Romebi 12:1 - EBƆRƐ BE KAWƆL

¹ To, ŋ kurgepoana, ŋkpal Ebɔrɛ be kuwɔr be kakɛ damta nɛ e wu anyi na so, mee kule menyi nna nɛ men ta menyi be amu n sa Ebɔrɛ fanɛ sarga nɛ k wɔ ŋkpa to a du cheembi a par Ebɔrɛ. Menyi be kabɔrɛshuŋ nɛ men kɔ a di Ebɔrɛ epaŋ nna na.

Romebi 12:1 ပူးပေါင်းရင်းမြစ်များ

Nshɛ 116:12

Manɛ bre nɛ meeŋ ta ŋ ka Enyɛnpe Ebɔrɛ na kukɔ, ŋkpal alelasheŋ nɛ e bee wora a sa ma so?

Nshɛ 19:14

Enyɛnpe Ebɔrɛ nɛ fo la ma kefaltagboŋ nɛ ma emɔlgapo. Shin nɛ ma kɔnɔ to be mmalga nɛ ma kagbene to be nfɛra, e baa bɔlɔ fo kenishi.

Aizaaya 56:7

“Meeŋ bar menyi ma kebee cheembi nɛ baa tre Zayɔn nɛ k wɔ Jerusalɛm na so m ba sa menyi kagbenewushi ashi ma bɔrɛlambu to. Ma alɛ beeŋ sɔ menyi be esarga nɛ menyeeŋ lara ashi ma bɔrɛsure so. Ma bɔrɛlambu beeŋ baa la kabɔrɛkule be kakpa n sa efuli kama so be basa.”

Jɛremaya 6:20

Ma shɛŋ maŋ wɔ eduwu nɛ baa ta a shi Shɛba be efuli so, ŋko asɔ nɛ e bee shin nɛ ajibi bee wora ebel nɛ baa ta a shi efuli wɔfɔ a bar ma na to. Bumo be esarga nɛ baa lara a sa ma na maa par ma, amoso m maaŋ sɔ amo.

Hoziya 14:2

Men bɛta m ba Enyɛnpe Ebɔrɛ na kutɔ nseŋ shin nɛ le be kabɔrɛkule ere e baa la sarga n sa mo. “Ta anyi be alubi m paŋ anyi nseŋ nu anyi be kabɔrɛkule saŋɛ na so anyeeŋ di fo epaŋ fanɛ kananɛ an nase kɔnɔ na gbagba.

Luuk 7:47

Amoso, mee kaŋɛ fo nna fanɛ kashagboŋ nɛ e ŋini ma ere e naa ŋini b ka ta mbe alubi damta na m paŋ mo. Ama ekama nɛ b yige gbrɛ m paŋ be kasha gba maŋ shi.”

Romebi 12:2

Men sa maa ta menyi be ŋgbene a wɔtɔ durnya ere to ebi be asheŋ to, men shin nɛ Ebɔrɛ e chɛrga menyi be ŋgbene n sa menyi nɛ men nya nfɛra popɔr. Saŋɛ na so nɛ menyeeŋ tiŋ m pin kusɔ nɛ Ebɔrɛ bee sha, kumo e la fanɛ alelasheŋ, mbe aparsheŋ nɛ asɔ nɛ a daga.

Romebi 15:16

Mee shuŋ nna fanɛ bɔrɛmatapo a wɔtɔ a bɔ baru lela nɛ a shi Ebɔrɛ kutɔ na nna a sa nnyamase, saŋɛ na so, baaŋ baa du fanɛ kakɛ nɛ k bee par mo ere Ebɔrɛ nɛ Kiyoyu Cheeŋ na lara m bɔɔ mo enɔ na.

Romebi 15:30

Amoso, ŋ kurgepoana, mee kpal Enyɛnpe Yesu Kristo so nɛ kasha nɛ Kiyoyu na bee sa na so a kule menyi fanɛ men tu ma a kule Ebɔrɛ kpakpa a sa ma.

Romebi 2:4

Ŋko fo kpal Ebɔrɛ be kelela ka shi mo to ga na so nna nɛ e ka maa nya manaŋ a gberge basa kusoe na nɛ mbe kanyiti na so so nna a fɛl mo a? Fo maŋ nyi fanɛ Ebɔrɛ be kelela wɔtɔ nna nɛ fo nya n lar fo alubi to a?

Romebi 6:13

Menyi alɛ e sa maŋ naa shin nɛ menyi be eyurana be mba kama malɛ gba e naa wora kulubi nɛ men baa kɔ loŋ be kaba na a wora edalubisheŋ. Kusɔ nɛ k daga fanɛ men wora e la fanɛ men ta menyi be amu m bɔɔ Ebɔrɛ enɔ fanɛ basa nɛ b shi luwu to m ba luri ŋkpa to. Men ta menyi be eyurana kikɛ m bɔɔ mo enɔ nɛ e ta n shuŋ ashuŋ lela.

Romebi 6:16

Men maŋ nyi fanɛ men baŋ ta menyi be amu m bɔɔ esa enɔ fanɛ amodoŋwura be anya, men ki mbe anya kashenteŋto a? Menyeeŋ tiŋ a la alubi nɛ a beeŋ shin nɛ men wu na be anya, menyi alɛ beeŋ naŋ tiŋ a la kasonu nɛ kumo be lalaloge beeŋ shin nɛ men ki belelapo Ebɔrɛ be anishito na be anya.

Romebi 6:19

Enyiŋgbasa be nfɛra be kaplɛa so nɛ mee ber kesheŋ ere a sa menyi nna, ŋkpal manɛ so, loŋ e naaŋ shin nɛ men pin amo to. Saŋko men daŋ ta menyi be amu kikɛ nna nyam ŋ ki kusɔjigaya nɛ dalubisheŋ be anya a wɔtɔ a wora asheŋ nɛ a maŋ daga. Naniere loŋ koŋwule na e daga fanɛ men naŋ ta menyi be amu kikɛ nyam ŋ ki alelasheŋ be anya a wɔtɔ a wora asheŋ nɛ a daga a du cheembi.

Romebi 9:23

Mo alɛ daa sha nna nɛ basa e wu mbe kemaŋkuragboŋ nɛ e shin nɛ k ba anyi nɛ mbe kuwɔr na chɛr a ba anyi so so nna. Anyi nɛ e bela ase n yili nɛ an nya mbe kemaŋkura na.

1 Kɔrintebi 1:10

Ŋ kurgepoana, mee ta an Nyɛnpe Yesu Kristo be ketre nna a kule menyi fanɛ men kikɛ e baa kɔ kɔnɔkoŋwule a wɔ abar so, saŋɛ na so kebarga to kikɛ maaŋ baa wɔ menyi to. Men baa kɔ nfɛra koŋwule nsaa wora asheŋ ekpa koŋwuleso.

2 Kɔrintebi 10:1

Ma, Pɔɔl gbagba nɛ b yɛ: “E baa wɔ men kutɔ e la bawala nna, ama nɛ e baa wɔ kufɔ e bee ŋini mbe kenyɛn nna”, mee kule menyi nna ŋkpal Kristo be kebaala esa nɛ bawala so fanɛ:

2 Kɔrintebi 4:1

To, ŋkpal Ebɔrɛ ka wu anyi kuwɔr n sa anyi le be kushuŋ ere so, anyi maa pɔ aba.

2 Kɔrintebi 4:16

Amoso, an maa pɔ aba. Anyi be eyur so bre bee nya kapɔshi nna a ti so, anyi be ayoyu bre to bee wora eleŋ nna kapa nɛ kanyɛ a ti so.

2 Kɔrintebi 5:20

Amoso, anyi e la Ebɔrɛ be katelamushuŋipoana a du fanɛ basa nɛ Ebɔrɛ bee bɔla bumo so a kule menyi nsaa fiɛ menyi so. Amoso, anyee ta Kristo be ketre nna a kule menyi ga fanɛ: Men shin nɛ menyi nɛ Ebɔrɛ e naaŋ nyalɛ.

2 Kɔrintebi 6:1

Naniere anyi nɛ Ebɔrɛ ka bee shuŋ ere, anyee kule nsaa fiɛ menyi so nna fanɛ men sa maa sɔ Ebɔrɛ be kuwɔr be kakɛ na kenyanyaŋɛso.

Ɛfesesebi 4:1

Ma Pɔɔl nɛ n wɔ kabuti to ŋkpal Enyɛnpe so na e naa leŋ menyi to a kaŋɛ menyi fanɛ men baa kɔ kebaawɔtɔ nɛ k maa ji ketre nɛ Ebɔrɛ tre menyi na emɔrɔ.

Ɛfesesebi 5:10

Men baa wora ania a pin asɔ nɛ a bee par Ebɔrɛ.

Ditɛronɔmi 14:2

Menyi ere la basa nɛ Enyɛnpe menyi be Ebɔrɛ na lara nna nɛ men baa la mo gbagba be basa ashi edimɛdi nɛ b wɔ durnya kikɛ to.

Filipaiebi 1:20

Kusɔ nɛ m baa sha ga nsaa tama e la fanɛ m maaŋ pɔ aba ashi ma kushuŋ to, ama saŋkama, fɔnfɔŋ naniere meeŋ baa kɔ kenyɛn nɛnɛ, saŋɛ na so nɛ n wu nna ŋko n wɔ ŋkpa to nna meeŋ ta ma eyur ere kikɛ m bar Yesu Kristo bunyaŋ.

Filipaiebi 2:17

Nɛ fanɛ b lara ma ŋklaŋ ere ma to n chulgi amo n wurge n ti men be yirda nɛ men kɔ a deŋi Ebɔrɛ so fanɛ sarga na so gba, k par ma. Ma alɛ beeŋ tu menyi a kɔ kagbenefuli.

Filipaiebi 4:18

Men teŋ sa ma kusɔ kama nɛ k daga hale a chɔ kananɛ mee sha gba. Ŋ ka wu men be kakɛ nɛ Epafrodaites bar na, a bɔlɔ ma kenishi tain. K du fanɛ sarga lela nna, nɛ k bee par Ebɔrɛ nɛ kumo be efɛa wɔ ebel ga.

1 Tɛsalɔnikaebi 4:1

Bekurgepoana, an shin nɛ men pin kebaawɔtɔ nɛ k bee par Ebɔrɛ. Loŋ malɛ be kebaawɔtɔ to nɛ men chɛr a wɔ to na, ama anyee kule menyi Enyɛnpe Yesu be ketre to fanɛ men pere kenishi n nya kebaawɔtɔ nɛ k bee par Ebɔrɛ saŋkama a ti so.

1 Tɛsalɔnikaebi 4:10

Kashenteŋ nɛ menyee ŋini beyirdapo nɛ b wɔ Masɛdonia kikɛ na men be kasha. Amoso, an kurgepoana, men pere kenishi n nya kasha nɛ k beeŋ baa chɔ kumo nɛ men kɔ ere.

1 Tɛsalɔnikaebi 5:12

Bekurgepoana, anyee kule menyi fanɛ men baa bunyaŋ bumo nɛ b wɔ menyi to a shuŋ na, bumo nɛ Ebɔrɛ lara nɛ b baa la menyi be benimuana a ŋini menyi na.

1 Timoti 2:3

Le be asɔ la asɔ lela nna

1 Timoti 5:4

Ama ekulpoche kama nɛ e kɔ mbia ŋko benanabi, a daga fanɛ mbe mbia na nɛ mo nanabiana na ka pin fanɛ bumo e daga b ka nu n sa Ebɔrɛ ŋ keni bumo gbagba be kanaŋ to be esa so. Loŋ na kelela nɛ baa wora a tal bumo nioana nɛ bumo tutoana nɛ bumo nanaana na to na, kumo alɛ be loŋ e naa par Ebɔrɛ.

Failimɔn 1:10

a kule fo a sa m pibi Onisimɔs nɛ ŋ ki mo tuto abɔrɛsheŋ na be kaplɛa so ashi kabuti ere to nfe na.

Failimɔn 1:9

ama kasha so nɛ ma Pɔɔl bel le nseŋ naa wɔ kabuti to ŋkpal Kristo Yesu so

Hibruwebi 13:22

Ŋ kurgepoana, mee kule menyi nna fanɛ men ji kanyiti n nu ma keleŋto be kamalga ere, ŋkpal manɛ so, kawɔl ere ŋ ka sibɛ menyi ere baa maŋ shi ko.

1 Pita 2:20

Ama nɛ fanɛ b kpal men be alubi so nna m bri menyi nɛ men nyiti loŋ be kebri na, manɛ be mbo e wɔ kumo to? Ama nɛ fanɛ b kpal kelela ko so nna n tɔrɔ menyi nɛ men nyiti loŋ be tɔrɔ na, kumo ere, k kɔ mbo ashi Ebɔrɛ be anishito.

1 Pita 2:5

Men shin nɛ b ta menyi alɛ gba fanɛ ajembu nɛ a kɔ ŋkpa nɛ b ta m pɔr na nɛ men ki Ebɔrɛ be ebu a la bɔrɛmatapo cheembiana a bɔla Yesu Kristo so a lara kiyoyu to be esarga nɛ a bee par Ebɔrɛ.