Romebi 13:8 - EBƆRƐ BE KAWƆL

⁸ Men sa maŋ ji esa kikɛ be kukɔ she abar be kasha nawule be kukɔ, ŋkpal manɛ so, esa kama nɛ e bee sha mo barkasa dimɛdi bɛ mbra na so n loge.

Romebi 13:8 ပူးပေါင်းရင်းမြစ်များ

Matiu 7:12

Amoso, kusɔ kama nɛ menyee sha fanɛ basa e baa wora a sa menyi, menyi alɛ gba e baa wora loŋ a sa bumo. Kusɔ nɛ anebi Mosis be mbra na nɛ anebiana nɛ b ka na be keŋini na bee ŋini nna na.

Baru lela nɛ Jɔn kute na 13:34

Ama kamalga naseso popɔr nɛ mee sa menyi e la fanɛ men baa sha abar. Kananɛ mee sha menyi na e daga fanɛ menyi alɛ gba e baa sha abar loŋ.

Romebi 13:10

Fo kama nɛ fee sha fo barkasa dimɛdi, fo maaŋ wora mo kulubi. Amoso, kesha fo barkasa bee ŋini kebɛ mbra na kikɛ so nna na.

Romebi 13:7

Amoso, men baa ka akɔ kama nɛ men ji bumo. Nɛ k la fanɛ menyi be amu so be lampo nna, men ka, nɛ kumo alɛ naa la fanɛ menyi be asɔ be lampo nna, men ka amo alɛ gba be kukɔ. Nɛ k naa la fanɛ bunyaŋ nna, men jɔŋɛ bumo ase m bunyaŋ bumo.

Galeeshaebi 5:14

Ŋkpal manɛ so, mbraana na kikɛ wɔ mbra nɛ k bee kaŋɛ le: “Sha fo barkasa dimɛdi fanɛ fo kumu” na to nna.

Kɔlɔsiebi 3:14

Ade kikɛ be buushi men ta kasha n wɔtɔ men be ŋgbene to, kasha e naa sa anyi kikɛ kɔnɔkoŋwule.

1 Timoti 1:5

Anyi ere be keŋini ere be kumu e la kasha nɛ k shi kagbene cheembi nɛ nfɛra lela nɛ yirda kpakpaso to na nna.

Jeems 2:8

Le nɛ abɔrɛsibɛ na bee kaŋɛ: “Baa sha fo barkasa fanɛ kananɛ fee sha fo kumu.” Le be mbra ere shi Ebɔrɛ be kuwura na to nna m ba, nɛ fo kama nɛ fo bɛ kumo so, fo wora nɛnɛ.

1 Jɔn 3:10

To, loŋ malɛ nɛ anyee ta a pin Ebɔrɛ be mbia nɛ bumo nɛ bumo alɛ la alubipo na be mbia. Esa kama nɛ e bee wora asɔ nɛ a maa niŋi, maŋ la Ebɔrɛ pibi. Ekama malɛ gba nɛ e maa sha mo niopibi, maŋ la Ebɔrɛ pibi.