Romebi 13:1 - EBƆRƐ BE KAWƆL

¹ A daga fanɛ ekama e baa nu a sa mbe efuli so be abane be bejuŋkparpo, ŋkpal manɛ so, abane kikɛ maŋ wɔtɔ nɛ Ebɔrɛ maŋ ta eleŋ m bɔɔ kumo enɔ. Mo Ebɔrɛ koŋwule na malɛ e jɔŋɛ abane kama.

Romebi 13:1 ပူးပေါင်းရင်းမြစ်များ

Nshɛ 62:11

Kusɔ koŋwule nɛ Ebɔrɛ malga, ama asɔ anyɔ nɛ n nu. Amo e la fanɛ, fo Enyɛnpe Ebɔrɛ na kɔ eleŋ

Aŋasa 24:21

M pibi, baa ŋana Enyɛnpe Ebɔrɛ na nsaa ŋana bewura gba, sa maa tu amukpakpaso wuraana a wora asheŋ.

Danɛl 2:21

Fo e kɔ eleŋ a shin nɛ saŋɛ nɛ jemanɛ kikɛ bee chɛrga. Fo e naa buu nsaa gboŋi bewura. Fo koŋwule na e naa sa basa kanyiasheŋ nɛ asheŋ be kepinto.

Danɛl 4:17

Kusɔ nɛ Ebɔrɛ be emalaika cheembi na kaŋɛ nna na, saŋɛ na so dimɛdi kikɛ beeŋ pin fanɛ Enyɛnpetale Ebɔrɛ na kɔ eleŋ dimɛdi be kuwurji so, nsaa kɔ ekpa nɛ e ta kumo n sa esa kama nɛ e bee sha, hale bebɔlpo gba.

Danɛl 4:32

Baaŋ ju fo n lar edimɛdi to nɛ fo ya ka wɔ kupuŋ to be asɔbɔya to a ji afitiri fanɛ kena nfɛnshunu. Aloŋ nɛ feeŋ pin fanɛ Enyɛnpetale na e naa ji durnya ere kikɛ so kuwura, mo alɛ e naa lara esa kama nɛ e par mo a ki ewura.”

Matiu 6:13

Sa maŋ shin nɛ an luri kechɔŋkeni to, ama pete anyi ashi alubipo na kutɔ. [Ŋkpal manɛ so, Kuwurgboŋ nɛ eleŋ nɛ kemaŋkura la feya nna hale mbaanaayɔ. Amɛn.]’

Baru lela nɛ Jɔn kute na 19:11

Nɛ Yesu kaŋɛ mo le: “Nɛ Ebɔrɛ daa maŋ sa fo eleŋ ma so nna, fo daa maaŋ baa kɔ eleŋ ma so. Esa nɛ e ta ma m bɔɔ fo enɔ ere malɛ be kulubi e shi a chɔ feya.”

Ashuŋ Shunso 2:41

Basa na be bedamta daŋ yirda Pita be kamalga na nɛ b bɛr bumo kabɔrɛbɛr. Kumo be kachɛ na basa fanɛ ŋgboŋ asa e ba ti beyirdapoana na so.

Romebi 12:21

Men sa maŋ shin nɛ kulubi e baa pɔɔ menyi so, ama men baa shin nɛ menyi be kelela e baa pɔɔ kulubi so.

Romebi 13:2

Amoso, ekama nɛ e maa nu a sa abane be bejuŋkparpo bee ji kusɔ nɛ Ebɔrɛ jɔŋɛ emɔrɔ nna na. Bekama malɛ nɛ baa wora loŋ bee ta kasogberge nna a bar bumo be amu na.

Ɛfesesebi 5:21

Men baa bar men be amu kaseto a sa abar ŋkpal men be bunyaŋ nɛ men kɔ a sa Kristo na so.

Ditɛronɔmi 17:12

Esa kama nɛ e kaŋ pɛl ŋ kini kewora demujipo na ŋko bɔrɛmatapo nɛ e wɔ kushuŋ to loŋ be jemanɛ na kasonu, daga fanɛ men mɔ mo. Kananɛ menyeeŋ wora n lara kulubi Israɛl be efuli so nna na.

1 Timoti 2:2

B baa wora asheŋ ere a sa basa kikɛ, fɔnfɔŋ bewura nɛ basa nɛ b wɔ kenimu be yiri kikɛ to na. Loŋ e naaŋ shin nɛ an baa wɔ abɔrɛsheŋ be kebaawɔtɔ to boeŋ nɛ bunyaŋ nsaa kɔ kagbenewushi.

Taites 3:1

Baa nyiŋi fo basa nɛ b baa ta bumo be amu a sa basa nɛ baa keni bumo so nɛ bumo be efuli so be bewuraana nsaa shuli a wora ashuŋ lela kikɛ.

Juud 1:8

Loŋ koŋwule na malɛ nɛ bumo nɛ b luri menyi to na du. B wɔtɔ nna a ku edare nsaa wora alubi a gbiti bumo gbagba be eyurana, baa kini Ebɔrɛ be eleŋ nsaa tege emalaika mo nɛ b kɔ kemaŋkura ashi ebɔrɛso na.

Kelaraŋŋini 1:5

Loŋ be kuwɔr be kakɛ koŋwule na nɛ kagbenewushi na e shi Yesu Kristo nɛ e la shɛdajipo nɛ esa beeŋ tiŋ n yirda na, mo alɛ nseŋ juŋkpar bubuni kikɛ n tiŋi luwu to nseŋ naa la kasawule ere so be bewura be esa nɛ e bee ji bumo so kuwura na kutɔ m ba. E bee sha anyi nna ga nseŋ bɔla mbe ŋklaŋ so na n sɔ anyi ashi alubi to n yige,

Kelaraŋŋini 17:14

Baaŋ kɔ Kpakpafɔlbi na kena, ama Kpakpafɔlbi na beeŋ pɔɔ bumo so, mo e la benyɛnpe to be Enyɛnpe nɛ bewura to be Ewura na. Saŋɛ na so, mo nɛ mbe basa treso nɛ bumo koŋwule na la basa laraso nseŋ naa la mbe bebɛsopo mo nɛ b maa lar mo kaman na beeŋ baa wɔtɔ.”

Kelaraŋŋini 19:16

Ketre mo nɛ k daa deŋ mbe piŋi nɛ mbe kebembi so e la: “BEWURA TO BE EWURA NƐ BENYƐNPE TO BE ENYƐNPE.”

1 Samuɛl 2:8

Fo e naa pulgi betirpo ashi shishɛr to nsaa lara betentaŋasepo ashi bumo be awurfoŋ to; Nsaa ta bumo a yili bewurbi be eyilikpa, ashi ewura be laŋ to be bunyaŋ be kakpa na. Fo Enyɛnpe e wora durnya ere be gbaltɔlase, nseŋ pɔr durnya n yili kumo so.