Romebi 3:31 - EBƆRƐ BE KAWƆL

³¹ Ama an ta le be yirda ere n ti mbra na ekpa ŋko? Ayai, an baa kraa kɔ kumo to a ti kumo so eleŋ.

Romebi 3:31 ပူးပေါင်းရင်းမြစ်များ

Nshɛ 119:126

O, Enyɛnpe Ebɔrɛ, jemanɛ fo nɛ fo wora kusɔ ko! Ŋkpal manɛ so, basa bee wora a da fo mbraana so nna.

Nshɛ 40:8

“Kebaa wora fo aparsheŋ e naa fuli ma kagbene, amoso n ta fo mbra n wɔtɔ ma kagbene to nna.”

Aizaaya 42:21

Enyɛnpe Ebɔrɛ na kaa bee sha kumɔlga basa so, e bee keni mbe mbraana nɛ keŋini a bɔlɔ kenishi nna, mo alɛ nsaa sha mbe basa e baa bunyaŋ amo.

Matiu 15:6

To, kananɛ menyee keni Ebɔrɛ be kamalga na jiga nsaa bɛ menyi gbagba be edaŋkaresheŋ so nna na.

Matiu 3:15

Ndoŋ nna nɛ Yesu kaŋɛ mo le: “Sa maŋ kuŋ ma kumo be ekpa naniere, ŋkpal manɛ so, loŋ e daga fanɛ an wora asheŋ nɛ a bɔla ekpa nɛ Ebɔrɛ nase na kikɛ.” Ndoŋ nna nɛ Jɔn shuli m bɛr mo kabɔrɛbɛr na.

Matiu 5:17

Men sa maa fɛ fanɛ m ba na nɛ m ba kpra mbra dra nna nɛ asɔ nɛ anebiana na kaŋɛ na. M maŋ ba nna nɛ m ba kpra amo, m ba nna nɛ m ba shin nɛ a bɔla so.

Matiu 5:20

Ŋkpal manɛ so, ma e kaŋɛ menyi na fanɛ, nɛ men be alelasheŋ maŋ shi a chɔ mbraŋinipoana na nɛ Efarisiana na peya, men maaŋ luri Ebɔrɛ be kuwura na to kikɛ.

Luuk 20:16

E beeŋ ba mɔ paawuraana na nseŋ ta ndibi sɔrso be kudɔ na n sa paawuraana popɔr.” Basa na ka nu kusɔ nɛ Yesu malga na nɛ b kaŋɛ le:

Romebi 10:4

Kristo malɛ e bar mbra na ekar, saŋɛ na so, ekama nɛ e yirda, Ebɔrɛ beeŋ shin nɛ mo nɛ amodoŋwura e nyalɛ.

Romebi 2:20

Mannɛ fo koŋwule na e kraa kaŋɛ fanɛ fo e la basa balto be eŋinipo nɛ mbibi be eŋinipo, ŋkpal manɛ so, fo ere be kanyiasheŋ na nɛ kashenteŋ na bee shi mbra na to nna a?

Romebi 3:4

Kaarɛ fanɛ loŋ e tiŋ n wora. Nɛ nyiŋgbasa bre la efɛpo, Ebɔrɛ bre la kashenteŋjipo nna saŋkama fanɛ kananɛ abɔrɛsibɛ na bee kaŋɛ na. A yɛ: “Fo mmalga to e naa ŋini fo ka kɔ kashenteŋ, fo alɛ beeŋ baa ji a lar fo edemu to.”

Romebi 3:6

Kaarɛ, loŋ maŋ kɔ ekpa kuraa, ŋkpal manɛ so, nuso nɛ Ebɔrɛ daa tiŋ a ji durnya ere to ebi demu?

Romebi 4:14

Ŋkpal manɛ so, nɛ fanɛ Ebɔrɛ be kɔnɔ naseso na la bumo nɛ baa bɛ mbra na so na peya nna, kumo ere esa be yirda maŋ kɔ kifi nɛ Ebɔrɛ be kɔnɔ naseso na malɛ gba maŋ la shɛŋ.

Romebi 7:22

Ma kagbene bre gbagba bee sha Ebɔrɛ be mbra na.

Romebi 7:25

Mee chɔrɔ Ebɔrɛ ga fanɛ mo e naaŋ bɔla an Nyɛnpe Yesu Kristo so m mɔlga ma. Kusɔ nɛ k baa wɔtɔ kikɛ nde fanɛ ma ere gbagba be nfɛra to n la Ebɔrɛ be mbra na be kenya nna, ama ma kagbene lubi ere bre to n la kulubi be mbra be kenya nna.

Romebi 8:4

Ebɔrɛ wora loŋ nna nɛ alelasheŋ nɛ mbra na bee sha na e nya n wora anyi to nɛnɛ ashi anyi nɛ an maŋ naa wɔ alubi be eyur be kebaawɔtɔ to nsaa wɔ Kiyoyu na be kebaawɔtɔ to na to.

1 Kɔrintebi 9:21

Nɛ ma nɛ bumo nɛ b maŋ wɔ anebi Mosis be mbra na to baa la n wɔtɔ nna fanɛ esa nɛ e maŋ wɔ mbra na to, mannɛ fanɛ m maa bɛ Ebɔrɛ be kɔnɔ so nna, n wɔ Kristo be mbra to nna, saŋɛ na so meeŋ nya bumo nɛ b maŋ wɔ mbra na to gba n wɔtɔ Yesu be kebɛso to n ti so.

Galeeshaebi 2:19

Ŋkpal manɛ so, mbra na be kaplɛa so, n wu nna, mbra na mɔ ma, saŋɛ na so nɛ m baa wɔ ŋkpa to a sa Ebɔrɛ.

Galeeshaebi 2:21

M maa keni Ebɔrɛ be kuwɔr be kakɛ na nna jiga, ŋkpal manɛ so, nɛ b daa bɛ mbra na so nna a ji a lar Ebɔrɛ be anishito, dafanɛ Kristo be luwu na daa maŋ kɔ kifito.