Romebi 16:3 - EBƆRƐ BE KAWƆL

³ Mee chɔrɔ Prisila nɛ Akwila nɛ b la m braana Kristo be beshumpo na.

Romebi 16:3 ပူးပေါင်းရင်းမြစ်များ

Ashuŋ Shunso 18:26

Prisila nɛ Akwila ka nu e ka malga nshɛrbu na to kenyɛnso n loge nɛ b keta mo n yɔ epe n ya bugi Ebɔrɛ be asheŋ na to ŋ ŋini mo nɛnɛ.

Romebi 16:10

Mee chɔrɔ Apɛles nɛ e kpal Kristo so n luri kechɔŋkeni to nseŋ tiŋ n lar a yil na. Mee chɔrɔ Aristɔbules be kowu to ebi gba.

Romebi 16:4

B daŋ kpal ma so nna n ta bumo be amu ŋ kpa kelara. Mee chɔrɔ bumo ga ŋkpal loŋ so, mannɛ n nawule gba malɛ e naa chɔrɔ bumo. Nnyamase be asɔriebiana na kikɛ gba bee chɔrɔ bumo ga.

Romebi 16:7

Mee chɔrɔ Andrɔnikes nɛ Junias nɛ b la n niopibi Juwebiana nɛ ma nɛ bumo daa wɔ kabuti to na. B la basa nɛ b kɔ ketre nna ashi beshuŋipoana na to, bumo alɛ pin Kristo nna pɔɛŋ nɛ m ba pin mo.

Romebi 16:9

Mee chɔrɔ Ebaanes nɛ e la m barkasa Kristo be eshumpo na nsaa chɔrɔ n teri lela Staakis gba.

Romebi 8:1

Bumo nɛ b wɔ Kristo Yesu to naniere bre, kejimbri be kasogberge maŋ naa wɔ bumo so.

Romebi 8:11

Nɛ Ebɔrɛ nɛ e tiŋi Yesu ashi luwu to na be Kiyoyu baa wɔ menyi to bre, kumo ere mo koŋwule nɛ e tiŋi Kristo ashi luwu to na gbagba beeŋ naŋ bɔla mbe Kiyoyu nɛ e wɔ menyi to na so n sa menyi be eyurana nɛ a beeŋ kaŋ wu kachako ere ŋkpa.

Romebi 8:2

Ŋkpal manɛ so, ŋkpa be Kiyoyu na be mbra bɔla Yesu Kristo so n shin nɛ n nya ma kumu ashi kulubi nɛ luwu be mbra to.

1 Kɔrintebi 16:16

Amoso, mee kule menyi nna fanɛ men baa nu a sa le be basa nɛ bekama malɛ gba nɛ b luri loŋ be kushuŋ na to a wɔtɔ a shuŋ kumo na.

1 Kɔrintebi 16:19

Asɔriana to ebi nɛ b wɔ Eeshia be kasawule so nfe ere kikɛ bee chɔrɔ menyi. Akwila nɛ Prisila nɛ asɔriebi nɛ baa shɛr bumo pe na kikɛ bugi kagbene a chɔrɔ menyi ga ashi Enyɛnpe to.

2 Kɔrintebi 12:2

N nyi Kristo be kanyɛn ko ka daa wɔ Kristo to nɛ b maŋ mo so n yɔ ebɔrɛso be kakpa sasopo na. Kumo be nfɛ kuduana kabre. Ma alɛ maŋ nyi ŋko e daa wɔ eyur ere to nna nɛ loŋ wora ŋko e daŋ lar eyur ere to nna pɔɛŋ nɛ loŋ wora, Ebɔrɛ nawule e nyi.

2 Kɔrintebi 5:17

Amoso, nɛ esa kama baa wɔ Kristo na to, kepɔrso popɔr e la mo, asheŋ dra na kikɛ choŋ nɛ asheŋ popɔr ba.

Galeeshaebi 1:22

Saŋɛ na so, Judiya be efuli so be asɔriana na to ebi nɛ b wɔ Kristo to na maŋ naŋ wu ma kenishiso ŋ ku so.

Filipaiebi 2:25

Mee fɛ nna fanɛ a daga fanɛ n naŋ shin nɛ Epafrodaites e bɛta n yɔ menyi kutɔ. E la ŋ kurgepo nɛ m barkasa eshumpo nɛ m barkasa ekɔpo nɛ mo koŋwule na naa la men be kabɔ nɛ men shuŋi mo fanɛ e ba kaa chɛ ma to ashi ma asheŋ tirso to na.

Kɔlɔsiebi 4:11

Jizes nɛ baa tre Jɛstes na gba bee chɔrɔ menyi. Bumo basa asa na nawule e la Juwebi be basa nɛ b nyi Yesu Kristo bumo be ŋgbene to nɛ ma nɛ bumo bee shuŋ nfe a malga Ebɔrɛ be kuwura na to be asheŋ. B shin nɛ ma kagbene wushi ma ga.

2 Timoti 4:19

Chɔrɔ Priska nɛ Akwila nɛ Onɛsifɔres be kowu to ebi n sa ma.