Romebi 13:4 - EBƆRƐ BE KAWƆL

⁴ Ŋkpal manɛ so, e la Ebɔrɛ be kenya nna ŋkpal fo kelela so. Ama nɛ fo baa wora alubi bre, baa lɔ kufu, ŋkpal manɛ so, enimu na maa keta mbe tokobi na jiga nna. E la Ebɔrɛ be kenya nna nɛ e baa keni asheŋ nɛ amo be ekpa so a sa basa a gberge alubiworapoana kusoe.

Romebi 13:4 ပူးပေါင်းရင်းမြစ်များ

1 Bewura 10:9

Kemaŋkura e baa la Enyɛnpe fo Ebɔrɛ na peya. Mbe kagbene fuli fo so ga nna so nɛ e ta fo ŋ ki Israɛlebi be ewura nɛ fo baa ji bumo so eleŋ. Ŋkpal kasha nɛ e kɔ n sa mbe basa Israɛlebi na ka maŋ kɔ ekar so, nɛ e ta fo ŋ ki bumo be ewura nɛ fo baa ji asheŋ nɛ amo be ekpa so nsaa wora asɔ nɛ a niŋi ekpa a sa bumo na.”

2 Kronikɛls 19:6

nseŋ kaŋɛ bumo le: “Men ba de so kananɛ menyee ji basa demu, ŋkpal manɛ so mannɛ dimɛdi be eleŋ so nɛ menyee bɔla a ji demu, ama Enyɛnpe Ebɔrɛ peya. Ebɔrɛ na malɛ wɔ menyi kutɔ saŋɛ nɛ menyee ji demu na.

Aŋasa 16:14

Ewura be agbo du fanɛ luwu be kabɔ nna, enyiashempo e naŋ tiŋ n shin nɛ k wushi.

Aŋasa 20:2

Ewura be kanya agbo du fanɛ buluŋ ka nya agbo nna. Keshin nɛ ewura e nya agbo du fanɛ kapotɔ nna.

Aŋasa 20:26

Ewura nyiashempo kikɛ bee gberge belubiworapo kusoe kenishipereso nna.

Aŋasa 20:8

Ewura baa tase a ji demu mbe anishi yuu alubiworapoana so nna.

Aizaaya 1:17

nseŋ koya kebaawora kusɔ nɛ k daga. Men shin nɛ keji asheŋ nɛ amo be ekpa so e baa wɔ menyi to. Kumo e la fanɛ, men baa chɛ bumo nɛ baa mɛaŋ to nsaa sa bemunibi asɔ nɛ a daga bumo nsaa ji bekulpoche be asheŋ ashi demujikpa nɛnɛ a sa bumo.”

Jɛremaya 5:28

nseŋ naa ji a daŋ apurfu na. Bumo be asheŋ lubi maŋ kɔ ekar. B maa sa amunibi asɔ nɛ e daga bumo ŋko a ji a chɛ betirpo nɛ b kɔ kashenteŋto.

Ezikɛl 22:27

Israɛl be benimuana na gba du fanɛ ekuntuŋ nɛ baa pɛ asɔbɔya a kpɛa to a we nna. Baa mɔ basa nna nsaa bɔla ekpa nɛ k maŋ daga so a dii dama.

Ezikɛl 25:14

Kumo be kaman nɛ n shin nɛ ma basa Israɛlebi na e wora n tal Edɔm be basa to, nɛ b pin kananɛ kanya agbo gboŋ du. Ŋ kaŋ gberge Edɔm be basa kusoe na, nɛ baaŋ pin fanɛ ma, e la Enyɛnpe Ebɔrɛ na.”

Maika 3:9

Men nu nfe, menyi Israɛl be bejuŋkparpo, nɛ men kishi kebaaji asheŋ nɛ amo be ekpa so nsaa ta kulubi a tre kelela.

Romebi 12:19

Beshapo, men sa maa wora a tal basa nɛ baa wora menyi to, men shin nɛ Ebɔrɛ be agbo e baa shuŋ loŋ be kushuŋ a sa menyi fanɛ kananɛ abɔrɛsibɛ na bee kaŋɛ fanɛ Enyɛnpe bee kaŋɛ le na: “Keka esa be kulubi kukɔ la ma asheŋ nna. Ma, Enyɛnpe na e naaŋ ka esa be kulubi kukɔ nɛ kumo be ekpa so.”

Romebi 13:6

To, loŋ koŋwule na malɛ gba so e shin nɛ a daga fanɛ men baa ka elampo na, ŋkpal manɛ so, benimuana na la Ebɔrɛ be anya nna a kɔ bumo be saŋɛ kikɛ a keni abane be asheŋ nɛ amo be ekpa so.

1 Tɛsalɔnikaebi 4:6

Amoso, ekama e sa maŋ kaŋ wora kulubi kikɛ ŋ gbiti mo barkasa ŋko m puni mo. An chɛr m malga le be kamalga kenishipereso n sa menyi fanɛ ekama nɛ e wora le be asheŋ, Enyɛnpe na beeŋ gberge mo kusoe.

Joshuwa 20:5

Nɛ esa nɛ e bee fin kemɔ loŋ be esa n tal to na kaŋ bɛ emɔpo na so n yɔ ndoŋ, benimuana na e sa maŋ kaŋ yige emɔpo na n sa mo. K daga fanɛ b kuŋ emɔpo na nɛnɛ, ŋkpal manɛ so, e maŋ kute nna m mɔ esa na agbo so.

Joshuwa 20:9

Le be nde ere e daa la kesɔnyige be nde nɛ b lara n sa Israɛlebi kikɛ nɛ befɔ nɛ b chena bumo to na. Esa kama nɛ e maŋ kute m mɔ esa beeŋ tiŋ n shile n yɔ nde ere to n ya nya kekuŋ ashi esa nɛ e bee fin kemɔ mo m bishi kuwule nɛ b maŋ naŋ ji mo demu ashi jimaŋ be anishito na kutɔ.

1 Pita 2:14

ŋko mbe beyaasepo mo nɛ ewurgboŋ na bee kaa shuŋi fanɛ b ya kaa gberge alubiworapoana kusoe nsaa sa alelashenworapoana na mbo.