Romebi 13:11 - EBƆRƐ BE KAWƆL

¹¹ Men baa wora loŋ a nyi jemanɛ mo nɛ an wɔ ere to be asheŋ. Jemanɛ mo nɛ k daga fanɛ men tiŋi ashi menyi be edi to na fo, ŋkpal manɛ so, naniere anyi be kumɔlga be kachɛ na taga to a chɔ saŋɛ nɛ an daŋ fara n yirda Yesu Kristo na.

Romebi 13:11 ပူးပေါင်းရင်းမြစ်များ

Kaŋinichiŋgeliŋ 9:10

Kushuŋ kama nɛ fo nya, baa shuŋ kumo nɛ fo eleŋ kikɛ, ŋkpal manɛ so, k maaŋ chɛr feeŋ yɔ bubuni to, kakpa nɛ kushuŋ nɛ kefɛ nfɛra nɛ kekre asheŋ nɛ kanyiasheŋ maŋ wɔ.

Jona 1:6

Ndoŋ nna nɛ kuloŋgboŋ na be befarpo na be enimu yɔ Jona kutɔ n ya kaŋɛ mo le: “Fo ere dese a di nna a? Koso a shu a tre fo Ebɔrɛ. Ashere e beeŋ mɔlga anyi, nɛ an sa maŋ mur.”

Matiu 16:3

Kumo be ŋklade nɛ men naŋ kaŋɛ: ‘Bɔrɛ bee sha keba nna na,’ ŋkpal men ka wu awɔlpa ka pere m biri to so. Menyee tiŋ a keni awɔlpa so a pin kananɛ a du be afito, ama men maaŋ tiŋ ŋ keni asheŋ nɛ a bee wora jemanɛ ere to ere m pin amo be afito.

Luuk 21:28

To, nɛ asheŋ ere kaŋ ba fara a wora, men maŋ menyi be amuana so n saŋɛ menyi be eyurana to, ŋkpal manɛ so, menyi be kumɔlga be jemanɛ taga to.”

1 Kɔrintebi 10:11

Asheŋ ere kikɛ daŋ wora bumo nna nɛ an pin kusɔ nɛ k wɔtɔ. B sibɛ amo n nase malɛ nna nɛ a baa fiɛ anyi so, ŋkpal manɛ so, jemanɛ mo nɛ an wɔtɔ ere bee fo durnya be ekar nna na.

1 Kɔrintebi 15:34

Men naŋ bɛta n nya nfɛra nsaa maŋ naa wora alubi kashenteŋto. Menyi be beko maŋ nyi Ebɔrɛ. Kesheŋ nɛ mee kaŋɛ menyi ere la men be anishinyɔr nna.

Ɛfesesebi 5:14

Amoso nɛ abɔrɛsibɛ na bee kaŋɛ le na fanɛ: “Edipo koso, niŋi to ŋ koso ashi luwu to nɛ Kristo e nyaŋɛ kefulto n yuu fo so.”

Jeems 5:8

To, menyi alɛ gba e baa kɔ kanyiti loŋ a yil to nɛnɛ, ŋkpal manɛ so, an Nyɛnpe be kenaŋ bɛta mba be saŋɛ na bee taga to.

1 Pita 4:7

Asɔ kikɛ be ekar be jemanɛ na bee taga to nna na, amoso, men baa kɔ nfɛra niŋiso nsaa tiŋ men be amu, saŋɛ na so menyeeŋ tiŋ ŋ kule Ebɔrɛ nɛnɛ.

2 Pita 3:11

Nɛ kananɛ asɔ kikɛ ka beeŋ ba mur le ere, nuso be basa a daga fanɛ men baa du? A daga fanɛ men baa kɔ kebaawɔtɔ cheembi a wɔ kabɔrɛŋana be kebaawɔtɔ to

2 Pita 3:9

Amoso, Enyɛnpe na maŋ wushi ashi mbe kɔnɔ nɛ e nase fanɛ e beeŋ wora na to nna fanɛ kananɛ basa ko bee fɛ esa be kewushi na nna. Kanyiti nɛ e bee ji menyi a maa sha fanɛ esa kikɛ e mur, ama e bee sha fanɛ ekama e lar mbe alubi to nna.

1 Jɔn 2:18

Ma mbi shasoana, lalaloge be saŋɛ na bee fo nna na. Men daŋ nu fanɛ Kristo mo doŋ beeŋ ba, naniere malɛ Kristo mo doŋana damta ba, amoso nɛ an pin fanɛ lalaloge be jemanɛ na fo.

Kelaraŋŋini 1:3

Nɛfa la ekama nɛ e bee kraŋ abɔrɛsheŋ be kewuŋkaŋɛ be mmalga ere nɛ bekama nɛ baa nu amo nsaa ta asɔ nɛ n sibɛ n wɔtɔ amo to a wɔtɔ bumo be ŋgbene to na peya nna, ŋkpal manɛ so, amo be saŋɛ na bee taga to.

Kelaraŋŋini 22:10

Kede be kaman nɛ e kaŋɛ ma: “Sa maŋ kaŋ ta le be mmalgawuŋkaŋɛ ere ŋ ŋana wulo to, ŋkpal manɛ so, jemanɛ na bee taga to.

Kelaraŋŋini 22:12

E yɛ: “Keni nfe, m maaŋ naŋ chɛr nseŋ ba. Ma alɛ kɔ ma kakɔka nna a ba nɛ m ba yili kanaŋkama nɛ ekama shuŋ so ŋ ka mo.

Kelaraŋŋini 22:20

Esa nɛ e bee ji asheŋ ere be shɛda e naa kaŋɛ fanɛ: “Kashenteŋto, m maaŋ naŋ chɛr nseŋ ba.” Amɛn, Enyɛnpe Yesu, ba naniere!