Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Romebi 3:4 - EBƆRƐ BE KAWƆL

4 Kaarɛ fanɛ loŋ e tiŋ n wora. Nɛ nyiŋgbasa bre la efɛpo, Ebɔrɛ bre la kashenteŋjipo nna saŋkama fanɛ kananɛ abɔrɛsibɛ na bee kaŋɛ na. A yɛ: “Fo mmalga to e naa ŋini fo ka kɔ kashenteŋ, fo alɛ beeŋ baa ji a lar fo edemu to.”

အခန်းကိုကြည့်ပါ။ ကော်ပီ




Romebi 3:4
33 ပူးပေါင်းရင်းမြစ်များ  

Kusɔ kama nɛ Ebɔrɛ wora niŋi nna. Ebɔrɛ gbagba kutɔ nɛ n nya le be kenyi ere.


Fee sha nɛ fo ŋini fanɛ m maa ji asheŋ nɛ amo be ekpa so. Ma e maŋ wora n nyalɛ, fo ere e wora n nyalɛ, ŋko?


Enyɛnpe Ebɔrɛ na walɛ ga! Mbe kasha nɛ k maa loge na, nɛ mbe kashenteŋji malɛ wɔtɔ nna mbaanaayɔ.


Jemanɛ nɛ kufu daa kɔ ma gba, m maŋ ta ma yirda n deŋi esa kikɛ so.


Fo mmalga kikɛ la kashenteŋ nna, nɛ fo mbraana nɛ a niŋi na wɔtɔ mbaanaayɔ.


Meeŋ bunyaŋ fo ashi fo bɔrɛlambu cheembi to, nseŋ kpaŋ fo ketre ŋkpal fo kasha nɛ k maa chɛrga na nɛ fo kashenteŋji so, ŋkpal manɛ so, fo maŋ fo ketre nɛ fo atande so a chɔ asɔ kikɛ.


Kashenteŋto, fo nɛ n wora n da so. N wora n jija ŋkpal ŋ ka kini kewora fo kasonu so. Amoso k daga nna nsaa walɛ fanɛ fo gberge ma kusoe n niŋi ma ekpa.


Anyi edimɛdi baa du fanɛ esa ka fute afu nna. Anyi be ekama maŋ la shɛŋ. Anyi kikɛ be egbɛ maŋ fo esa be efute be egbɛ so.


Feeŋ lara fo kashenteŋji nɛ kasha nɛ k maa loge na ŋ ŋini fo basa nɛ b la an nananyɛnana Eebraham nɛ Jeekɔb be kaman to ebi na, fanɛ kananɛ fo chɛr n nase kumo be kɔnɔ n sa bumo na.


Nɛ ma alɛ, Nyiŋgbasa Pibinyɛn ba kaa ji nsaa nuu nɛ ekama naa kaŋɛ le: ‘Men keni kanyɛn ere, ajibishapo nɛ nsanuupo nɛ lamposɔpoana nɛ alubiworapoana bumo teri e la mo.’ Ama enyiashempo be asheŋ woraso malɛ e naa ŋini kanyiasheŋ ka kɔ kashenteŋ.”


E beeŋ ba mɔ paawuraana na nseŋ ta ndibi sɔrso be kudɔ na n sa paawuraana popɔr.” Basa na ka nu kusɔ nɛ Yesu malga na nɛ b kaŋɛ le:


Esa kama malɛ nɛ e sɔ loŋ be shɛda na gbagba bee ji shɛda nna fanɛ Ebɔrɛ ka la kashenteŋ be Ebɔrɛ.


To, kusɔ nɛ mee sha nɛ m bishi e la fanɛ, Ebɔrɛ kini mbe basa nna ŋko? Kaarɛ, ma alɛ gba la Israɛl be efuli so be esa nna n shi Eebraham be kanaŋ to a la Bɛnjamin be yiri to be esa.


Men shin nɛ n naŋ bishi kesheŋ ere fanɛ Israɛlebi daŋ fiti nna n tɔr ŋ koso ŋ gben ŋko? Ayai, mannɛ aloŋ nna kuraa. Ama ŋkpal bumo be alubi so nɛ nnyamase nya kumɔlga nɛ bumo be kebaawɔtɔ na yɛlga Israɛlebi.


Ama an ta le be yirda ere n ti mbra na ekpa ŋko? Ayai, an baa kraa kɔ kumo to a ti kumo so eleŋ.


To, naniere, nuso nɛ anyeeŋ kaŋɛ? Fanɛ ŋkpal an ka maŋ naa wɔ mbra na to nsaa wɔ Ebɔrɛ be kuwɔr be kakɛ be kebaawɔtɔ to so an baa wora alubi a? Kaarɛ, loŋ maŋ daga.


Kaarɛ, loŋ maŋ daga, ŋkpal manɛ so, alubi be kewora be kaplɛa so, an wu nna, amoso, nuso nɛ anyeeŋ wora ŋ kraa wɔ amo be kewora be kebaawɔtɔ to?


To, kede bee ŋini fanɛ kusɔ lela e bar luwu ŋko? Cha, mannɛ aloŋ nna kuraa. Kulubi e bɔla kusɔ lela so m bar ma luwu nɛ kumo be da lubi gbagba e lar efuli. Amoso, ntaŋ na so nɛ esa bee wu kananɛ kulubi baŋ lubi kashenteŋto.


To, naniere, nuso nɛ anyeeŋ kaŋɛ? An kaŋɛ fanɛ mbra na gbagba lubi nna ŋko? Kaarɛ, anyi maaŋ tiŋ ŋ kaŋɛ loŋ kuraa. Ŋkpal manɛ so, mbra na e shin nɛ m pin kusɔ nɛ k la kulubi. Nɛ mbra na daa maŋ kaŋɛ le nna: “Sa maŋ yɛlga fo barkasa be kusɔ,” n daa maaŋ pin loŋ be kayɛlga be asheŋ to.


To, nuso nɛ anyeeŋ kaŋɛ naniere? Fanɛ Ebɔrɛ maa ji asheŋ nɛ amo be ekpa so ŋko? Kaarɛ gba!


Men maŋ nyi fanɛ men be eyurana ere la Kristo gbagba be mba ko nna ŋko? To, k daga fanɛ n ta Kristo to be mba ko n ya chɔga sakaleche be eyur so a? Kuraa, loŋ maaŋ nya kikɛ.


Kananɛ Ebɔrɛ maa chɛrga kɔnɔ na, loŋ koŋwule na nɛ anyi alɛ gba be kamalga maŋ la mm nɛ m-m be kamalga.


Ama kananɛ anyee sha kebɔla Kristo to n ji n lar Ebɔrɛ be anishito ere nɛ k ba fanɛ anyi alɛ gba la alubiworapoana nna, loŋ beeŋ tiŋ ŋ ŋini fanɛ Kristo na e naa shin nɛ alubi be kewora bee nya eleŋ a ti so a? Kaarɛ, mannɛ aloŋ nna.


M maa keni Ebɔrɛ be kuwɔr be kakɛ na nna jiga, ŋkpal manɛ so, nɛ b daa bɛ mbra na so nna a ji a lar Ebɔrɛ be anishito, dafanɛ Kristo be luwu na daa maŋ kɔ kifito.


Ama ma ere, kaarɛ gba fanɛ ŋ ka beeŋ ji njɔŋ ko she an Nyɛnpe Yesu Kristo be luwu nɛ e wu kedibi largato na so nawule so, nɛ durnya maŋ naa la shɛŋ ma anishito.


Enyɛnpe Ebɔrɛ na e la menyi be ekumpo lempo, nɛ mbe kusɔ kama niŋi nseŋ bɔla ekpa. Men be Ebɔrɛ na la eshenteŋjipo nɛ esa beeŋ tiŋ n yirda nna; mo e naa wora kusɔ nɛ k daga nsaa maa kpɛa to na.


Kashenteŋto, esa kikɛ maaŋ tiŋ ŋ kaŋɛ anyi be keŋini ere nɛ Ebɔrɛ lara ŋ ŋini ere maŋ la keŋinigboŋ, ŋkpal manɛ so, k bee ŋini esa nɛ e ta nyiŋgbasa be eyur nna n shi ebɔrɛso m ba durnya to be asheŋ. Mo nɛ Kiyoyu Cheeŋ na daŋ kaŋɛ anyi fanɛ e maŋ kɔ kulubi na, emalaika daŋ wu mo nɛ basa bɔ mbe kubɔya nnyamase to nɛ durnya to be basa yirda mo. Mo koŋwule na nɛ Ebɔrɛ daŋ shin nɛ e luri to n yɔ kemaŋkura be ŋkpa na to.


nɛ kumo be tama wɔ kenya ŋkpa nɛ k maŋ kɔ ekar na to na. Kumo be kɔnɔ nɛ Ebɔrɛ nase pɔɛŋ nɛ kusɔ kikɛ fara na. Mo alɛ maa ku efɛ kikɛ.


Naniere an nya asɔ anyɔ nɛ a maaŋ tiŋ n chɛrga, ŋkpal manɛ so, Ebɔrɛ maaŋ tiŋ ŋ ku efɛ kikɛ. Asɔ anyɔ na so nɛ anyi nɛ an shuli m mata Ebɔrɛ na beeŋ nya kagbene a kɔ kumɔlga be tama nɛ k wɔ anishito na to kpakpa.


Esa kama malɛ nɛ e yirda Ebɔrɛ Pibinyɛn na kɔ loŋ be shɛda na mbe kagbene to. Ama ekama nɛ e maŋ yirda Ebɔrɛ ta mo Ebɔrɛ na ŋ ki efɛpo nna na ŋkpal amodoŋwura na ka maŋ yirda shɛda mo nɛ e bee ji mo Pibinyɛn na be asheŋ na so.


Anyi alɛ nseŋ naa nyi Ebɔrɛ Pibinyɛn na ka ba m ba sa anyi nfɛra nɛ an pin kashenteŋ be Ebɔrɛ na, anyi alɛ wɔ mo kashenteŋ be Ebɔrɛ na to nna, hale mo Pibinyɛn Yesu Kristo na to. Mo e la kashenteŋ be Ebɔrɛ na, nɛ ŋkpa nɛ k maŋ kɔ ekar na.


Nɛ e kaŋɛ: “Sibɛ kawɔl ere n sa Filadɛlfia be kade to be asɔri be malaika na ŋ kaŋɛ mo le: ‘Mmalga ere shi ma, emo nɛ e du cheembi nsaa la kashenteŋwura nsaa kɔ Ewura Deevid be sɔfi to na kutɔ nna. Kusɔ nɛ m bugi, esa kikɛ maaŋ tiŋ n ti kumo, kusɔ kama malɛ nɛ n ti, esa kikɛ maaŋ tiŋ m bugi kumo.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ