Romebi 2:29 - EBƆRƐ BE KAWƆL

²⁹ Kashenteŋto, dimɛdi be kebaawɔtɔ to e naa ŋini e ka la Juw nɛ kashenteŋ malɛ be keku na la kagbene to be kesheŋ, Ebɔrɛ be asheŋ nna, mannɛ kenishiso be asheŋ nna. Nɛ esa nɛ e ku loŋ na malɛ be kechɔrɔ bee shi Ebɔrɛ kutɔ nna, mannɛ nyiŋgbasa kutɔ.

Romebi 2:29 ပူးပေါင်းရင်းမြစ်များ

Ditɛronɔmi 30:6

Ade be kaman, Enyɛnpe menyi be Ebɔrɛ na beeŋ sa menyi nɛ men be kaman to ebi ŋgbene nɛ a kɔ kasonu; saŋɛ na so, menyeeŋ tiŋ n sha mo nɛ menyi be ŋgbene kikɛ nseŋ naŋ chena kasawule na so.

Filipaiebi 3:3

Ŋkpal manɛ so, anyi e la kashenteŋ be katutukuebi a bɔla Ebɔrɛ be Kiyoyu na so a bunyaŋ mo nsaa ji anyi be ŋkpa nɛ an kɔ ashi Kristo Yesu to ere be njɔŋ. Anyi nɛ anyee wora asheŋ ere maa ta anyi be yirda a wɔtɔ eyur ere be kedulgi to.

Ditɛronɔmi 10:16

Amoso yili kabre a yɔ, men baa wora Enyɛnpe Ebɔrɛ na kasonu nseŋ yige menyi be ŋkpensheŋ na.

Jɛremaya 4:4

Men ta menyi be ŋgbene kikɛ m bɛ ma, Enyɛnpe Ebɔrɛ na nɛ menyi be kɔnɔkoŋwule be ŋkre na so. Nɛ menyi Juda nɛ Jerusalɛm be basa maŋ wora loŋ, ma kanya agbo beeŋ suse so fanɛ edɛ ŋkpal asheŋ lubi nɛ men wora so, nɛ esa kama maaŋ tiŋ n duŋ kumo.”

1 Tɛsalɔnikaebi 2:4

Ama kusɔ nɛ Ebɔrɛ bee sha nɛ anyee malga saŋkama, ŋkpal manɛ so, e yirda anyi nna nseŋ ta baru lela na m bɔɔ anyi enɔ. Mannɛ basa be aparsheŋ nɛ anyee wora ania a fin, ama Ebɔrɛ mo nɛ e bee wora anyi be nfɛra a keni na peya nɛ anyee fin.

1 Pita 3:4

A daga fanɛ men be kela e baa shi men be ŋgbene to gbagba to, kumo e la fanɛ men baa kɔ ŋgbene nɛ a du boeŋ a maa gbri. Loŋ be kela na e maa terge kikɛ nsaa walɛ ashi Ebɔrɛ be anishito.

1 Kɔrintebi 4:5

Amoso, a maŋ daga fanɛ men baa wu abar kulubi a ji abar demu pɔɛŋ nɛ demuji be kachɛ e fo. Kumo e la saŋɛ nɛ Enyɛnpe beeŋ naŋ bɛta m ba na. Mo e naaŋ shin nɛ kusɔ kikɛ nɛ k daŋ ŋana tentembiri to e lar efuli nseŋ lara nfɛra fɛso nɛ a ŋana a wɔ basa be ŋgbene to kikɛ efuli. Kumo be saŋɛ na malɛ nɛ ekama beeŋ nya mbe kechɔrɔ ashi Ebɔrɛ kutɔ.

2 Kɔrintebi 10:18

Ŋkpal manɛ so, mannɛ esa nɛ e bee chɔrɔ mbe kumu e kɔ ekpa, ama esa nɛ Enyɛnpe bee chɔrɔ e kɔ ekpa.

Romebi 7:6

Ama naniere bre mbra na maŋ naa ji kuwura anyi so, ŋkpal manɛ so, kusɔ nɛ k daŋ nyaŋ anyi a wɔtɔ na be kaplɛa so, an wu nna naniere. Anyi maŋ naa shuŋ ekpa dra nɛ k la mbra nɛ b sibɛ n nase na, ekpa popɔr nɛ k la Kiyoyu Cheeŋ na peya na nɛ an naa shuŋ.

Romebi 2:27

To, men baa nyi fanɛ basa nɛ b maŋ ku durnya ere to, bumo alɛ nsaa bɛ mbra na be kɔnɔ so na be kebaawɔtɔ so nɛ Ebɔrɛ beeŋ yili n ji menyi nɛ men ku nseŋ naa kɔ mbra na n ti so na demu.

2 Kɔrintebi 3:6

Mo e shin nɛ an ki kɔnɔkoŋwule be ŋkre popɔr be beshumpo, k la kiyoyu to be kesheŋ nna, mannɛ mbra to be kasibɛ be kesheŋ, ŋkpal manɛ so, mbra to be kasibɛ na bee bar luwu nna nɛ Kiyoyu na malɛ bee sa ŋkpa.

Baru lela nɛ Jɔn kute na 12:43

Bumo alɛ ka daa sha mbo ashi basa kutɔ a chɔ Ebɔrɛ kutɔ na so e shin nɛ b daa wora loŋ.

Baru lela nɛ Jɔn kute na 5:44

Menyee sha kebaanya mbo abar kutɔ, ama men maa wora ania a fin mbo ashi Ebɔrɛ koŋwule na kutɔ nɛ nuso nɛ menyeeŋ wora n yirda?

Luuk 11:39

Nɛ Enyɛnpe kaŋɛ mo: “O Farisiebi, men baa du fanɛ kananɛ menyee fɔr mba nɛ nwiebi be mmanto a yige amo be epunana to na nna. Men baŋ duli basa lela nna, ama kejimuni nɛ alubi e baŋ bɔlɔ menyi to.

Jɛremaya 4:14

Jerusalɛm to ebi, men lara asheŋ lubi men be ŋgbene to nseŋ yige nfɛra lubi be kebaafɛ, saŋɛ na so menyi beeŋ nya kumɔlga.

1 Kronikɛls 29:17

N nyi fo ka nyi ekama be kagbene. Ma nɛ ma basa nɛ b wɔ nfe ere kikɛ bugi ŋgbene kagbenefuliso nna m bar asɔ ere kikɛ m ba sa fo.

Romebi 14:17

Ŋkpal manɛ so, Ebɔrɛ be kuwura na to be asheŋ maŋ la kebaaji nɛ kebaanuu be asheŋ nna. K la alelasheŋ nɛ kagbenewushi nɛ kagbenefuli nɛ a bee shi Kiyoyu Cheeŋ na kutɔ na be kebaawɔtɔ be asheŋ nna.

1 Samuɛl 16:7

Ndoŋ nna nɛ Enyɛnpe Ebɔrɛ naŋ kaŋɛ mo le: “Sa maŋ keni mbe nteŋ ŋko mbe kayɛrbi. Mannɛ mo nɛ n lara, ŋkpal manɛ so ma ere maa keni asheŋ fanɛ kananɛ dimɛdi bee kini asheŋ na. Dimɛdi bre bee keni eyur so nna ama ma ere bee keni kagbene to nna.”

Baru lela nɛ Jɔn kute na 4:23

Ama saŋko beeŋ ba fo, k teŋ fo gba nɛ basa e bɔla Ebɔrɛ be Kiyoyu be eleŋ so a bunyaŋ Etuto na kashenteŋto. Bumo nɛ b kɔ le be bunyaŋ ere nɛ Etuto na bee fin.

Luuk 17:21

Kumo alɛ maŋ naa la kusɔ nɛ basa beeŋ kaŋɛ le nna: ‘Men keni, Ebɔrɛ be kuwura na nde nfe ŋko kumo e wɔ ndoŋ ere na!’ Ŋkpal manɛ so, Ebɔrɛ be kuwura na tea wɔ menyi to.”

Nshɛ 45:13

Ma ewura, eche nɛ fee shin nɛ fo ta na be kebita shi mbe kagbene to nna. Shuwa be ejesebi nɛ b ta n jɔ mbe kejafɔ to be kale.

Jɛremaya 9:25

Ade be kaman nɛ Enyɛnpe Ebɔrɛ na naŋ kaŋɛ le: “Jemanɛ ko bee ba nɛ ŋ gberge basa nɛ b shi Ijipt nɛ Juda nɛ Edɔm nɛ Ammɔn nɛ Mowab be efuliana so nɛ eyiriana nɛ e wɔ keshishɛrsawule so na kusoe. Basa nɛ b wɔ efuli pɔtɛana ere kikɛ so ku atutu nna, ama bumo alɛ maa bɛ kɔnɔkoŋwule be ŋkre nɛ k bee ŋini katutuku be kefito na. Bumo nɛ Israɛl be basa be ekama maa bɛ ma kɔnɔkoŋwule be ŋkre na so. Eyurto be kaplɛa so, b ku atutu, ama bumo alɛ be ŋgbene maŋ chɛrga.”

Romebi 3:1

To, nɛ nuso be kechɔ nɛ Juwebi chɔ basa pɔtɛ? Ŋko manɛ be tɔnɔ nɛ katutuku kɔ?

1 Kɔrintebi 7:19

Nɛ b ku esa ŋko b maŋ ku mo, k maŋ la shɛŋ. Kusɔ nɛ k tir e la fanɛ men baa bɛ Ebɔrɛ be mmalga naseso so.