Romebi 14:3 - EBƆRƐ BE KAWƆL

³ Nɛ ekama malɛ nɛ e bee ji kusɔ kikɛ e sa maa fɛl emo nɛ e maa wora loŋ. Emo nɛ mo alɛ maa ji kusɔ kikɛ na malɛ e sa maa kaŋɛ fanɛ emo nɛ e bee ji kusɔ kikɛ na bee foe ekpa nna, ŋkpal manɛ so, Ebɔrɛ e sɔ amodoŋwura na.

Romebi 14:3 ပူးပေါင်းရင်းမြစ်များ

Zakareya 4:10

Bekama nɛ b keni kananɛ asheŋ fara gbrɛ gbrɛbi kabre ere jiga na kaŋ wu kejembu nɛ kumo be asheŋ tir ga ere ka bɔɔ Zerubabel enɔ na, baaŋ ji eyur kagbenefuliso Kumo be kaman nɛ malaika na naŋ kaŋɛ ma le: Efitilatɔl ashunu na e la Enyɛnpe Ebɔrɛ be anishi ashunu nɛ a bee keni a wu kusɔ kikɛ durnya ere kikɛ to na.”

Matiu 18:10

Nɛ Yesu kaŋɛ bumo: “Men baa da so n sa maa fɛl mbibi ere be ekama, ŋkpal manɛ so, ma e kaŋɛ menyi na fanɛ bumo be emalaika wɔ ebɔrɛso nna a wu n Tuto Ebɔrɛ nɛ e wɔ ebɔrɛso na.

Matiu 9:14

Kachako nɛ Jɔn kabɔrɛbɛrpo be bebɛsopo ba Yesu kutɔ m ba bishi mo: “Manɛ e ba nɛ anyi nɛ Efarisiana bee kaa kishi nɛ fo ere be bebɛsopo maa kishi ere bre?”

Luuk 18:9

Yesu e daŋ bɔ basa nɛ b daŋ yirda bumo gbagba be alelasheŋ a tama fanɛ b la basa cheembi nsaa wɔtɔ a fɛl beko na keŋasa ere.

Ashuŋ Shunso 10:34

Nɛ Pita fara mbe kamalga ŋ kaŋɛ: “Naniere nɛ m pin kashenteŋto fanɛ Ebɔrɛ maa kpɛa to.

Ashuŋ Shunso 10:44

Pita daŋ kraa malga nna nɛ Kiyoyu Cheeŋ na gbelge m ba bumo nɛ b daa nu kubɔya na so.

Ashuŋ Shunso 28:2

Ndoŋebi daŋ chɛ anyi to ga. Bɔrɛ daŋ fara nna a ba nɛ awo ko ba nɛ b puga edɛ n sa anyi nɛ an wɔl.

Romebi 11:15

Ŋkpal manɛ so, Ebɔrɛ ka daŋ kini bumo na so, durnyaebi nɛ b ka na nɛ Ebɔrɛ daŋ ba abar so nna. To, nɛ naniere Ebɔrɛ naŋ sɔ bumo, nuso nɛ asheŋ beeŋ baa du? Kumo ere bubuni beeŋ nya ŋkpa nna na.

Romebi 14:1

Men baa sɔ ekama nɛ e maŋ kɔ eleŋ ashi yirda na to na a wɔtɔ menyi to, ama menyi nɛ mo e sa maa ji emɔrɔ a yɔ mbe asheŋ fɛso be kaplɛa so.

Romebi 14:10

To, nɛ a ji nuso nna nɛ fee wu fo barkasa kulubi? Nɛ fo alɛ, manɛ e ba nɛ fee keni fo barkasa a bɔl? Ŋkpal manɛ so, kachako an kikɛ beeŋ yili Ebɔrɛ be demuji be echenakpa nɛ e ji anyi demu.

Romebi 14:13

Amoso, men shin nɛ an yige kebaawu abar alubi be asheŋ n lɛ. Kusɔ nɛ k daga fanɛ men baa wora e la fanɛ men sa maŋ kaŋ ta shɛŋ shɛŋ ŋ kagle men niopibi kama ekpa nɛ e fiti n tɔr kulubi to.

Romebi 14:15

Nɛ kusɔ kama malɛ nɛ fee ji nɛ k bee tɔrɔ fo niopibi be nfɛra, kumo ere mannɛ kasha be kesheŋ nɛ fee wora na. Sa maŋ kaŋ shin nɛ fo niopibi nɛ Kristo wu n sa na e foe ekpa ŋkpal kusɔ nɛ fee ji so.

Romebi 14:21

Nɛ fo nyi fanɛ fo we eblaŋ ko ŋko n nuu nsa ŋko n wora kusɔ kama nɛ k beeŋ shin nɛ fo niopibi e foe ekpa bre, fo ka maŋ wora amo be kekama bɔ.

Romebi 15:7

To, men baa sɔ abar fanɛ kananɛ Kristo sɔ menyi na nɛ Ebɔrɛ e nya kemaŋkura.