋ wora loŋ.

2 Kɔrintebi 12:18

Taites nɛ n daŋ kule fanɛ e yɔ menyi kutɔ nseŋ shuŋi ekurgepo mo na fanɛ e shuŋi mo n yɔ. To, menyee fɛ fanɛ Taites e daŋ ji menyi so nna ŋko nuso? Ma nɛ Taites kikɛ maŋ kɔ nfɛra koŋwule nɛ kebaawɔtɔ koŋwule nna a?

1 Pita 2:21

Kashenteŋto malɛ, loŋ so nɛ Ebɔrɛ tre menyi, ŋkpal manɛ so, loŋ nɛ Kristo gba ji tɔrɔ m bugi loŋ be ekpa na n nase fanɛ men bɛ mbe aya so.