Romebi 3:9 - EBƆRƐ BE KAWƆL

⁹ To, naniere, nuso nɛ anyeeŋ kaŋɛ fanɛ anyi chɔ basa pɔtɛ ŋko? Cha, anyi maaŋ tiŋ ŋ kaŋɛ loŋ kikɛ, ŋkpal manɛ so, an teŋ wu fanɛ dimɛdi kikɛ, Juwebi nɛ basa pɔtɛ kikɛ wɔ alubi to nna.

Romebi 3:9 ပူးပေါင်းရင်းမြစ်များ

Aŋasa 20:9

Wanɛ e naŋ tiŋ m puchi ŋ kaŋɛ fanɛ mbe nfɛra walɛ nɛ e maŋ wora kulubi?

Aizaaya 65:5

Ade be kaman nɛ b kaŋɛ basa pɔtɛ le: “Men sa maa mata anyi, an du cheembi ga nɛ men baa bɛta anyi!” Le be basa du fanɛ edishi nna a luri ma kamuna to a kpar ma. Ma agbo a laŋɛ bumo be kaplɛa so, du fanɛ edɛ nɛ k maa duŋ kikɛ na nna.

Luuk 7:39

Farisinyɛn nɛ e daŋ tre Yesu fanɛ e ba ji ajibi na ka wu loŋ nɛ e kaŋɛ mbe kumu: “Nɛ kanyɛn ere baa la anebi gbagba nna, e beeŋ pin esa nɛ e la kache nɛ e bee beta mo ere, e beeŋ pin kebaawɔtɔ lubi nɛ e wɔ to.”

Romebi 1:18

Ama Ebɔrɛ bugi to ŋ ŋini basa kananɛ mbe agbo beeŋ shi ebɔrɛso m ba basa so ŋkpal alubi nɛ a wɔ bumo be ŋgbene to nɛ amo nɛ a dii efuli na kikɛ so. Bumo e la basa nɛ bumo be alubi na bee buu kashenteŋ na so basa be anishito na.

Romebi 11:32

Ŋkpal manɛ so, Ebɔrɛ yige basa kikɛ nna n wɔtɔ kasomaanu be kebaawɔtɔ to, saŋɛ na so nɛ e wu bumo kikɛ kuwɔr.

Romebi 11:7

To, naniere manɛ e naa wɔtɔ? Kusɔ nɛ k wɔtɔ e la fanɛ kusɔ nɛ Israɛlebi daŋ pere kenishi a fin na, b fin kumo ŋ gben, ama Ebɔrɛ be basa laraso na bre nya kumo nɛ basa nɛ b ka malɛ nya amu kpakpaso.

Romebi 2:1

Amoso, manɛ be ekpa nɛ fo dimɛdi kɔ nsaa tiŋ a wu fo barkasa kulubi? Ŋkpal manɛ so, kanaŋkama nɛ fo du nseŋ wu fo barkasa kulubi, fee ji nna a bri fo gbagba be kumu nna na, ŋkpal manɛ so, asɔ koŋwule na nɛ fee wora.

Romebi 3:1

To, nɛ nuso be kechɔ nɛ Juwebi chɔ basa pɔtɛ? Ŋko manɛ be tɔnɔ nɛ katutuku kɔ?

Romebi 3:19

Ama an nyi fanɛ kusɔ kama nɛ mbra na bee kaŋɛ, basa nɛ b wɔ kumo to na to nɛ k de, saŋɛ na so esa kikɛ maaŋ nya kɔnɔ m bugi. Loŋ malɛ e naaŋ shin nɛ Ebɔrɛ e ji durnya kikɛ demu.

Romebi 3:5

Kesheŋ bishiso ko malɛ nde fanɛ: “Nɛ fanɛ anyi be asheŋ lubi bee shin nɛ basa bee wu Ebɔrɛ be alelasheŋ, nuso nɛ an naa kaŋɛ ere? An kaŋɛ fanɛ nɛ Ebɔrɛ bar mbe agbo anyi so, e maŋ wora n nyalɛ ŋko?” Nyiŋgbasa be kamɔrɔji be kamalga nɛ mee malga na.

Romebi 6:15

To, naniere, nuso nɛ anyeeŋ kaŋɛ? Fanɛ ŋkpal an ka maŋ naa wɔ mbra na to nsaa wɔ Ebɔrɛ be kuwɔr be kakɛ be kebaawɔtɔ to so an baa wora alubi a? Kaarɛ, loŋ maŋ daga.

Romebi 7:14

An nyi mbra na ka la abɔrɛsheŋ, ama ma ere la nyiŋgbasa nna nɛ alubi kɔ ma fanɛ kenya.

1 Kɔrintebi 10:19

To, nuso nɛ mee ber ere, fanɛ kalɔŋɛjibi e la kusɔ ko ŋko kegbir bre e la kusɔ ko?

1 Kɔrintebi 14:15

To, naniere, nuso nɛ meeŋ baa wora? Meeŋ baa ta ma kiyoyu a kule Ebɔrɛ nseŋ naa ta ma nfɛra gba a kule Ebɔrɛ. Meeŋ baa ta ma kiyoyu a boŋ nshɛ nseŋ naa ta ma nfɛra gba a boŋ amo.

1 Kɔrintebi 4:7

Ŋkpal manɛ so, wanɛ e la fo nɛ fee fɛ fanɛ fo bɔ fo niopibiana? Mannɛ Ebɔrɛ e kɛ fo asɔ nɛ fo kɔ ere kikɛ a? To, nɛ manɛ e ba nɛ fee puchi fanɛ asɔ nɛ fo kɔ ere maŋ la kakɛ nna?

Galeeshaebi 3:10

Bumo nɛ b ta bumo be nfɛra n wɔtɔ mbra na be kebɛso na to na wɔ kɔnɔso to nna na, ŋkpal manɛ so, le nɛ abɔrɛsibɛ na bee kaŋɛ: “Ebɔrɛ be kɔnɔso wɔ ekama nɛ e maa bɛ mbra na be kawɔl na so nɛnɛ saŋkikɛ na so nna.”

Galeeshaebi 3:22

Ama abɔrɛsibɛ na bee kaŋɛ fanɛ durnya kikɛ wɔ alubi be enɔ to nna, amoso, basa nɛ b yirda beeŋ nya kakɛ nɛ Ebɔrɛ nase kɔnɔ fanɛ e beeŋ sa na ŋkpal b ka bee yirda Yesu Kristo so.

Filipaiebi 1:18

Ama le be asheŋ ere malɛ tir nna a? Ayai, a maŋ tir, kumo alɛ bee par ma, ŋkpal manɛ so, nɛ basa kɔ kebirkɔnshi be nfɛra nna a bɔ kubɔya na ŋko b kɔ nfɛra lela nna a bɔ kumo, kusɔ nɛ k bee lar amo kikɛ to e la fanɛ baa bɔ Kristo be asheŋ nna a sa basa. Kumo be loŋ malɛ so nɛ ma kagbene bee fuli ma na.