Romebi 4:10 - EBƆRƐ BE KAWƆL

¹⁰ Saŋɛ mo nɛ Ebɔrɛ daŋ wora loŋ Eebraham daŋ ku kututu nna pɔɛŋ nɛ Ebɔrɛ wora loŋ ŋko e daŋ wora loŋ nna pɔɛŋ nɛ Eebraham ku? E daŋ wora loŋ nna pɔɛŋ nɛ Eebraham ku.

Romebi 4:10 ပူးပေါင်းရင်းမြစ်များ

Jɛnesis 15:16

Fo kenanagbiramuli be jemanɛ to nɛ baaŋ naŋ bɛta m ba kasawule ere so. Loŋ be saŋɛ na nɛ Amɔriebi be alubi wora keshi ga nseŋ daga kasogberge.”

Jɛnesis 17:1

Eebram be nfɛ adekpanu nɛ akpanu be saŋɛ nɛ Enyɛnpe lar mo so ŋ kaŋɛ mo le: “Ma e la Enyɛnpetale na. Wora ma kasonu a bɛ ma ekpaana so nsaa la esa nɛ e maŋ kɔ amoso basa be anishito.

Jɛnesis 17:10

K daga fanɛ fo nɛ fo echefoso be kaman to ebi kikɛ e baa ku menyi to be benyɛn kikɛ atutu.

Romebi 4:11

Mbe yirda na be kaman nɛ e daŋ ku kututu a ŋini fanɛ ŋkpal mbe yirda na so nɛ Ebɔrɛ nase kumo fanɛ e la elelapo pɔɛŋ nɛ e ku. Amoso, abɔrɛsheŋ be kaplɛa so, mo e la bumo nɛ b maŋ ku nseŋ yirda Ebɔrɛ na kikɛ bumo tuto, saŋɛ na so Ebɔrɛ beeŋ nase kumo fanɛ b la belelapo.

Romebi 4:9

To, nɛfa nɛ Ewura Deevid daŋ malga kumo be asheŋ ere la basa nɛ b ku atutu na nawule peya nna ŋko bumo nɛ b maŋ ku atutu gba peya nna? Bumo nɛ b maŋ ku atutu gba ti so. Kumo be asheŋ nɛ an teŋ nyiŋi anyi be amu ŋ kaŋɛ fanɛ abɔrɛsibɛ na kaŋɛ le na: “Ŋkpal Eebraham ka daŋ yirda Ebɔrɛ so, Ebɔrɛ nase kumo fanɛ e la elelapo nna.”

Galeeshaebi 5:6

Ŋkpal manɛ so, nɛ an baa wɔ Kristo to, emo nɛ e ku kututu nɛ emo nɛ e maŋ ku kututu maŋ kɔr abar to. Kusɔ koŋwule nɛ k baa tir e la yirda nɛ k bee bɔla kasha so a shuŋ.

Galeeshaebi 6:15

Nɛ esa maŋ kɔ kusholi ŋko e kɔ, k maŋ tir kuraa, kusɔ nɛ k tir e la kebaakɔ kebaawɔtɔ popɔr na.