Romebi 4:11 - EBƆRƐ BE KAWƆL

¹¹ Mbe yirda na be kaman nɛ e daŋ ku kututu a ŋini fanɛ ŋkpal mbe yirda na so nɛ Ebɔrɛ nase kumo fanɛ e la elelapo pɔɛŋ nɛ e ku. Amoso, abɔrɛsheŋ be kaplɛa so, mo e la bumo nɛ b maŋ ku nseŋ yirda Ebɔrɛ na kikɛ bumo tuto, saŋɛ na so Ebɔrɛ beeŋ nase kumo fanɛ b la belelapo.

Romebi 4:11 ပူးပေါင်းရင်းမြစ်များ

Jɛnesis 17:24

Eebraham gba daŋ fo nfɛ adekpanu nɛ akpanu nna pɔɛŋ nseŋ ku kututu.

Nshɛ 47:9

Durnya be bejuŋkparpo kikɛ ba abar so nna m ba ki an nananyɛn Eebraham be Ebɔrɛ na be basa. Durnya to be bewura kikɛ la Ebɔrɛ peya nna. Kemaŋkura e baa la Ebɔrɛ na peya.

Ɛksodɔs 12:13

Ŋklaŋ nɛ menyeeŋ ta ŋ gbiti men be nwu nɛ men wɔtɔ ere be mbuna na beeŋ baa la ndulgi nna n sa menyi ere. Saŋɛ na so nɛ m baŋ ta luwu be aleblawu lubi a ba Ijiptebi so saŋ wu ŋklaŋ na, meeŋ baŋ menyi so n choŋ nɛ shɛŋ maaŋ wora menyi.”

Ɛksodɔs 31:13

“Kaŋɛ Israɛlebi fanɛ b baa bɛ ma kewushiachɛ be daŋkare so nsaa ta kumo fanɛ kachɛ cheembi, ŋkpal manɛ so, kewushiachɛ na la ma nɛ menyi nɛ menyi be kaman to ebi kikɛ be kanyiŋi be kachɛ nna a ŋini fanɛ ma, Enyɛnpe Ebɔrɛ na e lara menyi fanɛ ma basa.

Ɛksodɔs 31:17

K beeŋ baa la ma nɛ menyi Israɛlebi be kanyiŋi be kachɛ nna hale mbaanaayɔ, ŋkpal manɛ so, ma, Enyɛnpe Ebɔrɛ na ta nchɛ ashe nna n to esoso nɛ kasawule nseŋ wushi kachɛ shunusopo na.”

Ezikɛl 20:12

Kumo be kaman, nɛ n yili ma Kewushiachɛ n sa bumo nɛ k baa la ashi tɔɔnɛ ma nɛ bumo be kefɛato, saŋɛ na so baaŋ pin fanɛ ma, Enyɛnpe Ebɔrɛ na e shin nɛ b ki basa cheembi.

Ezikɛl 20:20

Men ta ma Kewushiachɛ naŋ ki kachɛ cheembi, saŋɛ na so k beeŋ baa la tɔɔnɛ a ŋini fanɛ men la ma basa nna nɛ ma alɛ la Enyɛnpe menyi be Ebɔrɛ na.

Matiu 16:16

Nɛ Saimɔn Pita kaŋɛ: “Fo e la Kristo, Ebɔrɛ nɛ e wɔ ŋkpa to Pibinyɛn na.”

Matiu 8:11

Ma e kaŋɛ menyi na fanɛ basa damta beeŋ shi epeŋilarkpa nɛ epeŋitɔrkpa m ba nɛ bumo nɛ Eebraham nɛ Aizek nɛ Jeekɔb e chena ebɔrɛso be kuwura na to n ji,

Luuk 19:9

Nɛ Yesu kaŋɛ: “Kabre kumɔlga ba laŋ ere to ebi so, ŋkpal manɛ so, Zakiyes gba la Eebraham mo nanabi nna.

Baru lela nɛ Jɔn kute na 3:33

Esa kama malɛ nɛ e sɔ loŋ be shɛda na gbagba bee ji shɛda nna fanɛ Ebɔrɛ ka la kashenteŋ be Ebɔrɛ.

Baru lela nɛ Jɔn kute na 3:36

Esa kama nɛ e yirda Ebinyɛn na kɔ ŋkpa nɛ k maŋ kɔ ekar na, ama esa kama nɛ e kini Ebinyɛn na, maaŋ wu ŋkpa na, ama Ebɔrɛ be agbo e naaŋ baa wɔ mo so.

Baru lela nɛ Jɔn kute na 6:35

Nɛ Yesu kaŋɛ bumo: “Ma e la loŋ be bodobodo nɛ k bee sa ŋkpa na. Ekama nɛ e ba ŋ kutɔ, akoŋ maaŋ pɛ mo kikɛ nɛ ekama nɛ e yirda ma, achukoŋ malɛ maaŋ pɛ mo.

Baru lela nɛ Jɔn kute na 6:40

Ŋkpal manɛ so, n Tuto be aparsheŋ e la fanɛ esa kama nɛ e wu ma, Nyiŋgbasa Pibinyɛn na nseŋ yirda, amodoŋwura beeŋ nya ŋkpa nɛ k maŋ kɔ ekar na nɛ n tiŋi mo ashi luwu to lalaloge be kachɛ na.”

Baru lela nɛ Jɔn kute na 6:47

Ma e kaŋɛ menyi kashenteŋto na fanɛ ekama nɛ e yirda ma kɔ ŋkpa nɛ k maŋ kɔ ekar na.

Baru lela nɛ Jɔn kute na 8:33

Ndoŋ nna nɛ Juwebi na kaŋɛ mo le: “Eebraham mo nanabiana e la anyi, anyi ere maŋ naŋ ki esa kikɛ be anya, nɛ a ji nuso nna nɛ fee kaŋɛ fanɛ anyeeŋ lar kenyaya to?”

Romebi 10:11

Loŋ malɛ nɛ abɔrɛsibɛ na bee kaŋɛ na fanɛ: “Esa kama nɛ e yirda mo maa ji anishinyɔr kikɛ.”

Romebi 10:4

Kristo malɛ e bar mbra na ekar, saŋɛ na so, ekama nɛ e yirda, Ebɔrɛ beeŋ shin nɛ mo nɛ amodoŋwura e nyalɛ.

Romebi 10:6

Ama le nɛ abɔrɛsibɛ na bee kaŋɛ kebɔla yirda so a ki elelapo Ebɔrɛ be anishito be asheŋ: “Sa maŋ bishi fo kumu fanɛ: ‘Wanɛ e naaŋ dii n yɔ ebɔrɛso?’ Kumo e la fanɛ n ya bar Kristo.

Romebi 3:22

Loŋ be shɛda nɛ mbra na gba nɛ anebiana na bee ji. Ebɔrɛ malɛ bee bɔla basa be yirda nɛ k deŋ Yesu Kristo so so nna a shin nɛ mo nɛ basa na kikɛ bee nya kɔnɔkoŋwule. Mo alɛ maa kpɛa basa to.

Romebi 3:26

Ama naniere bre e maa kplaŋ dimɛdi be alubi so, a ŋini e ka bee ji asheŋ nɛ amo be ekpa so. Loŋ malɛ e naa ŋini mo gbagba ka la asheŋ be keji nɛ amo be ekpa so be Ebɔrɛ, mo alɛ nseŋ naa ta esa nɛ e yirda Yesu a ki elelapo mbe anishito.

Romebi 3:30

Ebɔrɛ koŋwule e wɔtɔ, mo alɛ Juwebi nɛ basa pɔtɛ kikɛ, ekpa koŋwule so nɛ e bee bɔla a shin nɛ baa ji a lar. Bumo kikɛ be yirda so nɛ e bee yili a wora loŋ.

Romebi 4:10

Saŋɛ mo nɛ Ebɔrɛ daŋ wora loŋ Eebraham daŋ ku kututu nna pɔɛŋ nɛ Ebɔrɛ wora loŋ ŋko e daŋ wora loŋ nna pɔɛŋ nɛ Eebraham ku? E daŋ wora loŋ nna pɔɛŋ nɛ Eebraham ku.

Romebi 9:30

To, naniere, nuso nɛ anyeeŋ kaŋɛ? Kumo kikɛ nde fanɛ saŋɛ na nnyamase daa maa fin bumo nɛ Ebɔrɛ be nferinto be kelela, ama naniere bre b bɔla yirda so n nya loŋ be kebaawɔtɔ.

Romebi 9:33

Kumo be asheŋ nɛ abɔrɛsibɛ na bee kaŋɛ fanɛ Ebɔrɛ kaŋɛ le na: “Men keni, kejembu nɛ n ta n nase Zayɔn nɛ k bee shin nɛ basa bee fiti kumo na, kumo e la fanɛ kefalta nɛ baaŋ fiti n tɔr na. Ama ekama nɛ e yirda mo Yesu na bre maaŋ ji anishinyɔr kikɛ.”

Romebi 9:6

Kede maa ŋini fanɛ Ebɔrɛ be kɔnɔ naseso na maŋ tiŋ m bɔla ekpa nna, ŋkpal manɛ so, mannɛ Israɛl be efuli so ebi kikɛ e la Ebɔrɛ be basa laraso.

2 Kɔrintebi 1:22

nseŋ ta mbe kenya be ndulgi n dulgi anyi nseŋ ta mbe Kiyoyu n wɔtɔ anyi be ŋgbene to a ŋini fanɛ mo e wɔ anyi.

Galeeshaebi 3:22

Ama abɔrɛsibɛ na bee kaŋɛ fanɛ durnya kikɛ wɔ alubi be enɔ to nna, amoso, basa nɛ b yirda beeŋ nya kakɛ nɛ Ebɔrɛ nase kɔnɔ fanɛ e beeŋ sa na ŋkpal b ka bee yirda Yesu Kristo so.

Galeeshaebi 3:29

Nɛ men baa la Kristo peya bre, kumo ere Eebraham be kaman to ebi e la menyi nɛ menyi alɛ nya kakɛ nɛ Ebɔrɛ nase kɔnɔ a sa mbe mbia na.

Galeeshaebi 3:7

Amoso, men baa nyi fanɛ basa kama nɛ b yirda Ebɔrɛ e la Eebraham mo nanabiana.

Galeeshaebi 5:5

Kusɔ nɛ anyi ere bee tama e la fanɛ Ebɔrɛ beeŋ shin nɛ anyi nɛ mo e ba abar so. Mbe Kiyoyu na be eleŋ to so nɛ loŋ be kesheŋ beeŋ bɔla anyi be yirda to n wora, kumo be loŋ malɛ nɛ anyee jo na.

Galeeshaebi 6:16

Ebɔrɛ be kagbenewushi nɛ mbe kuwɔr e baa wɔ bekama nɛ baa bɛ le be kesheŋ ere so n ti Ebɔrɛ be basa kikɛ so.

Ɛfesesebi 1:13

Ŋkpal kusɔ nɛ e wora na so, menyi alɛ gba ka daŋ nu kashenteŋ be kubɔya nɛ k bee bar menyi kumɔlga na, men yirda Kristo, nɛ Ebɔrɛ ta mbe ndulgi n dulgi menyi na. Kiyoyu Cheeŋ nɛ e nase kɔnɔ fanɛ e beeŋ sa na nɛ e ta n sa a ŋini fanɛ e dulgi anyi.

Ɛfesesebi 4:30

Menyi alɛ e sa maa jija Ebɔrɛ be Kiyoyu Cheeŋ nɛ Ebɔrɛ ta n dulgi menyi n yili kesɔnyigeachɛ na.

Ditɛronɔmi 30:6

Ade be kaman, Enyɛnpe menyi be Ebɔrɛ na beeŋ sa menyi nɛ men be kaman to ebi ŋgbene nɛ a kɔ kasonu; saŋɛ na so, menyeeŋ tiŋ n sha mo nɛ menyi be ŋgbene kikɛ nseŋ naŋ chena kasawule na so.

Filipaiebi 3:9

Ama mannɛ fanɛ ŋ gbagba ka bɔla mbra na so a kɔ alelasheŋ Ebɔrɛ be anishito so. M bɔla Kristo so nna n nya alelasheŋ Ebɔrɛ be anishito. Yirda nɛ baa ta a nya amo ashi mo koŋwule na kutɔ.

Hibruwebi 11:7

Yirda so nɛ Nowa daŋ nu Ebɔrɛ be kɔnɔ a yɛ asheŋ nɛ a daa beeŋ ba kachako so nɛ esa maŋ naŋ wu na. Ebɔrɛ ka daŋ kaŋɛ loŋ na e daŋ nu n sa mo nseŋ gbir kuloŋgboŋ nɛ mo nɛ mbe kanaŋ luri m mɔlga bumo be amu. Ŋkpal loŋ na so durnyaebi daa maŋ nya kashenteŋ, kumo be kaman nɛ e nya yirda be tɔnɔ, kumo e la fanɛ e ki elelapo Ebɔrɛ be anishito.

2 Pita 1:1

Kawɔl ere shi ma, Saimɔn Pita nɛ n la Yesu Kristo be kenya nɛ mbe eshuŋipo na kutɔ nna a yɔ menyi nɛ men bɔla Yesu Kristo an be Ebɔrɛ nɛ an be Emɔlgapo be kananɛ e niŋi ekpa so so n nya yirda koŋwule nɛ anyi alɛ gba kɔ na kutɔ. Anyi be yirda na maŋ kɔ ebarkasa kikɛ.

Kelaraŋŋini 9:4

B daŋ kaŋɛ loŋ be elotɔr na nna fanɛ b sa maŋ wora kasawule so be afitiri ŋko asɔ duuso ŋko kedibi kikɛ shɛŋ she basa nɛ b daa maa kɔ Ebɔrɛ be tɔɔnɛ be kebersobi bumo be nsɔto so na.