Romebi 2:21 - EBƆRƐ BE KAWƆL

²¹ To, fo nɛ fee ŋini basa pɔtɛ asheŋ, fo maa ŋini fo kumu loŋ be asheŋ na a? Fo e naa malga abɔrɛsheŋ a sa basa fanɛ b sa maa yuri, fo alɛ nsaa yuri a?

Romebi 2:21 ပူးပေါင်းရင်းမြစ်များ

Aizaaya 42:20

Fo, Israɛl, wu asɔ damta ga, ama fo alɛ be lakal maŋ wɔ amo to. Fo kɔ asoe nɛ a beeŋ tiŋ n nu asheŋ, ama fo alɛ maŋ kaŋ asoe n nu shɛŋ.”

Aizaaya 56:11

Bejuŋkparpo na du fanɛ njɔnɔ nɛ baa sha ajibi ga nna. B maa ji a moɛ kikɛ. Bumo alɛ maa pin asheŋ to nsaa wɔtɔ a wora asheŋ nɛ a bee par bumo nawule.

Ezikɛl 22:27

Israɛl be benimuana na gba du fanɛ ekuntuŋ nɛ baa pɛ asɔbɔya a kpɛa to a we nna. Baa mɔ basa nna nsaa bɔla ekpa nɛ k maŋ daga so a dii dama.

Maika 3:11

Kadegboŋ na be bejuŋkparpoana bee sɔ asɔ basa kutɔ nna pɔɛŋ nsaa ji bumo be asheŋ a sa bumo. Bɔrɛmatapoana nɛ anebiana na malɛ bee sɔ amansherbi nna pɔɛŋ nsaa ŋini mbraana na ŋko a wu abɔrɛsheŋ a kaŋɛ basa. Kumo be kaman nɛ b kilgi ŋ kaŋɛ le: “Enyɛnpe Ebɔrɛ na wɔ anyi kutɔ, amoso shɛŋ maaŋ tiŋ n wora anyi.”

Matiu 21:13

nseŋ kaŋɛ basa na le: “Abɔrɛsibɛ na bee kaŋɛ fanɛ Ebɔrɛ kaŋɛ: ‘Baaŋ tre ma kowu kabɔrɛkule be kakpa.’ Ama menyi ere ta kumo ŋ ki beyu be eŋanakpa.”

Luuk 11:46

Nɛ Yesu kaŋɛ: “Asheŋ maaŋ nyalɛ n sa menyi mbraŋinipoana ere gba, ŋkpal kananɛ menyee kre esulɔ gbɛgbɛso a sa basa, ama menyi alɛ gbagba maaŋ shuli n ta keshilbi koŋwule gba ŋ gbuŋgbuŋ esulɔ na to so.

Luuk 12:47

Kenya kama nɛ e nyi kusɔ nɛ mo nyɛnpe bee sha fanɛ e wora nseŋ maŋ bela ase ŋ koso n wora kumo, baaŋ kuya mo so ga.

Luuk 19:22

Nɛ enyɛnpe na kaŋɛ mo le: ‘Kusɔ nɛ fee malga ere gbagba nɛ meeŋ ta n ji fo demu, kenya lubi ere. Fo yɛ fo nyi ŋ ka la kumukpakpasowura a ta kusɔ nɛ m maŋ ta n nase nsaa teŋi asɔ nɛ m maŋ duu ŋko?

Luuk 4:23

Nɛ e kaŋɛ bumo: “M baa nyi geeŋ men ka beeŋ bɔ ma keŋasa nɛ k bee kaŋɛ: ‘Echɛpo, chɛ fo kumu.’ N nyi menyi alɛ ka beeŋ naŋ kaŋɛ ma: ‘Wora asheŋ nɛ an nu fo ka wora Kapɛɛniam na ashi fo kade gbagba to nfe.’

1 Kɔrintebi 9:27

Ama mee kaa kɔrfɛ ma eyur nna a shin nɛ k bee nu a sa ma, nɛ mannɛ aloŋ, meeŋ bɔ kubɔya na n sa basa nɛ ma alɛ gbagba e paŋ kɔŋkɔŋ na be keji.

Galeeshaebi 6:13

To, bumo nɛ b ku atutu na gba maa bɛ mbra na so, ama bumo alɛ nsaa sha fanɛ men ku atutu, saŋɛ na so baaŋ nya ekpa n ji njɔŋ ŋ kaŋɛ fanɛ men bɛ loŋ be kesheŋ na so.