Romebi 2:10 - EBƆRƐ BE KAWƆL

¹⁰ Ama ekama nɛ e bee wora alelasheŋ, kemaŋkura nɛ bunyaŋ nɛ kagbenewushi beeŋ baa wɔ amodoŋwura so. Juwebi e naaŋ juŋkpar n nya amo pɔɛŋ nseŋ ta nnyamase m bɛ so.

Romebi 2:10 ပူးပေါင်းရင်းမြစ်များ

Job be kawɔl 22:21

To, Job, shin nɛ fo nɛ Ebɔrɛ e naŋ nyalɛ abar so nɛ fo sa maŋ naa ta mo fanɛ fo doŋ. Nɛ fo wora loŋ, e beeŋ nɛfa fo.

Nshɛ 15:2

Basa nɛ baa wora Ebɔrɛ kasonu kusɔ kama to na, nɛ bumo nɛ bumo be asheŋ woraso niŋi akpa na, nɛ bumo nɛ baa ji kashenteŋ ashi bumo be ŋgbene to

Nshɛ 29:11

Enyɛnpe Ebɔrɛ na e naa sa mbe basa eleŋ, nsaa nɛfa bumo nɛ kagbenewushi.

Nshɛ 37:37

Keni, asheŋ lela bee jo basa nɛ baa ji kashenteŋ nsaa maa wora a foe; nsaa fin kayurwushi na be kaman to ebi nna.

Aŋasa 11:18

Belubiworapo maa nya tɔnɔ kikɛ, ama esa nɛ e bee wora kelela bre maaŋ paŋ kumo be tɔnɔ kikɛ.

Aŋasa 8:18

Ŋ kɔ kedamaya, nɛ kemaŋkura, nɛ anishito be keyɔ, nɛ kɔŋkɔŋ be keji be kebaawɔtɔ nna a sa basa.

Aizaaya 26:12

Enyɛnpe Ebɔrɛ, fo e naaŋ sa anyi kedamaya nɛ kayurwushi, ŋkpal manɛ so, kusɔ kama nɛ anyee wora, fo eleŋ to nɛ anyee tiŋ a wora kumo.

Aizaaya 32:17

Ŋkpal ekama ka beeŋ baa wora kusɔ nɛ k daga so, kayurwushi beeŋ ba nɛ kufu maaŋ naa kɔ esa kama mbaanaayɔ.

Aizaaya 48:18

K daa beeŋ par ma ga fanɛ men ka beeŋ bɛ kusɔ nɛ n yili n sa menyi so! Aloŋ daa beeŋ shin nɛ men nya nɛfa fanɛ kananɛ kabombi bee nya nchu nsaa maa wɔlto na. Men daa beeŋ baa kɔ a pɔɔ so fanɛ kananɛ ketili bee ku teku so a ba kedeŋi so na.

Aizaaya 48:22

Enyɛnpe Ebɔrɛ na nase kɔnɔ fanɛ alubiworapoana maaŋ nya kayurwushi kikɛ.’ ”

Aizaaya 55:12

Kagbenefuli nɛ menyeeŋ ta n lar Babilɔn be efuli so, nseŋ lar kadegboŋ na to nɛ kayurwushi. Abeegboŋ nɛ abeebi beeŋ baa boŋ nshɛ a sa menyi, nɛ ndibi malɛ e baa kpla enɔ a wɔtɔ.

Aizaaya 57:19

nɛ b fara a boŋ nshɛ a kpaŋ ma. Meeŋ shin nɛ bekama nɛ b taga to nɛ bumo nɛ b wɔ kufɔ kufɔ kikɛ e nya kayurwushi. Ma e naaŋ chɛ ma basa be alɔ kikɛ!

Jɛremaya 33:6

Kumo be kaman nɛ n naŋ shin nɛ asheŋ e naŋ nyalɛ nsaa nite nɛnɛ ashi kadegboŋ na to kachako n sa ma basa. Saŋɛ na so baaŋ baa wɔ kayurwushi to mbaanaayɔ.

Nɔmbɛs 6:26

Enyɛnpe Ebɔrɛ na be kuwɔr nɛ mbe kagbenewushi e baa wɔ menyi so.”

Matiu 10:13

Nɛ laŋ na to ebi baŋ daga loŋ be kechɔrɔ, kagbenewushi na beeŋ baa wɔ bumo so. Ama nɛ b baŋ maŋ daga kechɔrɔ na, men naŋ leŋi men be kagbenewushi na be kɔnɔ.

Luuk 1:79

e beeŋ shin nɛ an fara a nya kumɔlga naniere nseŋ nyaŋɛ kefulto ashi ebɔrɛso n yuu bumo nɛ b wɔ tentembiri to nsaa ŋana luwu na so kikɛ n shin nɛ an bɔla kagbenewushi be ekpa to.”

Luuk 12:37

Bumo nɛ bumo nyɛnpe na beeŋ ba tu nɛ b bela ase a jo mo nsaa keni na beeŋ nu ebel ga. Enyɛnpe na gbagba beeŋ shin nɛ b chena nɛ e kre so n wora ajibi n sa bumo.

Luuk 19:42

e shu na nseŋ kaŋɛ le: “Alako kabre, menyi alɛ gba daa nyi asɔ nɛ a bee bar kagbenewushi nna. Ama b ta amo ŋ ŋana menyi so.

Luuk 22:14

Kebansonchoŋ be ajibi na be keji be saŋɛ ka fo nɛ mo nɛ beshuŋipoana na ya kaa tase ejikpa.

Luuk 9:48

“Esa kama nɛ e sɔ le be kebia ere ŋkpal ma so, sɔ ma nna na, ekama malɛ nɛ e sɔ ma, sɔ emo nɛ e shuŋi ma na gba nna na. Amoso, ekama nɛ e la men kikɛ to be emantopo e la esa nɛ e chɔ ekama.”

Baru lela nɛ Jɔn kute na 12:26

Esa kama nɛ e bee shuŋ ma, e baa bɛ ma so nɛ kaplɛkama malɛ nɛ n wɔ, ndoŋ nɛ ma kenya gba beeŋ baa wɔ. N Tuto malɛ beeŋ bunyaŋ esa kama nɛ e bee shuŋ ma.”

Baru lela nɛ Jɔn kute na 14:27

Kagbenewushi nɛ mee yige a sa menyi na, kagbenewushi nɛ k shi ŋ gbagba kutɔ. Kumo alɛ mannɛ fanɛ kananɛ durnya bee sa kumo na nɛ ŋ kɔ kumo a sa menyi. Amoso, men sa maŋ shin nɛ menyi be ŋgbene e baa jija menyi ŋko nɛ kufu e baa kɔ menyi.

Baru lela nɛ Jɔn kute na 16:33

Ŋ kaŋɛ menyi asheŋ ere nna, saŋɛ na so, menyeeŋ bɔla ma so n nya kagbenewushi. Menyeeŋ nya tɔrɔ durnya ere to, ama men baa kɔ kagbene, ma e pɔɔ durnya ere so.”

Ashuŋ Shunso 10:35

Esa kama nɛ e bee ŋana mo nsaa wora asɔ nɛ a bee bɔla ekpa nɛ e bee sɔ.

Romebi 14:17

Ŋkpal manɛ so, Ebɔrɛ be kuwura na to be asheŋ maŋ la kebaaji nɛ kebaanuu be asheŋ nna. K la alelasheŋ nɛ kagbenewushi nɛ kagbenefuli nɛ a bee shi Kiyoyu Cheeŋ na kutɔ na be kebaawɔtɔ be asheŋ nna.

Romebi 15:13

Ebɔrɛ nɛ e bee sa anyi tama na e shin nɛ kagbenefuli nɛ kagbenewushi e bɔlɔ menyi to ashi menyi be keyirda mo ere to, saŋɛ na so menyi be tama beeŋ bɔla Kiyoyu Cheeŋ na be eleŋ to m bɔlɔ menyi to felɛlɛ n ya kaa wurge.

Romebi 2:7

Bumo nɛ alelasheŋ be kewora maa gben bumo nɛ baa fin kemaŋkura nɛ bunyaŋ nɛ kebaawɔtɔ nɛ k maŋ kɔ luwu na, e beeŋ sa bumo ŋkpa nɛ k maŋ kɔ ekar na.

Romebi 2:9

Tɔrɔ nɛ kayurnyaŋ beeŋ ba dimɛdi kama nɛ e bee wora alubi so, Juwebi e naaŋ juŋkpar n nya amo pɔɛŋ nɛ nnyamase e bɛ so.

Romebi 5:1

Naniere Ebɔrɛ ka kpal anyi be yirda so n shin nɛ an ji n lar mbe anishito ere bre, an bɔla an Nyɛnpe Yesu Kristo so a kɔ kagbenewushi ashi Ebɔrɛ na be anishito.

Romebi 8:6

Keshin nɛ kapɔr lubi ere e baa wɔ fo nfɛra bee yɛr fo luwu to nna nɛ keshin nɛ Kiyoyu na e baa wɔ fo nfɛra malɛ bee yɛr fo ŋkpa nɛ kagbenewushi to.

Romebi 9:21

Mannɛ epɔrpo e kɔ mbe ebɔ be eleŋ nɛ e tiŋ ŋ ku ebɔ na be ako m pɔr nchɛgboŋ be kusɔ jiso to be kusɔ nseŋ naŋ tiŋ n ta ebɔ na be ako malɛ m pɔr kachɛ kama malɛ be kusɔ jiso to be kusɔ a?

Romebi 9:23

Mo alɛ daa sha nna nɛ basa e wu mbe kemaŋkuragboŋ nɛ e shin nɛ k ba anyi nɛ mbe kuwɔr na chɛr a ba anyi so so nna. Anyi nɛ e bela ase n yili nɛ an nya mbe kemaŋkura na.

Galeeshaebi 5:22

Ama nɛ Kiyoyu na baa wɔ esa to, le be asɔ lela ere e du fanɛ kusɔrso a wɔ amodoŋwura to nɛ e bee wora: Kasha nɛ kagbenefuli nɛ kagbenewushi nɛ kanyiti nɛ kebaala esa nɛ alelasheŋ nɛ kebaayɛ a wora

Galeeshaebi 5:6

Ŋkpal manɛ so, nɛ an baa wɔ Kristo to, emo nɛ e ku kututu nɛ emo nɛ e maŋ ku kututu maŋ kɔr abar to. Kusɔ koŋwule nɛ k baa tir e la yirda nɛ k bee bɔla kasha so a shuŋ.

Filipaiebi 4:7

Nɛ men wora loŋ, kagbene wushi nɛ k bee shi Ebɔrɛ kutɔ a ba nsaa chɔ kananɛ dimɛdi beeŋ fɛ na beeŋ shin nɛ men be ŋgbene nɛ men be nfɛra e nya edesekpa ashi Kristo Yesu to.

1 Timoti 1:17

Bunyaŋ nɛ epaŋ be kedi e baa wɔ Ewurgboŋ nɛ e wɔ ŋkpa to saŋkikɛ na nɛ mo koŋwule nɛ e la kashenteŋ be Ebɔrɛ nɛ esa kikɛ maaŋ tiŋ n ta kenishi fuful n wu mo kikɛ na so mbaanaayɔ. Amɛn.

Hibruwebi 2:7

Ŋkpal manɛ so, saŋɛ gbrɛbi ko fo daŋ shin nɛ emalaika daa chɔ mo nna. Keni, fo ta kemaŋkura nɛ bunyaŋ m buu mo fanɛ kuwura na,

Jeems 2:22

To, kede e naa ŋini fanɛ Eebraham be kebaawɔtɔ to yirda nɛ kumo be ashuŋ shunso e naa yɔ. E daŋ yirda Ebɔrɛ nseŋ daŋ naa wora alelasheŋ. Le malɛ be kebaawɔtɔ ere e naa ŋini e ka daŋ yirda Ebɔrɛ kashenteŋto.

Jeems 3:13

Menyi to be emo e kɔ kanyiasheŋ nsaa nyi ashuŋ to? Amodoŋwura e ta mbe kebaawɔtɔ lela a du boeŋ nsaa wora asheŋ nɛ a daga.

1 Pita 1:7

Le be kechɔŋkeni ere bee ba menyi so nna nɛ a ba keni ŋko menyi be yirda na kɔ eleŋ a. Men baa nyi fanɛ hale shuwa nɛ k bee jija ere gba, baa kaa ta edɛ a wora kumo a keni. To, loŋ koŋwule na e daga fanɛ men be yirda mo nɛ k chɔ shuwa na gba, b ka chɔ kumo ŋ keni ŋko k beeŋ tiŋ n yili a. Saŋɛ na so baaŋ di menyi epaŋ nseŋ sa menyi kemaŋkura nɛ bunyaŋ kacha nɛ Ebɔrɛ beeŋ lara Yesu Kristo ŋ ŋini na.

1 Pita 5:4

Saŋɛ na so, Ekenipo Nimuso na kaŋ ya lar m ba, menyeeŋ nya kemaŋkurawuro mo nɛ k maa terge kikɛ na.

1 Samuɛl 2:30

Ma, Enyɛnpe, Israɛl be Ebɔrɛ na e daŋ nase kɔnɔ fanɛ fo kanaŋ e naaŋ baa la bɔrɛmatapoana mbaanaayɔ, ama mee kaŋɛ fo nna fanɛ loŋ maaŋ naŋ wora kikɛ. Basa kama nɛ baa bunyaŋ ma na nɛ mee sa bunyaŋ nsaa sho bekama nɛ b kishi ma na kɔnɔ.