Romebi 14:1 - EBƆRƐ BE KAWƆL

¹ Men baa sɔ ekama nɛ e maŋ kɔ eleŋ ashi yirda na to na a wɔtɔ menyi to, ama menyi nɛ mo e sa maa ji emɔrɔ a yɔ mbe asheŋ fɛso be kaplɛa so.

Romebi 14:1 ပူးပေါင်းရင်းမြစ်များ

Job be kawɔl 4:3

Nyiŋi kananɛ fo mmalga daŋ leŋ basa damta nɛ asheŋ daŋ tir bumo na to, a ŋini bumo kananɛ baaŋ baa wora asheŋ na.

Aizaaya 40:11

Enyɛnpe Ebɔrɛ na bee keni mbe efuli so nna, fanɛ kananɛ mbolpɔkpapo bee keni mbe mbolpɔ so na. E bee ta mbolpɔbi na nna a di ŋkɔŋ, nsaa juŋkpar mbolpɔ nioana na malɛ boeŋ boeŋ.

Aizaaya 42:3

E maaŋ bu kejolobi nɛ k dɛlɛ to a yil ŋko n duŋ fitila nɛ k maa wu nɛnɛ. Ama e beeŋ shin nɛ keji asheŋ nɛ amo be ekpa so e baa la ekama peya.

Ezikɛl 34:16

Ma alɛ beeŋ fin bumo be bumo nɛ foe na nseŋ bɛta bumo nɛ yeŋ na m ba. Kumo be kaman nɛ ŋ kre bumo nɛ b doro na be achuu nseŋ chɛ bumo nɛ baa lɔ na. Ama bekama nɛ b ji n daŋ nsaa kɔ eleŋ na bre, meeŋ mur bumo, ŋkpal manɛ so, n la mbolpɔkpapo nɛ e bee wora kusɔ nɛ k daga nna.

Ezikɛl 34:4

Menyee maa keni bumo be bumo nɛ b maŋ kɔ eleŋ na so, ŋko a chɛ bumo nɛ baa lɔ na ŋko a wɔtɔ bumo nɛ b doro na be achuu to adur a kre amo ŋko a kuŋ bumo nɛ baa lar a yɔ mboŋ ko na a ba ŋko a fin bumo nɛ foe na. Men du nyaŋnyaŋ nna a tɔrɔ bumo.

Zakareya 11:16

Ŋkpal manɛ so n lara mbolpɔkpapo ko fanɛ e ba kaa keni ma mbolpɔ so, ama mo shɛŋ maaŋ baa wɔ bumo nɛ baaŋ foe na to ŋko nɛ e nite n fin bewurbi na ŋko n chɛ bumo nɛ baa lɔ na ŋko ŋ kpa bumo nɛ b kɔ alenfia na n yɔ keji to. Ama bedanso na nɛ e beeŋ baa mɔ a we a ka awibi.

Matiu 12:20

E maaŋ bu kejolobi kɔnto gba to ŋko n duŋ fitila nɛ k maa wu nɛnɛ. Kede e naa ŋini fanɛ e maaŋ pɔ aba kikɛ, hale nɛ kashenteŋ be keji e ya sɔ kejuŋkpar.

Matiu 14:31

Epul na to nɛ Yesu teŋi enɔ to m pɛ mo to nseŋ kaŋɛ mo le: “Ama fo yirda du fimbi pasaa. Manɛ e ba nɛ fo maŋ yirda?”

Matiu 18:10

Nɛ Yesu kaŋɛ bumo: “Men baa da so n sa maa fɛl mbibi ere be ekama, ŋkpal manɛ so, ma e kaŋɛ menyi na fanɛ bumo be emalaika wɔ ebɔrɛso nna a wu n Tuto Ebɔrɛ nɛ e wɔ ebɔrɛso na.

Maak 7:19

Ŋkpal manɛ so, k maa luri mbe kagbene to, mbe epun nawule to nɛ k bee luri a lar mbe eyur to.” Yesu daŋ malga le be demu nna a ŋini fanɛ kejibi kikɛ walɛ keji.

Luuk 17:2

Ekama nɛ e shin nɛ mbibi ere be eko wora kulubi, kusɔ nɛ k beeŋ nya amodoŋwura na beeŋ lubi a chɔ b ka ta kuboo n shiga mbe kubɔ to nseŋ ta mo n lɛ n wɔtɔ teku to nɛ e ji nchu.

Baru lela nɛ Jɔn kute na 13:20

Ma e kaŋɛ menyi kashenteŋto na fanɛ ekama nɛ e sɔ esa kama nɛ n shuŋi, sɔ ma nna na. Ekama malɛ nɛ e sɔ ma sɔ esa nɛ e shuŋi ma na nna na.”

Ashuŋ Shunso 28:2

Ndoŋebi daŋ chɛ anyi to ga. Bɔrɛ daŋ fara nna a ba nɛ awo ko ba nɛ b puga edɛ n sa anyi nɛ an wɔl.

Romebi 11:15

Ŋkpal manɛ so, Ebɔrɛ ka daŋ kini bumo na so, durnyaebi nɛ b ka na nɛ Ebɔrɛ daŋ ba abar so nna. To, nɛ naniere Ebɔrɛ naŋ sɔ bumo, nuso nɛ asheŋ beeŋ baa du? Kumo ere bubuni beeŋ nya ŋkpa nna na.

Romebi 14:2

Esa ko bee kaa yirda fanɛ e beeŋ tiŋ n ji kusɔ kikɛ be epo, ama emo nɛ mbe yirda maŋ kɔ eleŋ bre bee ji afantaŋ nawule be epo nna.

Romebi 14:21

Nɛ fo nyi fanɛ fo we eblaŋ ko ŋko n nuu nsa ŋko n wora kusɔ kama nɛ k beeŋ shin nɛ fo niopibi e foe ekpa bre, fo ka maŋ wora amo be kekama bɔ.

Romebi 14:3

Nɛ ekama malɛ nɛ e bee ji kusɔ kikɛ e sa maa fɛl emo nɛ e maa wora loŋ. Emo nɛ mo alɛ maa ji kusɔ kikɛ na malɛ e sa maa kaŋɛ fanɛ emo nɛ e bee ji kusɔ kikɛ na bee foe ekpa nna, ŋkpal manɛ so, Ebɔrɛ e sɔ amodoŋwura na.

Romebi 15:1

A daga fanɛ anyi, bumo nɛ an kɔ eleŋ yirda na to na e baa chɛ bepɔshipo na to a keni bumo be asheŋ nɛ a bee pɔɔ bumo so to. An sa maa wɔtɔ a de anyi gbagba be aparsheŋ so.

Romebi 15:7

To, men baa sɔ abar fanɛ kananɛ Kristo sɔ menyi na nɛ Ebɔrɛ e nya kemaŋkura.

Romebi 4:19

Mo ere Eebraham na daŋ fo fanɛ nfɛ kalfa, ama e ka daŋ keni mo gbagba be eyur ka daa maŋ naa kɔ eleŋ so, mbe yirda be eleŋ daa maŋ yɔɔ. Mo alɛ ka daŋ naŋ wu fanɛ mbe eche Sɛɛra be kakurge be saŋɛ baŋ so, mbe yirda na be eleŋ maŋ yɔɔ.

1 Kɔrintebi 9:22

Nɛ m baa wɔ yirda na to be bepɔshipo to, mee ta ma kumu nna a ki epɔsopo, saŋɛ na so meeŋ nya bumo bepɔshipo na n wɔtɔ Yesu be kebɛso to. N ta ma kumu nna ŋ ki kusɔ kikɛ n sa basa be nnaŋ to kikɛ, saŋɛ na so meeŋ bɔla ekpa kama so n shin nɛ basa na be beko e nya kumɔlga.

Filipaiebi 2:29

Amoso, men ta kagbenefuli kikɛ n sɔ mo fanɛ ekurgepo ashi Enyɛnpe to. Ekama malɛ nɛ e du fanɛ mo, men sa amodoŋwura bunyaŋ, ŋkpal manɛ so, a daŋ ka gbrɛbi nɛ e wu ŋkpal Kristo be kushuŋ na so.

1 Tɛsalɔnikaebi 5:14

Anyee kule menyi bekurgepoana, men fiɛ betɔlpoana na so nseŋ leŋ befupo to n chɛ bepɔshipo malɛ gba to a ji bumo kikɛ kanyiti.

Hibruwebi 5:14

Ama ajibi gbɛgbɛso bre la basa kpar nɛ bumo gbagba koya nsaa nyi kelela nɛ kulubi to na peya nna.

2 Jɔn 1:10

Esa kama nɛ e ba men kutɔ nsaa maŋ bar le be keŋini ere, men sa maŋ chɔrɔ mo ŋko n sɔ mo n wɔtɔ men peana,