Romebi 2:16 - EBƆRƐ BE KAWƆL

¹⁶ To, loŋ malɛ nɛ baru lela nɛ mee bɔ na bee ŋini fanɛ asheŋ beeŋ ba kaa du kachɛ nɛ Ebɔrɛ beeŋ bɔla Yesu Kristo so n yili edimɛdi be wulo be nfɛraana so n ji bumo demu.

Romebi 2:16 ပူးပေါင်းရင်းမြစ်များ

Jɛnesis 18:25

Kashenteŋto, m baa nyi fanɛ fo maaŋ shuli m mɔ basa nɛ b niŋi na n ti alubiworapoana na so. M baa nyi geeŋ fanɛ fo maaŋ shuli n wora loŋ. Nɛ fo baŋ wora loŋ, kumo ere basa nɛ b niŋi na nɛ alubiworapoana na kikɛ nɛ fo gama ŋ gberge kusoe na. Loŋ malɛ maŋ daga. Fo nɛ fo la durnya kikɛ be demujipo na maaŋ wora kusɔ nɛ k niŋi ekpa a?”

Nshɛ 50:6

Esoso bee ŋini anyi nna fanɛ Ebɔrɛ bee ji basa be asheŋ nɛ amo be ekpa so nna.

Nshɛ 96:13

n sa Enyɛnpe Ebɔrɛ na. E bee ba nɛ e ba bɔla ekpa niŋiso nɛ kashenteŋ so nna n ji basa nɛ b wɔ durnya to demu.

Nshɛ 98:9

Ŋkpal manɛ so, mo e naa ba nɛ e ba ji kuwura kasawule so. E beeŋ ba bɔla ekpa niŋiso so n ji esa kama nɛ e wɔ kasawule so demu nɛ e maŋ kpɛa ekama to.

Kaŋinichiŋgeliŋ 11:9

Kebifɔlbi, baa ji fo kumu kagbenefuliso, ŋkpal fo kebifɔlbi so. Baa wora fo kagbene be aparsheŋ kanaŋkama nɛ fee sha. Ama baa nyiŋi fanɛ Ebɔrɛ beeŋ yili kusɔ kama nɛ fo wora so n ji fo demu.

Kaŋinichiŋgeliŋ 12:14

Ebɔrɛ beeŋ yili kusɔ kama nɛ an wora so n ji anyi demu, hale asheŋ lubi ŋko asheŋ lela nɛ an wora ashiri to gba.

Kaŋinichiŋgeliŋ 3:17

Amoso kusɔ nɛ n fɛ ma kagbene to e la fanɛ: “Ebɔrɛ beeŋ ji basa niŋiso nɛ basa lubi kikɛ demu ŋkpal manɛ so kusɔ kama kɔ kumo be saŋɛ nna.

Matiu 16:27

Ma, Nyiŋgbasa Pibinyɛn beeŋ keta ma emalaika na nɛ n Tuto be kemaŋkura m ba nseŋ ba yili ekama be ashuŋ nɛ e wora so ŋ ka mo kukɔ.

Luuk 8:17

Kusɔ nɛ k ŋana kikɛ beeŋ ba dii efuli nɛ kusɔ nɛ k buu so malɛ kikɛ be wulo e ba bugi so n lar efuli.

Baru lela nɛ Jɔn kute na 12:48

Esa kama nɛ e bee kini ma a maa sɔ ma mmalga na kɔ esa nɛ e beeŋ ji mo demu. Mmalga nɛ m malga na gbagba e naaŋ ki amodoŋwura be demujipo lalaloge be kachɛ na.

Ashuŋ Shunso 10:42

Mo e kaŋɛ anyi fanɛ an baa bɔ baru lela na a sa basa a bugi to a kaŋɛ fanɛ mo e la emo nɛ Ebɔrɛ lara fanɛ e baa la basa keniso nɛ bumo nɛ b wu be demujipo na.

Ashuŋ Shunso 17:31

Ŋkpal manɛ so, e lara kachako n yili a sha keshin nɛ esa ko nɛ e lara n yili na e ji durnya ere demu kumo be ekpa so. Mo alɛ ŋini ekama nyam kumo be loŋ n shin nɛ amodoŋwura tiŋi luwu to.”

Romebi 16:25

Kemaŋkura e baa wɔ Ebɔrɛ nɛ e beeŋ shin nɛ men baa kɔ menyi be yirda na to a yil kpakpa ŋkpal baru lela nɛ m bɔ n sa menyi m malga Kristo be kubɔya na be asheŋ na so nɛ ŋkpal kashenteŋ be wulo nɛ k daŋ ŋana dra dra na kikɛ so.

Romebi 2:5

Ama ŋkpal fo kagbene ka du kpakpa a maa sha kechɛrga na so, fo wɔ fo alubi na to nna a shin nɛ Ebɔrɛ be agbo bee kaa a ti so a jo kachɛ nɛ mbe agbo nɛ mbe demuji kashenteŋ be ekpa so na bee lar efuli na.

Romebi 3:6

Kaarɛ, loŋ maŋ kɔ ekpa kuraa, ŋkpal manɛ so, nuso nɛ Ebɔrɛ daa tiŋ a ji durnya ere to ebi demu?

1 Kɔrintebi 15:1

Naniere, ŋ kurgepoana, mee sha fanɛ n nyiŋi menyi baru lela mo nɛ n daŋ bɔ n sa menyi nɛ men sɔ a yil kumo to na be asheŋ nna.

1 Kɔrintebi 4:5

Amoso, a maŋ daga fanɛ men baa wu abar kulubi a ji abar demu pɔɛŋ nɛ demuji be kachɛ e fo. Kumo e la saŋɛ nɛ Enyɛnpe beeŋ naŋ bɛta m ba na. Mo e naaŋ shin nɛ kusɔ kikɛ nɛ k daŋ ŋana tentembiri to e lar efuli nseŋ lara nfɛra fɛso nɛ a ŋana a wɔ basa be ŋgbene to kikɛ efuli. Kumo be saŋɛ na malɛ nɛ ekama beeŋ nya mbe kechɔrɔ ashi Ebɔrɛ kutɔ.

2 Kɔrintebi 5:10

Ŋkpal manɛ so, kachako an kikɛ beeŋ yili Kristo be anishito nɛ e ji anyi demu. Ekama beeŋ nya kusɔ nɛ k daga mo ŋkpal kusɔ nɛ amodoŋwura wora ashi mbe eyur ere to so, kelela ŋko kulubi.

Galeeshaebi 1:11

Ŋ kurgepoana mee sha fanɛ ŋ kaŋɛ menyi nna fanɛ baru lela nɛ mee malga na maŋ la kusɔ nɛ k shi dimɛdi gbagba kutɔ nna.

1 Timoti 1:11

Le nɛ nɛfa be Ebɔrɛ na be baru lela nɛ kemaŋkura wɔ kumo to nɛ b ta m bɔɔ ma enɔ na bee ŋini.

2 Timoti 2:8

Baa nyiŋi baru lela nɛ ŋ kɔ a malga fanɛ Kristo Yesu nɛ e shi Ewura Deevid be kanaŋ to wu n tiŋi na.

2 Timoti 4:1

Ebɔrɛ nɛ Kristo Yesu nɛ e beeŋ ji bumo nɛ baaŋ baa wɔ ŋkpa to nɛ bumo nɛ b wu na demu be anishito nɛ n yil nsaa kpal mbe kenamba na nɛ mbe kuwura na so a kaŋɛ fo fanɛ

2 Timoti 4:8

Naniere bre ma kejinlar be kakɛ e ka a jo ma nɛ n sɔ. Kumo be kamɔnchɛ Enyɛnpe nɛ e maa ji demu a puni na beeŋ ta kumo ŋ kɛ ma. Mannɛ n nawule, ama e beeŋ ta kumo ŋ kɛ bekama nɛ b kɔ kasha a jo mbe kelar m ba na gba n ti so.

Hibruwebi 9:27

Ebɔrɛ malɛ yili kumo nna fanɛ a daga fanɛ basa kikɛ ka wu kela koŋwule nɛ luwu na be kaman nɛ demu be keji malɛ e ba bumo so.

1 Pita 4:5

Ama esa ko wɔtɔ n wora shiriya nɛ e ji basa nɛ b kraa wɔ ŋkpa to nɛ bumo nɛ b wu na kikɛ demu. Baaŋ yili mbe anishito ŋ kaŋɛ ŋ kaŋɛ bumo be asheŋ woraso kikɛ nɛ kusɔ nɛ k ba nɛ b wora amo.

2 Pita 2:9

Amoso, men baa nyi fanɛ Enyɛnpe na nyi kananɛ e bee lara bɔrɛshapoana ashi bumo be kechɔŋkeniana to nseŋ naa nyi kananɛ e beeŋ baa kɔ bɔrɛkinipoana nɛ e kɔ a wɔ kasogberge to a jo demujiachɛ na,