Romebi 12:2 - EBƆRƐ BE KAWƆL

² Men sa maa ta menyi be ŋgbene a wɔtɔ durnya ere to ebi be asheŋ to, men shin nɛ Ebɔrɛ e chɛrga menyi be ŋgbene n sa menyi nɛ men nya nfɛra popɔr. Saŋɛ na so nɛ menyeeŋ tiŋ m pin kusɔ nɛ Ebɔrɛ bee sha, kumo e la fanɛ alelasheŋ, mbe aparsheŋ nɛ asɔ nɛ a daga.

Romebi 12:2 ပူးပေါင်းရင်းမြစ်များ

Ɛzra 10:11

Amoso, men tuba n lar men be alubi to ashi men nananyɛnana be Ebɔrɛ na be anishito nseŋ fara a wora mbe aparsheŋ. Men lar basa pɔtɛ nɛ b wea men to ere be asheŋ to nseŋ yige befɔche nɛ men ta a kil na.”

Nshɛ 119:103

Fo mbraana bee wora ma ebel a chɔ mushoŋchu gba.

Nshɛ 119:128

Mee bɛ fo mbraana kikɛ so nna, ŋ kishi ekpa lubi be yiri kikɛ be kebɔla so n wora asheŋ.

Nshɛ 119:174

Enyɛnpe Ebɔrɛ, fo nɛ mee jo nɛ fo mɔlga ma, ŋkpal manɛ so, fo mbra e naa fuli ma kagbene.

Nshɛ 119:72

Mbra nɛ fo ta n sa ma na kɔ kechɛto n sa ma a chɔ durnya to be amansherbi kikɛ.

Nshɛ 119:97

Mee sha fo mbraana na ga! Mee fɛ amo be asheŋ kachɛ lelemu kikɛ nna.

Nshɛ 34:8

Nɛ fo firgi n taga Enyɛnpe na to, feeŋ wu fanɛ e walɛ. Nɛfa la bekama nɛ baa nya kekuŋ ashi Enyɛnpe na to peya nna.

Nshɛ 51:10

Shin nɛ n nya nfɛra niŋiso nseŋ shin nɛ n naa ji kashenteŋ.

Ɛksodɔs 23:2

Men sa maa bɛ jimaŋ so a wora alubi ŋko a ji efɛ be shɛda ashi demujikpa.

Ezikɛl 18:31

Men lar men be asheŋ lubi na to nseŋ fara a fɛ asheŋ lela be kewora be asheŋ menyi be ŋgbene to. Menyi alɛ e baa ji kashenteŋ a sa ma. Men sa maŋ shin nɛ menyi be alubi e mɔ menyi.

Ezikɛl 36:26

Ade be kaman, nɛ n lara menyi be ŋgbene kpakpaso fanɛ kejembu na nseŋ sa menyi ŋgbene popɔr nɛ a beeŋ shin nɛ men baa wora ma kasonu.

Matiu 13:22

Asɔ duuso nɛ a tɔr ewi to na malɛ du fanɛ esa nɛ e bee nu kamalga na nna nɛ durnya ere to be kafɔŋ nɛ kumo be kemansherbisha ba luri n sɔ kamalga na be kaboŋ, nɛ e bɛ so ŋ gben.

Maak 4:19

ama durnya ere to be kafɔŋ nɛ kumo be kemansherbisha nɛ ayɛlgasɔ kikɛ bee luri bumo to nna n sɔ kamalga na be kaboŋ nɛ b bɛ so ŋ gben.

Baru lela nɛ Jɔn kute na 14:30

M maaŋ naŋ malga menyi kutɔ n chɛr, ŋkpal manɛ so, durnya ere to be ejuŋkparpo na bee ba.

Baru lela nɛ Jɔn kute na 15:19

Nɛ men daa la durnya ere peya nna, k daa beeŋ baa sha menyi fanɛ kumo be basa gbagba. Ama n lara menyi ashi durnya ere to nna nɛ men maŋ naa la kumo be basa, amoso nɛ k kishi menyi na.

Baru lela nɛ Jɔn kute na 17:14

N ta fo kamalga nna n sa bumo nɛ durnya ere e kishi bumo ŋkpal b ka maŋ wɔ durnya ere be basa to na so fanɛ kananɛ m maŋ wɔ durnya ere be basa to na.

Baru lela nɛ Jɔn kute na 7:7

Durnya maaŋ tiŋ ŋ kishi menyi ere, ama ma ere, k kishi ma nna ŋkpal ŋ ka bee kaŋɛ fanɛ kumo be asheŋ woraso maŋ walɛ so.

Romebi 12:1

To, ŋ kurgepoana, ŋkpal Ebɔrɛ be kuwɔr be kakɛ damta nɛ e wu anyi na so, mee kule menyi nna nɛ men ta menyi be amu n sa Ebɔrɛ fanɛ sarga nɛ k wɔ ŋkpa to a du cheembi a par Ebɔrɛ. Menyi be kabɔrɛshuŋ nɛ men kɔ a di Ebɔrɛ epaŋ nna na.

Romebi 13:14

Ama men ta Enyɛnpe Yesu Kristo be akɔsɔ na a kuŋ menyi be amu fanɛ asɔbuuso na nseŋ yige kebaade menyi be kapɔr lubiana ere be aparsheŋ so nɛ a sa maŋ kaŋ shin nɛ menyi be ayɛlgasɔ e ka menyi to.

Romebi 7:12

Ade e naa ŋini fanɛ mbra na bre gbagba maŋ kɔ kulubi kumo to. Loŋ koŋwule na gba nɛ ntaŋ na gba la kusɔ lela a kɔ ekpa nsaa maŋ kɔ kulubi kumo to.

Romebi 7:14

An nyi mbra na ka la abɔrɛsheŋ, ama ma ere la nyiŋgbasa nna nɛ alubi kɔ ma fanɛ kenya.

Romebi 7:22

Ma kagbene bre gbagba bee sha Ebɔrɛ be mbra na.

1 Kɔrintebi 3:19

Ŋkpal manɛ so, durnya ere to be kanyiasheŋ la kawulisheŋ nna ashi Ebɔrɛ be anishito. Loŋ nɛ abɔrɛsibɛ na malɛ bee kaŋɛ na fanɛ: “Ebɔrɛ bee kaa ta benyiashempo gbagba be kanyiasheŋ be aworbiana nna a pɛ bumo.”

2 Kɔrintebi 4:4

Bumo alɛ maŋ yirda nna, ŋkpal manɛ so, durnya ere to be ebɔrɛ na e tan bumo be anishiana, saŋɛ na so b maaŋ baa wu Kristo nɛ e la Ebɔrɛ be kaduli gbagba na be kemaŋkura be baru lela na be kefulto na.

2 Kɔrintebi 5:17

Amoso, nɛ esa kama baa wɔ Kristo na to, kepɔrso popɔr e la mo, asheŋ dra na kikɛ choŋ nɛ asheŋ popɔr ba.

Galeeshaebi 1:4

Mo Yesu Kristo na e kpal kumɔlga anyi ashi alubi be jemanɛ be kebaawɔtɔ ere to so n nu n sa anyi be Ebɔrɛ nɛ Etuto na n ta mbe kumu n lara anyi alubi be kewora be eleŋ to.

Ɛfesesebi 1:18

Ma alɛ nseŋ kraŋ naa kule Ebɔrɛ fanɛ e shin nɛ men bugi men be ŋgbene to n tiŋ m pin tama mo nɛ men nya ŋkpal e ka tre menyi na so to, nseŋ naa pin mamachi be enɛfagboŋ nɛ e nase kɔnɔ fanɛ e beeŋ sa mbe basa na to.

Ɛfesesebi 2:2

Loŋ be kebaawɔtɔ to nɛ men daa wɔ saŋɛ nɛ men daa bɛ durnya ere be asheŋ woraso so nseŋ daa bɛ esoso be eleŋana be ewura so, mo e la kiyoyu nɛ e wɔ basa nɛ b maa nu a sa Ebɔrɛ na to a shuŋ naniere na.

Ɛfesesebi 5:17

Amoso, men sa maa la bewulpo. Men baa wora ania a pin kusɔ nɛ Enyɛnpe bee sha fanɛ an baa wora.

Kɔlɔsiebi 1:9

Kumo so nɛ saŋkama nɛ anyee kule Ebɔrɛ a sa menyi, yili jemanɛ nɛ an nu men be asheŋ na. Anyee kule mo nna fanɛ e shin nɛ men baa pin asɔ nɛ e bee sha nɛnɛ, kumo e la fanɛ nɛ men nya kashennyi m pin kusɔ nɛ e bee sha ashi Kiyoyu Cheeŋ na to.

Kɔlɔsiebi 3:10

n nya kebaawɔtɔ popɔr lela nɛ Ebɔrɛ to nsaa wɔtɔ a lɔŋɛ kumo nɛ k ba kaa du fanɛ mo gbagba peya na nɛ men baa pin mo nɛnɛ.

Kɔlɔsiebi 4:12

Epafras nɛ e la Yesu Kristo be eshumpo nsaa la menyi yiri koŋwule na bee chɔrɔ menyi. Saŋkama e bee bugi mbe kagbene to nna a kule Ebɔrɛ a sa menyi nɛ men baa kɔ men be yirda na to kpakpa nɛ men be abɔrɛsheŋ be kenyi e baa wora keshi a ti so nsaa nyi kusɔ kama nɛ Ebɔrɛ bee sha a maa kɔ yalayala.

1 Tɛsalɔnikaebi 4:3

Ebɔrɛ be kusɔ nɛ e bee sha nde: E bee sha men ka bee gelge abojuasheŋ nna nɛnɛ a du cheembi.

Taites 3:5

E mɔlga anyi nna ŋkpal mo gbagba ka bee wu kuwɔr na so. E bɔla kabɔrɛbɛr nɛ Kiyoyu Cheeŋ bee bɔla kumo so a sa anyi kakurge popɔr nɛ kebaawɔtɔ popɔr na so nna m mɔlga anyi.

Jeems 1:27

Kashenteŋ nɛ kagbene koŋwuleso be kebɛso nɛ Ebɔrɛ Etuto na bee sha fanɛ basa e baa kɔ e la kebaachɛ amunibi nɛ bekulpocheana nɛ b wɔ awurfoŋ to to nsaa de mo gbagba be kumu so nɛ durnya to ebi be alubi e sa maŋ jija mo.

Jeems 4:4

Basa nɛ esa maaŋ tiŋ n yirda ere! Men maŋ nyi fanɛ nɛ esa baa la Ebɔrɛ mo teri, amodoŋwura malɛ nɛ durnya ere to be asɔ maa ji a kra abar ŋko? To, esa kama nɛ e bee ta mbe kasha a wɔtɔ durnya ere be asɔ to, bee ta mbe kumu nna a ki Ebɔrɛ mo doŋ na.

1 Pita 1:14

Kananɛ naniere men la kasonu be mbia ere bre, men sa maŋ naŋ shin nɛ men be ayɛlgasɔ nɛ men daa kɔ saŋɛ nɛ men daa maŋ nyi Ebɔrɛ be ekpa na e naa wɔ menyi.

1 Pita 1:18

Ŋkpal manɛ so, men nyi fanɛ mannɛ asɔ nɛ a beeŋ tiŋ n jija fanɛ egbiti nɛ eshuwa nɛ b daŋ ta n sɔ menyi ashi men be kebaawɔtɔ fuloŋ mo nɛ men nya ashi men nanaana kutɔ na n yige.

1 Pita 2:3

Ŋkpal manɛ so, naniere men da Enyɛnpe be kebaawɔtɔ ŋ keni m pin fanɛ e walɛ.

1 Pita 4:2

Nɛ loŋ malɛ baŋ wora, loŋ be esa na maŋ naa kɔ mbe durnya ere to be kebaawɔtɔ a wɔ edimɛdi be ayɛlgasɔ lubiana to, ama Ebɔrɛ be aparsheŋ to nɛ e kɔ mbe kebaawɔtɔ a wɔ.

2 Pita 1:4

Ade malɛ kikɛ so nɛ e bɔla n sa anyi mbe nnɔ naseso gboŋana nɛ a maŋ kɔ abraana kikɛ na, saŋɛ na so menyeeŋ bɔla amo so ŋ gelge kafulesheŋ nɛ k wɔ durnya ere to ŋkpal kumo be ayɛlgasɔ so nseŋ ba tu Ebɔrɛ a kɔ mbe kapɔr na.

2 Pita 2:20

Bekama nɛ b daŋ pin an Nyɛnpe nɛ an be Emɔlgapo Yesu Kristo na pɔɛŋ ŋkeŋ nya n lar durnya ere to be kebaawɔtɔ bɛso ere be aworbi to, kumo be kaman nɛ loŋ be asheŋ na naŋ pɛ bumo m pɔɔ bumo so, loŋ be basa be kebaawɔtɔ naa lubi nna ga a chɔ bumo be faraŋko be kebaawɔtɔ na.

1 Jɔn 3:13

Amoso, n niopibiana, nɛ durnya ere to ebi kishi menyi, men sa maŋ shin nɛ k baa chinchiŋ menyi.

1 Jɔn 5:19

Anyi alɛ naa nyi fanɛ an ka la Ebɔrɛ peya, ama durnya ere bre kikɛ wɔ alubipo na be enɔ to nna.

Kelaraŋŋini 12:9

B daŋ ta kusɔ gbeyeso gboŋgboŋi na nna n lɛ kasawule so. Mo e la kusɔkpaŋ dra nɛ baa tre alubipo ŋko Setani mo nɛ e bee fule durnya kikɛ na. B daŋ ta mo nɛ mbe kaman to ebi kikɛ nna n lɛ kasawule.

Kelaraŋŋini 13:8

Basa nɛ b wɔ kasawule ere so kikɛ beeŋ ba maŋ kusɔbɔya na so. Loŋ be basa na e la bekama nɛ b maŋ sibɛ bumo be atre n wɔtɔ Kpakpafɔlbi nɛ b daŋ mɔ durnya be sososo na kikɛ be kawɔl na to na.