Romebi 2:7 - EBƆRƐ BE KAWƆL

⁷ Bumo nɛ alelasheŋ be kewora maa gben bumo nɛ baa fin kemaŋkura nɛ bunyaŋ nɛ kebaawɔtɔ nɛ k maŋ kɔ luwu na, e beeŋ sa bumo ŋkpa nɛ k maŋ kɔ ekar na.

Romebi 2:7 ပူးပေါင်းရင်းမြစ်များ

Job be kawɔl 17:9

Basa niŋiso beeŋ baa wora kusɔ nɛ k daga, ŋkpal loŋ so baaŋ baa nya eleŋ a ti so.

Nshɛ 27:14

Yirda Enyɛnpe Ebɔrɛ na. Baa kɔ eleŋ nseŋ nya kagbene a keni mbe anishito.

Nshɛ 37:3

Yirda Enyɛnpe Ebɔrɛ na, nsaa wora alelasheŋ. Saŋɛ na so feeŋ chena kasawule ere so n nya kekuŋ.

Nshɛ 37:34

Ta fo yirda n wɔtɔ Enyɛnpe na to, nsaa bɛ mo so. E beeŋ shin nɛ fo chena kasawule ere so n wu kananɛ belubiworapo beeŋ mur.

Ezikɛl 18:17

nsaa kini asheŋ lubi be kewora. Kusɔ nɛ e bee wora e la fanɛ e bee nu nna nsaa bɛ ma mbraana nɛ ma keŋini so. Le be esa beeŋ ji efute n chɛr. Mo tuto e wora alubi, nɛ le be esa lela ere maaŋ wu ŋkpal mo tuto be asheŋ lubi so.

Matiu 25:46

Kumo be kaman nɛ b yɔ kasogberge nɛ k maŋ kɔ ekar na to nɛ basa lela na malɛ e yɔ ŋkpa nɛ k maŋ kɔ ekar na to.”

Luuk 21:19

Ama ekama nɛ e ji kanyiti n lar, e beeŋ nya mbe ŋkpa.

Luuk 8:15

Asɔ duuso nɛ a tɔr eshishɛr lela to na du fanɛ basa nɛ baa nu kamalga na nsaa bugi kagbene to a sɔ kumo a bɛ kumo so nɛnɛ a kɔ kumo to kpakpa kanyitiso hale n ya bar tɔnɔ fanɛ kananɛ asɔ duuso bee wora bibi na nna.”

Baru lela nɛ Jɔn kute na 4:36

Men keni asɔteŋipo na tea nya mbe kakɔka, mo alɛ bee teŋi asɔ nna a yili ŋkpa nɛ k maŋ kɔ ekar na be jemanɛ, saŋɛ na so, eduupo na nɛ eteŋipo na kikɛ be ŋgbene beeŋ fuli bumo.

Baru lela nɛ Jɔn kute na 5:44

Menyee sha kebaanya mbo abar kutɔ, ama men maa wora ania a fin mbo ashi Ebɔrɛ koŋwule na kutɔ nɛ nuso nɛ menyeeŋ wora n yirda?

Romebi 2:10

Ama ekama nɛ e bee wora alelasheŋ, kemaŋkura nɛ bunyaŋ nɛ kagbenewushi beeŋ baa wɔ amodoŋwura so. Juwebi e naaŋ juŋkpar n nya amo pɔɛŋ nseŋ ta nnyamase m bɛ so.

Romebi 6:23

Ŋkpal manɛ so, asheŋ lubi be kakɔka e la luwu, ama Ebɔrɛ be kagbene koŋwuleso be kakɛ e la ŋkpa nɛ k maŋ kɔ ekar na ashi an Nyɛnpe Yesu Kristo to.

Romebi 8:18

M baa nyi geeŋ fanɛ tɔrɔ mo nɛ anyee nya naniere maaŋ tiŋ n fo kemaŋkura nɛ Ebɔrɛ beeŋ bugi to n sa anyi na kikɛ so kuraa.

Romebi 9:23

Mo alɛ daa sha nna nɛ basa e wu mbe kemaŋkuragboŋ nɛ e shin nɛ k ba anyi nɛ mbe kuwɔr na chɛr a ba anyi so so nna. Anyi nɛ e bela ase n yili nɛ an nya mbe kemaŋkura na.

1 Kɔrintebi 15:42

To, kananɛ k beeŋ baa du saŋɛ nɛ bubuni bee tiŋi ashi luwu to nna na. Eyur mo nɛ baa ta a puli na la kusɔ nɛ k bee bɛ nna, kumo nɛ Ebɔrɛ bee tiŋi ashi luwu to na bre maa bɛ.

1 Kɔrintebi 15:50

Bekurgepoana, mee kaŋɛ menyi nna na fanɛ kusɔ nɛ b ta eyur nɛ ŋklaŋ n wora maaŋ tiŋ n nya Ebɔrɛ be kuwura na to n luri, kusɔ nɛ k bee bɛ malɛ kikɛ maaŋ tiŋ n nya kakpa nɛ luwu maŋ wɔtɔ n luri.

1 Kɔrintebi 15:58

Amoso ŋ kurgepo shasoana, men baa yil to kpakpa. Men sa maŋ shin nɛ shɛŋ shɛŋ e tia menyi ashi to. Saŋkikɛ men baa ta men be ŋgbene kikɛ a wɔtɔ Enyɛnpe be kushuŋ na to, ŋkpal manɛ so, menyi alɛ gba baa nyi fanɛ men be kegben nɛ menyee gben a sa Enyɛnpe na maaŋ to jiga kikɛ.

Galeeshaebi 6:9

Amoso, men sa maŋ shin nɛ kelela be kewora e baa gben menyi, ŋkpal manɛ so, nɛ an baa maŋ pɔ aba nsaa kɔ to loŋ, kachako anyeeŋ nya kelela be kewora be asɔ.

Ɛfesesebi 6:24

Ebɔrɛ be kuwɔr be kakɛ e baa wɔ bekama nyam nɛ b kɔ kasha nɛ k maa loge a sha an Nyɛnpe Yesu Kristo na so.

Kɔlɔsiebi 1:27

Ŋkpal manɛ so, Ebɔrɛ daa sha keŋini bumo kananɛ e ŋini mbe wulo be eleŋgboŋ basa kikɛ to nna, kumo e la fanɛ, Yesu Kristo wɔ menyi to, kumo so nɛ men kɔ tama fanɛ menyeeŋ nu Ebɔrɛ be kemaŋkura na be ebel na.

1 Timoti 1:17

Bunyaŋ nɛ epaŋ be kedi e baa wɔ Ewurgboŋ nɛ e wɔ ŋkpa to saŋkikɛ na nɛ mo koŋwule nɛ e la kashenteŋ be Ebɔrɛ nɛ esa kikɛ maaŋ tiŋ n ta kenishi fuful n wu mo kikɛ na so mbaanaayɔ. Amɛn.

2 Timoti 1:10

Ama naniere le be kesheŋ ere lar efuli ŋkpal anyi be Emɔlgapo Kristo Yesu be keba na so. Mo e bar luwu be eleŋ kikɛ ekar nseŋ bɔla baru lela na so ŋ ŋini anyi ŋkpa nɛ k maa loge na.

Hibruwebi 2:7

Ŋkpal manɛ so, saŋɛ gbrɛbi ko fo daŋ shin nɛ emalaika daa chɔ mo nna. Keni, fo ta kemaŋkura nɛ bunyaŋ m buu mo fanɛ kuwura na,

Hibruwebi 6:12

Anyi maa sha fanɛ men ki betɔlpo, ama anyee sha fanɛ men baa kute bumo nɛ b ta yirda nɛ kanyiti n nya kusɔ nɛ Ebɔrɛ nase kɔnɔ ŋ kaŋɛ fanɛ e beeŋ sa na to.

Hibruwebi 6:15

Ndoŋ nna nɛ Eebraham ji kanyiti loŋ n ya nya kusɔ nɛ Ebɔrɛ yɛ e beeŋ wora na.

1 Jɔn 2:25

Kusɔ nɛ mo alɛ nase kɔnɔ fanɛ e beeŋ sa anyi e la ŋkpa nɛ k maŋ kɔ ekar na.