Romebi 13:2 - EBƆRƐ BE KAWƆL

² Amoso, ekama nɛ e maa nu a sa abane be bejuŋkparpo bee ji kusɔ nɛ Ebɔrɛ jɔŋɛ emɔrɔ nna na. Bekama malɛ nɛ baa wora loŋ bee ta kasogberge nna a bar bumo be amu na.

Romebi 13:2 ပူးပေါင်းရင်းမြစ်များ

Ɛksodɔs 16:8

Ade kikɛ be kaman nɛ Mosis naŋ kaŋɛ bumo le: “Enyɛnpe Ebɔrɛ na e la esa mo nɛ e beeŋ baa sa menyi eblaŋ kaaseso nɛ men baa we, nseŋ naa sa menyi ajibi malɛ chipurso kanaŋkamaso nɛ k daga. Ŋkpal manɛ so, Enyɛnpe Ebɔrɛ na nu menyi be nfubel, manɛ e la anyi nɛ menyee malga gbiti anyi? Enyɛnpe Ebɔrɛ nɛ menyee malga a gbiti, mannɛ anyi.”

Aizaaya 58:2

Baa shuŋ ma karechɛ kikɛ nna a ŋini fanɛ b pere kenishi a sha kepin ma ekpa nseŋ wora ma mbraana kasonu fanɛ efuli nɛ k bee wora kusɔ nɛ k daga. B yɛ n sa bumo mbraana nɛ a maa kpɛa basa to nseŋ naa leŋ bumo to a kaŋɛ fanɛ bumo kebaashuŋ ma na bee wora bumo ebel nna.”

Matiu 23:13

Asheŋ maaŋ nyalɛ n sa menyi mbraŋinipoana nɛ Efarisiana ere kikɛ, kebirkɔnshiwuraana ere, ŋkpal men ka bee kuŋ basa ashi Ebɔrɛ be kuwura na to be keluri na to so. Men gbagba maa luri ebɔrɛso be kuwura na to, menyi alɛ nseŋ naa shin nɛ basa nɛ b daa beeŋ baa sha keluri bee paŋ kumo to be keluri.

Maak 12:40

Bumo e naa puni bekulpocheana a suge bumo be nwu nsaa ta kabɔrɛkule tenteŋ kebirkɔnshiso a kule Ebɔrɛ na. Ŋkpal le be asheŋ ere kikɛ so bumo be kasogberge beeŋ baa shi ga a chɔ ekama peya.”

Luuk 20:47

Bumo e naa puni bekulpocheana a suge bumo be nwu nsaa ta kabɔrɛkule tenteŋ kebirkɔnshiso a kule Ebɔrɛ na. Ŋkpal loŋ be asheŋ ere kikɛ so, bumo be kasogberge beeŋ baa shi a chɔ ekama peya.”

Romebi 13:1

A daga fanɛ ekama e baa nu a sa mbe efuli so be abane be bejuŋkparpo, ŋkpal manɛ so, abane kikɛ maŋ wɔtɔ nɛ Ebɔrɛ maŋ ta eleŋ m bɔɔ kumo enɔ. Mo Ebɔrɛ koŋwule na malɛ e jɔŋɛ abane kama.

Romebi 13:3

Ŋkpal manɛ so, basa nɛ baa wora kelela maa ŋana abane be bejuŋkparpo. Bumo nɛ baa wora alubi e naa ŋana bumo. Men maa sha fanɛ men baa ŋana abane be ejuŋkparpo kama ŋko? To, kumo ere, men baa wora asɔ nɛ a daga nɛ enimu na e baa sa menyi mbo.

Romebi 13:5

Amoso, a daga fanɛ men baa bar menyi be amu kaseto a sa bejuŋkparpoana, mannɛ ŋkpal kasogberge nawule so, ama ŋkpal kananɛ menyi be ŋgbene to be nfɛra bee yili menyi so so.

Romebi 9:19

Nɛ kenya la loŋ nna, menyi be eko beeŋ tiŋ m bishi ma le: “To, nɛ Ebɔrɛ e la esa nɛ e bee wora loŋ, manɛ e ba nɛ e naa wu anyi kulubi, ŋkpal manɛ so, wanɛ e naaŋ tiŋ n ji kusɔ nɛ Ebɔrɛ bee sha emɔrɔ?”

Taites 3:1

Baa nyiŋi fo basa nɛ b baa ta bumo be amu a sa basa nɛ baa keni bumo so nɛ bumo be efuli so be bewuraana nsaa shuli a wora ashuŋ lela kikɛ.

Jeems 3:1

Ŋ kurgepoana, men be bedamta e sa maa kɔ a fin fanɛ men ki beŋinipoana, ŋkpal manɛ so, asheŋ nɛ Ebɔrɛ beeŋ yili so n ji anyi beŋinipo demu shi a chɔ basa pɔtɛ peya.

1 Pita 2:13

Men baa kpal Enyɛnpe so a nu a sa kenimuji kikɛ nɛ k wɔ basa to. K beeŋ tiŋ a la men be efuli so be ewurgboŋ nɛ e la ejuŋkparpo ashi kenimuji kikɛ to na