Romebi 13:9 - EBƆRƐ BE KAWƆL

⁹ Ebɔrɛ be mbraana nɛ a bee kaŋɛ le na: “Men sa maa ji kubojua nɛ men sa maa mɔ nɛ men sa maa yuri nɛ men sa maa yɛlga abar be asɔ,” nɛ mbraana nɛ a ka na kikɛ wɔ le be mbra ere to nna: “Baa sha fo barkasa dimɛdi fanɛ fo gbagba be kumu.”

Romebi 13:9 ပူးပေါင်းရင်းမြစ်များ

Levitikɔs 19:18

Sa maŋ kaŋ wora n tal esa kikɛ to ŋkpal kulubi so ŋko n nya yurkishi fo kagbene to n sa esa, ama baa sha fo barkasa fanɛ fo kumu. Ma e la Enyɛnpe Ebɔrɛ na.

Levitikɔs 19:34

Men baa keta bumo fanɛ men braana Israɛl be basa nsaa sha bumo fanɛ men gbagba be amu. Men baa nyiŋi fanɛ menyi alɛ gba daa la befɔ nna ashi Ijipt be efuli so. Ma e la Enyɛnpe, men be Ebɔrɛ na.

Matiu 22:39

Mbra nyɔsopo na du fanɛ kejuŋkparso na nna. K yɛ: ‘Baa sha fo barkasa fanɛ fo kumu.’

Maak 10:19

Fo nyi mbraana nɛ a bee kaŋɛ: Sa maŋ kaŋ mɔ, sa maa ji kubojua, sa maŋ kaŋ yuri, sa maŋ kaŋ ji efɛ be shɛda, sa maŋ kaŋ puni, baa bunyaŋ fo tuto nɛ fo nio.”

Maak 12:31

Mbragboŋ nyɔsopo e la fanɛ: ‘Baa sha fo barkasa fanɛ fo kumu.’ Mbra kama maŋ naa wɔtɔ a chɔ anyɔ ere.”

Luuk 10:27

Nɛ kanyɛn na kaŋɛ: “A bee kaŋɛ fanɛ fo baa ta fo kagbene kikɛ nɛ fo kiyoyu kikɛ nɛ fo eleŋ kikɛ nɛ fo nfɛra kikɛ a sha Enyɛnpe fo Ebɔrɛ na, nsaa sha fo barkasa fanɛ fo kumu.”

Luuk 18:20

Fo nyi mbraana nɛ a bee kaŋɛ, sa maa ji kubojua, sa maŋ kaŋ mɔ, sa maŋ kaŋ yuri, sa maŋ kaŋ ji efɛ be shɛda, baa bunyaŋ fo tuto nɛ fo nio na ŋko?”

Galeeshaebi 5:13

Ŋ kurgepoana, Ebɔrɛ tre menyi ere nna nɛ men ba kaa wɔ men be amu. Ama men sa maŋ kaŋ shin nɛ le be kamoowɔ ere e sa menyi ekpa nɛ men shin nɛ men be eyur to be ayɛlgasɔ e baa wɔ menyi. Ama men shin nɛ kasha e baa shin nɛ men baa shuŋ abar.