Romebi 13:7 - EBƆRƐ BE KAWƆL

⁷ Amoso, men baa ka akɔ kama nɛ men ji bumo. Nɛ k la fanɛ menyi be amu so be lampo nna, men ka, nɛ kumo alɛ naa la fanɛ menyi be asɔ be lampo nna, men ka amo alɛ gba be kukɔ. Nɛ k naa la fanɛ bunyaŋ nna, men jɔŋɛ bumo ase m bunyaŋ bumo.

Romebi 13:7 ပူးပေါင်းရင်းမြစ်များ

1 Bewura 3:17

Nɛ bumo be eko kaŋɛ le: “Yiramu, ma nɛ kache ere e wɔ laŋ koŋwule to nɛ ŋ kurge ebinyɛn ndoŋ.

Ɛksodɔs 20:12

Men baa bunyaŋ men nioana nɛ men tutoana, saŋɛ na so men be ŋkpa beeŋ teŋi so ashi kasawule nɛ mee ta a sa menyi na so.

Aŋasa 24:21

M pibi, baa ŋana Enyɛnpe Ebɔrɛ na nsaa ŋana bewura gba, sa maa tu amukpakpaso wuraana a wora asheŋ.

Aŋasa 3:27

Saŋkama nɛ feeŋ tiŋ, fo chɛ bekama nɛ baa fin kechɛto to.

Levitikɔs 19:3

Men be ekama daga e sa mo nio nɛ mo tuto bunyaŋ, nseŋ ta Kewushiachɛ na kachɛ cheembi fanɛ kananɛ n yili n sa menyi na. Ma e la Enyɛnpe menyi be Ebɔrɛ na.

Levitikɔs 19:32

Men baa sa basakpar bunyaŋ nsaa maŋkura bumo. Men baa nu a sa ma bunyanso, ŋkpal manɛ so, ma e la Enyɛnpe Ebɔrɛ na.

Matiu 17:25

Nɛ Pita kaŋɛ bumo: “Mm, e bee ka.” Pita ka ba luri laŋ to Yesu e fara m malga, e yɛ: “Saimɔn, kaŋɛ ma kusɔ nɛ fee fɛ kesheŋ ere to. Fee tama fanɛ durnya ere to be bewura bee sɔ lampo ashi bumo gbagba be mbia kutɔ ŋko basa pɔtɛ nɛ baa sɔ?”

Matiu 22:21

Nɛ basa na kaŋɛ: “Ewurgboŋ Siza peya.” Nɛ Yesu kaŋɛ bumo: “To, kumo ere, men baa ta asɔ nɛ a la Ewurgboŋ Siza peya a sa mo nsaa ta Ebɔrɛ malɛ peya a sa mo.”

Maak 12:17

Nɛ Yesu kaŋɛ bumo: “To, kumo ere men baa ta asɔ nɛ a la Ewurgboŋ Siza peya a sa mo nsaa ta Ebɔrɛ malɛ peya a sa mo.” B ka nu loŋ nɛ k chinchiŋ bumo ga.

Luuk 20:22

Amoso, kaŋɛ anyi, anyi be mbra na to k wɔtɔ fanɛ an baa ka lampo a sa Romebi be ewurgboŋ Siza ŋko k maŋ wɔtɔ loŋ?”

Luuk 20:25

Nɛ Yesu kaŋɛ bumo: “To, kumo ere, men baa ta asɔ nɛ a la Ewurgboŋ Siza peya a sa mo nsaa ta Ebɔrɛ malɛ peya a sa mo.”

Luuk 23:2

n ya kaŋɛ mo fanɛ le be alubi nɛ Yesu wora. B yɛ: “An wu fanɛ kanyɛn ere wɔtɔ nna a wul anyi be efuli ere so ebi to nsaa kaŋɛ anyi fanɛ an sa maa ka lampo a sa Romebi be ewurgboŋ Siza nseŋ naa wɔtɔ a tre mo gbagba be kumu Kristo nɛ e la ewura na.”

Romebi 12:10

Men baa kɔ bekurgepo be kasha a sha abar nsaa juŋkpar a bunyaŋ abar.

Romebi 13:6

To, loŋ koŋwule na malɛ gba so e shin nɛ a daga fanɛ men baa ka elampo na, ŋkpal manɛ so, benimuana na la Ebɔrɛ be anya nna a kɔ bumo be saŋɛ kikɛ a keni abane be asheŋ nɛ amo be ekpa so.

Ɛfesesebi 5:33

Ama a daga fanɛ men be ekama gba e baa sha mbe eche fanɛ kananɛ e bee sha mo gbagba be kumu, nɛ eche kama malɛ e baa bunyaŋ mo kul.

Ɛfesesebi 6:5

Anya, men baa nu a sa men be durnya ere to be benyɛnpe a ŋana bumo a chicha. Men baa ta kagbene koŋwule a wora kumo fanɛ Kristo gbagba nɛ menyee shuŋ.

1 Timoti 5:13

Kumo be kaman b wɔtɔ nna a jija bumo be saŋɛ a na basa pe, kumo alɛ be buushi nɛ b fara a ji asheŋ nsaa luri basa be asheŋ to a wɔtɔ a malga mmalga nɛ a maŋ nya bumo.

1 Timoti 5:17

Asɔri to be benimu nɛ baa juŋkpar bumo be basa nɛnɛ daga b ka bunyaŋ bumo ga, fɔnfɔŋ bumo nɛ baa bɔ kubɔya na nɛ bumo nɛ baa ŋini abɔrɛsibɛ na.

1 Timoti 6:1

A daga fanɛ anya kikɛ e baa sa bumo nyɛnpeana bunyaŋ kikɛ nɛ k daga nɛ basa pɔtɛ e sa maŋ nya ekpa m malga kulubi kikɛ ŋ gbiti Ebɔrɛ be ketre ŋko anyi be keŋini na.

1 Pita 3:7

Bekul, loŋ koŋwule na a daga fanɛ menyi alɛ gba e baa kɔ kushuso ashi menyi nɛ men be beche be kebaawɔtɔana to nsaa bunyaŋ bumo a ta bumo fanɛ men braana mo nɛ b maŋ kɔ eleŋ, bumo alɛ ŋkaa beeŋ tu menyi n nya Ebɔrɛ be ŋkpa be kakɛ na. Men baa wora loŋ nɛ shɛŋ shɛŋ e sa maŋ kagle men be kabɔrɛkuleana ekpa nɛ a fo Ebɔrɛ ŋ gben.

1 Samuɛl 12:18

Ndoŋ nna nɛ Samuɛl kule Enyɛnpe Ebɔrɛ nɛ e shin nɛ bɔrɛ ba nseŋ ponte eleŋso kumo be kamɔnchɛ na kikɛ. Nɛ basa na kikɛ fara a ŋana Enyɛnpe Ebɔrɛ nɛ Samuɛl.