Romebi 2:5 - EBƆRƐ BE KAWƆL

⁵ Ama ŋkpal fo kagbene ka du kpakpa a maa sha kechɛrga na so, fo wɔ fo alubi na to nna a shin nɛ Ebɔrɛ be agbo bee kaa a ti so a jo kachɛ nɛ mbe agbo nɛ mbe demuji kashenteŋ be ekpa so na bee lar efuli na.

Romebi 2:5 ပူးပေါင်းရင်းမြစ်များ

2 Kronikɛls 30:8

Menyi ere e sa maŋ wora amu kpakpaso fanɛ kananɛ men nananyɛnana daŋ wora na, ama men baa nu a sa Enyɛnpe Ebɔrɛ na. Men ba men Nyɛnpe Ebɔrɛ be bɔrɛlambu cheembi nɛ k wɔ Jerusalɛm na to m ba bunyaŋ mo saŋɛ na so e maaŋ naŋ nya agbo n wɔtɔ menyi.

2 Kronikɛls 36:13

Ewura Zɛdikaya daŋ kini kenu n sa ewura Nebukadneeza nɛ e daŋ tintiŋ mo nɛ e bɔ Ebɔrɛ fanɛ e beeŋ bugi kagbene a shuŋ mo na nna. E daa kɔ kumu kpakpaso nna nseŋ kini kechɛrga m bɛta m ba Enyɛnpe Israɛl be Ebɔrɛ na kutɔ.

Job be kawɔl 21:30

fanɛ Ebɔrɛ baŋ nya agbo, basa nɛ baa wora asheŋ lubi maa ji jɛrbi.

Nshɛ 110:5

Enyɛnpe Ebɔrɛ na wɔ fo jisa so nna; kachɛ nɛ e beeŋ nya agbo, e beeŋ pɔɔ bewura pɔtɛana so.

Nshɛ 95:8

men sa maŋ wora menyi be ŋgbene kpakpa, fanɛ kananɛ men nanaana daŋ wora ashi mboŋ nɛ baa tre Mɛriba nɛ Maasa ashi keshishɛrsawule so na.

Ɛksodɔs 14:17

Meeŋ naŋ shin nɛ Ijiptebi na be ŋgbene e ki kpakpa nɛ b yuu teku na to m bɛ bumo so, saŋɛ na so nɛ n nya kemaŋkura ŋkpal kusɔ nɛ meeŋ wora ewura Fɛɛro nɛ mbe benapo so so.

Ɛksodɔs 32:34

Amoso, bɛta n ya juŋkpar basa na n yɔ kakpa nɛ ŋ ŋini fo na nsaa nyi fanɛ meeŋ shin nɛ ma malaika e baa juŋkpar menyi, ama meeŋ gberge basa na kusoe kachako, ŋkpal bumo be kulubi na so.”

Ɛksodɔs 8:15

Fɛɛro ka wu fanɛ epulo na be tɔrɔ na loge nɛ e naŋ wora mbe kagbene kpakpa nseŋ kini kenu n sa Mosis nɛ Ɛɛrɔn fanɛ kananɛ Enyɛnpe Ebɔrɛ kaŋɛ na.

Aŋasa 1:18

To, loŋ be basa lubi na bee sho bumo gbagba be amu ajigbelɛ nna. B yɛ basa nɛ baa pugi a jo, ama bumo gbagba be amu nɛ baa kilgi a mɔ.

Aŋasa 11:4

Kedamaya maaŋ ba kɔ tɔnɔ n sa fo gbagba fo kaluwuachɛ, ama kashenteŋji bre beeŋ tiŋ m mɔlga fo ŋkpa.

Aŋasa 28:14

Esa kama nɛ e bee ŋana Ebɔrɛ bee nya nɛfa nna, ama esa kama nɛ e kɔ kagbene kpakpaso bre bee luri asheŋ to nna.

Aŋasa 29:1

Fo baŋ wora kumu kpakpaso ŋ kini kenu kasokpele damta, k maaŋ chɛr nɛ fo mur.

Kaŋinichiŋgeliŋ 12:14

Ebɔrɛ beeŋ yili kusɔ kama nɛ an wora so n ji anyi demu, hale asheŋ lubi ŋko asheŋ lela nɛ an wora ashiri to gba.

Aizaaya 48:4

N nyi menyi ka la amu kpakpaso wuraana, menyi be amu du kpakpa nna fanɛ abɛlso, nɛ menyi be nsɔto malɛ du kpakpa fanɛ danyaŋ.

Jɛremaya 40:3

naniere e wora kusɔ nɛ e kaŋɛ e beeŋ wora na. Ade kikɛ malɛ wora nna ŋkpal fo basa ka wora alubi n da mo ere Enyɛnpe Ebɔrɛ na so nsaa maŋ wora mo kasonu so.

Ezikɛl 11:19

Meeŋ lara bumo be ŋgbene nɛ a du kpakpa fanɛ ajembu na bumo to nseŋ sa bumo ŋgbene nɛ nfɛra popɔr, nɛ b maaŋ naa sha keshuŋ agbirana.

Ezikɛl 3:7

Ama Israɛl be basa ere maŋ wora shiriya nɛ b nu n sa fo, ŋkpal manɛ so b maŋ wora shiriya nɛ b nu n sa ma so. Bumo kikɛ la kusoe kpakpaso nɛ kumu kpakpaso be basa nna.

Danɛl 5:20

Ama ŋkpal e ka maa wu kuwɔr nsaa kɔ kumu kpakpaso nɛ kamoowu nɛ ŋkpensheŋ so, b daŋ gboŋi mo kuwura nna nɛ e paŋ mbe bunyaŋ be eyilikpa.

Hoziya 13:12

B sibɛ Israɛl be alubi nɛ kananɛ bumo be nfɛra ji m bri bumo kikɛ be asheŋ kikɛ n nase kanyiŋi be nwɔl to ŋ ŋana n yili nɛnɛ nna.

Eemɔs 3:10

Enyɛnpe Ebɔrɛ yɛ: “Koyu nɛ kebaa tintiŋ basa a sɔ bumo be asɔ nɛ basa ere bɔla so ŋ gbare asɔ m bɔlɔ ebuana. B maaŋ tiŋ n ji kashenteŋ kikɛ.”

Romebi 1:18

Ama Ebɔrɛ bugi to ŋ ŋini basa kananɛ mbe agbo beeŋ shi ebɔrɛso m ba basa so ŋkpal alubi nɛ a wɔ bumo be ŋgbene to nɛ amo nɛ a dii efuli na kikɛ so. Bumo e la basa nɛ bumo be alubi na bee buu kashenteŋ na so basa be anishito na.

Romebi 11:25

Ŋ kurgepoana, kashenteŋ be wulo ko wɔtɔ nɛ mee sha fanɛ men pin kumo, saŋɛ na so men maaŋ ta menyi be amu fanɛ basa nyiashempo. Kumo nde fanɛ kumu kpakpaso be kebaawɔtɔ nɛ k ba Israɛlebi so na maŋ ba nna nɛ k ba kaa wɔtɔ mbaanaayɔ, kumo be ekar e la saŋɛ nɛ nnyamase nɛ baaŋ nya kumɔlga na kikɛ ya loge nyam.

Romebi 9:22

To, loŋ koŋwule na nɛ Ebɔrɛ wora. Mbe demuso be agbo nɛ mbe eleŋ nɛ e daa sha kelara ŋ ŋini basa. Ama e daŋ ji basa nɛ mbe demuso be agbo daa wɔ bumo so nɛ b daga kasogberge na kanyiti.

2 Kɔrintebi 5:10

Ŋkpal manɛ so, kachako an kikɛ beeŋ yili Kristo be anishito nɛ e ji anyi demu. Ekama beeŋ nya kusɔ nɛ k daga mo ŋkpal kusɔ nɛ amodoŋwura wora ashi mbe eyur ere to so, kelela ŋko kulubi.

Ditɛronɔmi 2:30

Ama Ewura Sihɔn daa maaŋ shuli fanɛ an bɔla mbe efuli so n choŋ, ŋkpal manɛ so, Enyɛnpe menyi be Ebɔrɛ na daŋ shin nɛ e wora mbe kagbene kpakpa nna nsaa sha kekɔ anyi, saŋɛ na so anyi beeŋ kɔ m pɔɔ mo so nseŋ sɔ mbe kasawule nɛ an kraŋ chena so ere.

Ditɛronɔmi 32:34

Enyɛnpe Ebɔrɛ na nyiŋi kusɔ nɛ bumo doŋana wora nsaa jo saŋɛ nɛ k daga fanɛ e gberge bumo kusoe.

2 Tɛsalɔnikaebi 1:5

Kede ere e naaŋ ŋini Ebɔrɛ be demu be keji ka du cheembi, ŋkpal manɛ so, ade kikɛ e shin nɛ men daga mbe kuwura nɛ men kpal kumo so a ji awurfoŋ na.

Hibruwebi 3:13

Nɛ saŋɛ baa wɔtɔ nɛ baa tre kabre be saŋɛ, men baa leŋ abar to, saŋɛ na so, alubi be kafulesheŋ kama maaŋ shin nɛ menyi be ekama be kagbene e ki kpakpa.

Hibruwebi 3:15

Kumo alɛ nɛ men teŋ nu na fanɛ: “Men baŋ nu Ebɔrɛ be ebɔl kabre, men sa maŋ wora menyi be ŋgbene kpakpa fanɛ kananɛ b daŋ koso saŋko a kɔ Ebɔrɛ be eleŋ na.”

Hibruwebi 4:7

Amoso, e naŋ yili kachako n tre kumo kabre. Kumo be kaman pɔɛŋ nɛ e naŋ ba bɔla Ewura Deevid so ŋ kaŋɛ kesheŋ nɛ an teŋ kraŋ fanɛ: “Kabre nɛ men baŋ nu Ebɔrɛ be ebɔl, men sa maŋ wora menyi be amu kpakpa na.”

Jeems 5:3

Men be eshuwa nɛ egbiti gba kreŋ so a jija. Amo be kananɛ a du na e naa ŋini fanɛ men maŋ wora n nyalɛ nɛ kumo alɛ naa ji a luri men be eyurana to fanɛ edɛ na. Lalaloge be nchɛ to nɛ an wɔ na, ama men keni kananɛ men bela asɔ damta m miiri so n yili loŋ.

Joshuwa 11:20

Enyɛnpe Ebɔrɛ na gbagba e daŋ shin nɛ b yili bumo be ŋgbene kukoŋwule fanɛ baaŋ kɔ Israɛlebi na kena, saŋɛ na so Israɛlebi na maaŋ shu bumo ekama so, nseŋ mɔ bumo kikɛ m mur bumo fanɛ kananɛ Enyɛnpe Ebɔrɛ kaŋɛ Mosis na.

2 Pita 2:9

Amoso, men baa nyi fanɛ Enyɛnpe na nyi kananɛ e bee lara bɔrɛshapoana ashi bumo be kechɔŋkeniana to nseŋ naa nyi kananɛ e beeŋ baa kɔ bɔrɛkinipoana nɛ e kɔ a wɔ kasogberge to a jo demujiachɛ na,

2 Pita 3:7

Kamalga koŋwule na so nɛ naniere be esosoana nɛ kasawule ere wɔtɔ a jo edɛ be keta m mur kumo na. A bee jo demujiachɛ nna, kachɛ nɛ bɔrɛkinipoana beeŋ mur na.

Juud 1:6

Men baa nyiŋi emalaika mo nɛ b daa maŋ shuli a wɔ kakpa nɛ Ebɔrɛ daa sha fanɛ b baa wɔ na be asheŋ. B daŋ shile ndoŋ nna ŋkpal k ka daa maŋ bɔlɔ bumo kenishi so. Naniere b ta ŋgbɛlɛbi mo nɛ esa maaŋ tiŋ n tuge kikɛ nna ŋ kre bumo n wɔtɔ tentembiri be kakpa a jo kachɛgboŋ mo nɛ Ebɔrɛ beeŋ ji bumo demu na.

Kelaraŋŋini 2:21

N sa mo saŋɛ nɛ e lar mbe alubi to, ama e maa sha kelar mbe kesakalea na to.

Kelaraŋŋini 6:17

Ŋkpal manɛ so, kachɛgboŋ nɛ k la bumo be agbo be kachɛ na fo nɛ wanɛ malɛ e naaŋ tiŋ n yili bumo be anishito?”

1 Samuɛl 6:6

Men sa maŋ kaŋ wora men be ŋgbene kpakpa fanɛ Ijiptebi na nɛ bumo be ewura. Dra na Ebɔrɛ be kasogberge gboŋgboŋi daŋ ba bumo so nna pɔɛŋ nɛ b sa Israɛlebi na ekpa nɛ b lar Ijipt to.