Romebi 2:17 - EBƆRƐ BE KAWƆL

¹⁷ To, mannɛ fo e naa tre fo kumu Juw nsaa ta fo yirda a deŋi Mosis be mbra na so a wɔtɔ a ji njɔŋ a kaŋɛ fanɛ fo nɛ Ebɔrɛ be nferinto wɔ ebel na a?

Romebi 2:17 ပူးပေါင်းရင်းမြစ်များ

Nshɛ 135:4

Ŋkpal manɛ so, mo e lara an nananyɛn Jeekɔb be kaman to ebi, nɛ b la Israɛl be basa na, fanɛ b baa la mo gbagba be basa.

Aizaaya 45:25

Ma, Enyɛnpe Ebɔrɛ na e naaŋ mɔlga Israɛl be basa kikɛ, nɛ bumo alɛ e maŋkura ma.”

Maika 3:11

Kadegboŋ na be bejuŋkparpoana bee sɔ asɔ basa kutɔ nna pɔɛŋ nsaa ji bumo be asheŋ a sa bumo. Bɔrɛmatapoana nɛ anebiana na malɛ bee sɔ amansherbi nna pɔɛŋ nsaa ŋini mbraana na ŋko a wu abɔrɛsheŋ a kaŋɛ basa. Kumo be kaman nɛ b kilgi ŋ kaŋɛ le: “Enyɛnpe Ebɔrɛ na wɔ anyi kutɔ, amoso shɛŋ maaŋ tiŋ n wora anyi.”

Zefanaiya 3:11

Jemanɛ na kaŋ fo, anishinyɔr maaŋ pɛ menyi nɛ men la ma basa ŋkpal men ka daŋ kini ma nseŋ lar ma kaman na so. Ŋkpal manɛ so, meeŋ ju bekama nɛ b kɔ kamoowu nɛ ŋkpensheŋ be kebaawɔtɔ ashi menyi to, saŋɛ na so menyi maaŋ naŋ kini ma nseŋ lar ma kaman ashi ma kebee cheembi na so.

Matiu 3:9

nsaa maa fɛ fanɛ, nɛ men kaŋɛ men be amu le: ‘An nana e la Eebraham’, menyeeŋ ji n lar. Ma e kaŋɛ menyi na fanɛ Ebɔrɛ beeŋ tiŋ n ta ajembu ere m pɔr kaman to ebi n sa Eebraham.

Luuk 10:28

Nɛ Yesu kaŋɛ mo: “Kashenteŋ nɛ fo ji, amoso, baa wora asheŋ nɛ fo malga ere nseŋ nya ŋkpa.”

Baru lela nɛ Jɔn kute na 5:39

Menyi e naa kaa keni abɔrɛsibɛ na to nɛnɛ ŋkpal men ka bee fɛ fanɛ amo to nɛ menyeeŋ bɔla n nya ŋkpa nɛ k maŋ kɔ ekar na so, ama ma alɛ be asheŋ nɛ abɔrɛsibɛ na malɛ bee ji shɛda a kaŋɛ na.

Baru lela nɛ Jɔn kute na 5:45

Ama men sa maa fɛ bre fanɛ ma e naaŋ yili Ebɔrɛ be anishito ŋ ŋini mo menyi be alubi. Ayai, esa nɛ e beeŋ shin nɛ menyi be alubi e dii efuli e la anebi Mosis nɛ men ta menyi be tama kikɛ n deŋi so na.

Baru lela nɛ Jɔn kute na 7:19

Mannɛ anebi Mosis e daŋ sa menyi mbra na ŋko? Ama men be ekama maa bɛ mbra na so. Nɛ manɛ e ba nɛ menyee sha kemɔ ma?”

Baru lela nɛ Jɔn kute na 8:33

Ndoŋ nna nɛ Juwebi na kaŋɛ mo le: “Eebraham mo nanabiana e la anyi, anyi ere maŋ naŋ ki esa kikɛ be anya, nɛ a ji nuso nna nɛ fee kaŋɛ fanɛ anyeeŋ lar kenyaya to?”

Baru lela nɛ Jɔn kute na 8:41

Asɔ nɛ men tuto bee wora nɛ menyee wora na.” Nɛ b kaŋɛ Yesu le: “Mannɛ ayurbi e la anyi. Etuto koŋwule nɛ an kɔ, mo alɛ e la Ebɔrɛ na.”

Romebi 2:23

Fo e wɔtɔ a kɔ mbra na a ji njɔŋ, fo alɛ nseŋ naa shin nɛ fo kemaa bɛ amo so bee bar Ebɔrɛ anishinyɔr.

Romebi 3:27

To, nɛ manɛ so nɛ esa bee wu mbe kumu? E beeŋ tiŋ ŋkpal e ka bee bɛ mbra na so so a wu mbe kumu a? Ayai, ŋkpal manɛ so, mannɛ e ka bee bɛ mbra na so e shin nɛ e ji n lar Ebɔrɛ be anishito, ama ŋkpal e ka yirda so.

Romebi 9:32

To, nɛ manɛ e ba nɛ bumo alɛ maŋ nya loŋ be kebaawɔtɔ na? Kusɔ nɛ k ba e la fanɛ b daa maŋ ta yirda n fin bumo nɛ Ebɔrɛ be nferinto be kelela na, b daŋ ta ashuŋ shunso nna a fin kumo. Amoso, b daŋ fiti kejembu nɛ basa bee fiti kumo so na nna.

2 Kɔrintebi 11:22

Mannɛ Hibruwebi e la bumo a? To, eko e la ma alɛ gba. Mannɛ Israɛlebi e la bumo a? To, eko e la ma alɛ gba. Mannɛ Eebraham mo nanabiana e la bumo a? To, eko e la ma alɛ gba.

Galeeshaebi 2:15

Anyi nɛ b kurge Juwebi gbagba, mannɛ nnyamase nɛ Juwebi bee tre alubiworapoana ere,

Ɛfesesebi 2:11

Amoso, men baa nyiŋi fanɛ menyi nɛ b kurge nnyamase nɛ bumo nɛ edimɛdi ta enɔana ŋ ku bumo atutu nɛ bumo koŋwule na bee tre menyi asoliwuraana ere, fanɛ menyi nɛ Kristo na daŋ barga abar nna.

Kelaraŋŋini 2:9

N nyi men be etɔrɔ nsaa nyi men be ketir be asheŋ, ama kashenteŋ bre, damawuraana e la menyi. Ma alɛ kraŋ naa nyi mmalga lubi mo nɛ basa nɛ baa tre bumo be amu Juwebi, bumo alɛ ŋkaa maŋ la na bee malga a gbiti menyi, ama bumo alɛ la Setani be katuŋ to be basa nna.

Kelaraŋŋini 3:1

Nɛ e kaŋɛ: “Sibɛ kawɔl ere n sa Saadis be kade to be asɔri be malaika na ŋ kaŋɛ mo le: ‘Mmalga ere shi esa nɛ e kɔ Ebɔrɛ be ayoyu ashunu nɛ achɛkpabi ashunu na to na kutɔ nna. N nyi men be aworbi kikɛ, n nyi men ka kɔ ketre basa kutɔ fanɛ men wɔ ŋkpa to nna, ama men wu nna a wɔtɔ.

Kelaraŋŋini 3:9

Men nu nfe, basa nɛ b wɔ Setani be katuŋ to, befɛpo na, bumo e wɔtɔ a tre bumo be amu Juwebi, bumo alɛ maŋ la na, meeŋ shin nɛ b ba gbir men be anishito n shin nɛ b pin fanɛ ma e sha menyi.