Romebi 2:1 - EBƆRƐ BE KAWƆL

¹ Amoso, manɛ be ekpa nɛ fo dimɛdi kɔ nsaa tiŋ a wu fo barkasa kulubi? Ŋkpal manɛ so, kanaŋkama nɛ fo du nseŋ wu fo barkasa kulubi, fee ji nna a bri fo gbagba be kumu nna na, ŋkpal manɛ so, asɔ koŋwule na nɛ fee wora.

Romebi 2:1 ပူးပေါင်းရင်းမြစ်များ

Luuk 12:14

Nɛ Yesu bishi mo: “N teri, wanɛ e sa ma ekpa fanɛ n ji menyi be demu nseŋ barga menyi be kapetɛ na to n sa menyi?”

Luuk 19:22

Nɛ enyɛnpe na kaŋɛ mo le: ‘Kusɔ nɛ fee malga ere gbagba nɛ meeŋ ta n ji fo demu, kenya lubi ere. Fo yɛ fo nyi ŋ ka la kumukpakpasowura a ta kusɔ nɛ m maŋ ta n nase nsaa teŋi asɔ nɛ m maŋ duu ŋko?

Luuk 6:37

Men sa maa wu abar be alubi nɛ Ebɔrɛ e sa maŋ ji menyi alɛ gba sheria. Men sa maŋ kaŋɛ fanɛ eko wora n jija n daga kasogberge nɛ Ebɔrɛ e sa maŋ kaŋɛ fanɛ men wora n da so n daga kasogberge. Men baa ta men braana be alubi a paŋ bumo nɛ Ebɔrɛ e ta men be alubi m paŋ menyi.

Romebi 14:22

Amoso, kusɔ kama nɛ fo yirda a yɔ le be asheŋ ere be kaplɛa so, fo shin nɛ k baa wɔ fo nɛ Ebɔrɛ be nferinto. Kagbenefuli malɛ la esa kama nɛ e maa wu mo gbagba be kumu kedoŋ ashi kusɔ nɛ e bee yirda be ekpa so na peya nna.

Romebi 2:2

Nɛ Ebɔrɛ bre bee ji basa nɛ baa wora asheŋ ere demu, an nyi e ka bee ji asheŋ kashenteŋ be ekpa so.

Romebi 2:3

Ama fo ere dimɛdi, asheŋ nɛ fo kɔ a wu basa kulubi ere gbagba nɛ fee wora, amoso, fee tama fanɛ feeŋ nya ŋ gelge Ebɔrɛ be demuji to a?

Romebi 3:9

To, naniere, nuso nɛ anyeeŋ kaŋɛ fanɛ anyi chɔ basa pɔtɛ ŋko? Cha, anyi maaŋ tiŋ ŋ kaŋɛ loŋ kikɛ, ŋkpal manɛ so, an teŋ wu fanɛ dimɛdi kikɛ, Juwebi nɛ basa pɔtɛ kikɛ wɔ alubi to nna.

Romebi 9:20

Ama fo alɛ dimɛdi e la wanɛ nɛ fo tiŋ m malga n ji Ebɔrɛ emɔrɔ le? Kusɔ pɔrso beeŋ tiŋ ŋ kaŋɛ kumo be epɔrpo le: “Manɛ e ba nɛ fo pɔr ma le” a?

1 Kɔrintebi 4:5

Amoso, a maŋ daga fanɛ men baa wu abar kulubi a ji abar demu pɔɛŋ nɛ demuji be kachɛ e fo. Kumo e la saŋɛ nɛ Enyɛnpe beeŋ naŋ bɛta m ba na. Mo e naaŋ shin nɛ kusɔ kikɛ nɛ k daŋ ŋana tentembiri to e lar efuli nseŋ lara nfɛra fɛso nɛ a ŋana a wɔ basa be ŋgbene to kikɛ efuli. Kumo be saŋɛ na malɛ nɛ ekama beeŋ nya mbe kechɔrɔ ashi Ebɔrɛ kutɔ.

1 Kɔrintebi 7:16

Eche kilpo mo nɛ e la eyirdapo, nuso nɛ feeŋ wora m pin fanɛ mannɛ fo so nɛ fo kul beeŋ bɔla n nya kumɔlga? Ŋko fo, ekul mo nɛ fo la eyirdapo ere, nuso nɛ feeŋ wora m pin fanɛ mannɛ fo so nɛ fo eche beeŋ bɔla n nya kumɔlga?

Jeems 2:20

Ewulpo e la fo nɛ fo maŋ nyi fanɛ esa baŋ kaŋɛ fanɛ e yirda Ebɔrɛ nsaa maa wora yirda be ashuŋ shunso, mbe yirda na la yirda fuloŋ nna a!

Jeems 4:11

Ŋ kurgepoana, men sa maa ji abar be asheŋ a wu abar kulubi. Ekama nɛ e ji mo barkasa be asheŋ n wu mo kulubi e bee ji mbra na be asheŋ a wu kumo kulubi nna na. Fo kama malɛ nɛ fo wu mbra na kulubi, kumo ere fo maŋ naa nu a sa mbra na nna na, ama fo ki esa nɛ e bee ji kumo demu.