Romebi 2:9 - EBƆRƐ BE KAWƆL

⁹ Tɔrɔ nɛ kayurnyaŋ beeŋ ba dimɛdi kama nɛ e bee wora alubi so, Juwebi e naaŋ juŋkpar n nya amo pɔɛŋ nɛ nnyamase e bɛ so.

Romebi 2:9 ပူးပေါင်းရင်းမြစ်များ

2 Kronikɛls 6:23

kumo ere Enyɛnpe Ebɔrɛ, fo yili esoso n ji fo nyɛrbi demu nseŋ gberge esa nɛ e ji n tɔr na kusoe nseŋ yige emo nɛ e maŋ ji n tɔr na.

Nshɛ 32:10

Belubiworapo beeŋ luri awurfoŋ be yiri yiri to. Ama Enyɛnpe Ebɔrɛ na beeŋ ta mbe kasha nɛ k maa loge na ŋ kuŋ basa nɛ b yirda mo na bre.

Aŋasa 11:23

Asɔ kama nɛ basa lela bee fin bee ki asɔ lela nna. Ama belubiworapo bre baŋ nya asɔ k bee pɛ basa agbo nna.

Ezikɛl 18:4

Dimɛdi kikɛ be ŋkpa bɔɔ ma enɔ nna, bekurgepo nɛ bumo be mbia kikɛ. Amoso, esa nɛ e wora kulubi e naaŋ wu kumo be luwu.

Ezikɛl 22:31

Amoso ma agbogboŋ beeŋ mur Israɛl be basa ŋkpal kusɔ nɛ b wora so. Ma, Enyɛnpetale Ebɔrɛ e kaŋɛ na.”

Eemɔs 3:2

Enyɛnpe Ebɔrɛ yɛ: “Menyi nawule nɛ n lara ashi efuliana kikɛ so fanɛ men baa la meya, amoso nɛ meeŋ gberge menyi kusoe alegaiso ŋkpal menyi be alubi so na.”

Matiu 16:26

Nɛ fanɛ durnya kikɛ ki esa peya nɛ e paŋ mbe ŋkpa, manɛ be tɔnɔ nɛ e nya ŋko manɛ nɛ esa beeŋ tiŋ n ta n chɛr mbe ŋkpa?

Luuk 24:47

ama kumo be nchɛ asa to e beeŋ tiŋi luwu na to. Mbe ketre so nɛ baaŋ bɔla n yili Jerusalɛm m bɔ kelar alubi to nɛ Ebɔrɛ be keyige alubi m paŋ na be baru na n sa efuli kama so ebi.

Ashuŋ Shunso 11:18

B ka nu kamalga na nɛ b yige bumo be kebaraso na nseŋ di Ebɔrɛ epaŋ ŋ kaŋɛ: “Kumo ere, Ebɔrɛ sa nnyamase gba ekpa nɛ b tiŋ n lar bumo be alubi to n nya ŋkpa na.”

Ashuŋ Shunso 13:26

Ŋ kurgepoana, Eebraham mo nanabiana nɛ menyi nɛ men la nnyamase a wɔ nfe a bunyaŋ Ebɔrɛ ere kikɛ, anyi kikɛ nɛ b ta le be kumɔlga be kubɔya ere n sa.

Ashuŋ Shunso 20:21

Juwebi nɛ nnyamase kikɛ nɛ n daŋ fiɛ so kpakpa fanɛ b lar bumo be alubi to a bɛ Ebɔrɛ so nseŋ yirda an Nyɛnpe Yesu.

Ashuŋ Shunso 26:20

Damaskɔs nɛ n fara m bɔ kubɔya na nseŋ yɔ Jerusalɛm nɛ Juwebi be efuli so kikɛ nɛ nnyamase to n ya kaa bɔ kubɔya na fanɛ b lar bumo be alubi to m ba Ebɔrɛ kutɔ m ba kaa wora asheŋ nɛ a beeŋ ŋini fanɛ b lar bumo be alubi to kashenteŋto.

Ashuŋ Shunso 28:17

Pɔɔl be kachɛ sasopo ashi Rom nɛ e tre ndoŋ be Juwebi be benimuana na m ba shɛr ŋ kaŋɛ bumo: “Ŋ kurgepoana, m maŋ wora shɛŋ n da anyi be basa ŋko edaŋkare nɛ an nanaana sa anyi na so nɛ m peebi ti ma ebu ashi Jerusalɛm nseŋ naŋ ta ma m bɔɔ Romebi enɔ.

Ashuŋ Shunso 28:28

Nɛ Pɔɔl naŋ kaŋɛ: “Amoso, men baa nyi fanɛ Ebɔrɛ shuŋi basa nɛ baa bɔ mbe kumɔlga be kubɔya na nnyamase gba kutɔ. Bumo ere beeŋ bugi asoe n nu.”

Ashuŋ Shunso 3:26

Amoso nɛ Ebɔrɛ lara mbe kenya Yesu n shin nɛ e ba menyi kutɔ pɔɛŋ m ba nɛfa menyi a shin nɛ menyi kikɛ bee lar menyi be alubi to na.”

Romebi 1:16

M maa wora baru lela na be anishinyɔr kikɛ, ŋkpal manɛ so, kumo so nɛ Ebɔrɛ bee bɔla a ŋini mbe eleŋ a mɔlga basa kama nɛ baa yirda na. Juwebi e nya kumo be loŋ be ekpa pɔɛŋ nseŋ ta nnyamase, bumo nɛ b maŋ la Juwebi na m bɛ so.

Romebi 10:12

Ŋkpal manɛ so, Ebɔrɛ be anishito Juw nɛ kanyamase maŋ kɔr abar to, Enyɛnpe na e la ekama nyam be Enyɛnpe, nɛ ekama malɛ nɛ e shu n tre mo, e beeŋ bugi kagbene n nɛfa amodoŋwura.

Romebi 2:10

Ama ekama nɛ e bee wora alelasheŋ, kemaŋkura nɛ bunyaŋ nɛ kagbenewushi beeŋ baa wɔ amodoŋwura so. Juwebi e naaŋ juŋkpar n nya amo pɔɛŋ nseŋ ta nnyamase m bɛ so.

Romebi 8:35

To, manɛ e naaŋ tiŋ n lara kasha nɛ Kristo kɔ a sa anyi ashi anyi so? Tɔrɔ ŋko awurfoŋ ŋko basa be kekɔrfɛ anyi ŋkpal anyi be yirda so ŋko akoŋ ŋko ketir ŋko kenishipere ŋko luwu bre e naaŋ tiŋ n lara mbe kasha ashi anyi so?

Romebi 9:24

Anyi nɛ e tre na, ama mannɛ ashi Juwebi nawule to, e tre basa ko ashi nnyamase gba to.

Galeeshaebi 3:28

Amoso, Ebɔrɛ be anishito Juw maŋ kɔr kanyamase to, kenya maŋ kɔr esa nɛ e wɔ mbe kumu to, benyɛn maŋ kɔr beche to, men kikɛ la kukoŋwule nna ashi Kristo Yesu to.

Kɔlɔsiebi 3:11

Loŋ na bumo nɛ b kɔ kebaawɔtɔ popɔr na maaŋ naa kɔ ŋkpɛato a kaŋɛ fanɛ eko la kanyamase nɛ eko malɛ la Juwebi be esa, ŋko ede ku, ede bre maŋ ku kututu, ede la efɔ, ede la edɔtopo, ŋko ede la kenya nɛ ede wɔ mbe kumu. Yesu Kristo na nawule e la bumo be kusɔ kama.

2 Tɛsalɔnikaebi 1:6

Ŋkpal manɛ so, Ebɔrɛ bee wora asɔ nɛ amo be ekpa so nna. Basa nɛ baa tɔrɔ menyi ere, e beeŋ shin nɛ tɔrɔ e ba bumo so.

1 Pita 4:17

Demu be kejiachɛ na taga to, Ebɔrɛ malɛ be kowu to ebi to nɛ k bee fara. Nɛ k baŋ fara anyi to bre, nuso nɛ asheŋ beeŋ ba kaa du n sa basa nɛ b maa nu a sa Ebɔrɛ be baru lela na?