Romebi 11:18 - EBƆRƐ BE KAWƆL

¹⁸ men sa maa puchi ŋkpal men ka la ayabi na so, ŋkpal manɛ so, men baa nyiŋi fanɛ mannɛ menyi e kɔ nliŋi na to, amo e kɔ menyi to.

Romebi 11:18 ပူးပေါင်းရင်းမြစ်များ

1 Bewura 20:11

Ndoŋ nna nɛ ewura Ahab kaŋɛ le: “Men ya kaŋɛ ewura Bɛnhadad fanɛ enapo kashenteŋ bre bee ji njɔŋ saŋɛ so nɛ b kɔ kena n loge nna, mannɛ saŋɛ nɛ b kraa yɔ kena to.”

Aŋasa 16:18

Kamoowu e naa yɛr esa kemur to nɛ ŋkpensheŋ malɛ bee bar esa kaseto.

Matiu 26:33

Ndoŋ nna nɛ Pita kaŋɛ mo le: “Nɛ ekama shile ŋ ŋana ŋkpal fo so gba, ma ere maaŋ shile fo kikɛ.”

Baru lela nɛ Jɔn kute na 10:16

Ŋ kraa kɔ mbolpɔ ko nɛ a maŋ wɔ mbolpɔ ere to. A daga fanɛ m bar loŋ be mbolpɔ na gba nɛ amo alɛ gba e ba kaa nu ma ebɔl nɛ amo kikɛ e baa la kukoŋwule nsaa kɔ ekpapo koŋwule.

Baru lela nɛ Jɔn kute na 4:22

Esa nɛ men maŋ nyi nɛ menyi Samɛriaebi bee bunyaŋ, ama anyi ere nyi esa nɛ anyee bunyaŋ, ŋkpal manɛ so, Juwebi so nɛ Ebɔrɛ beeŋ bɔla m mɔlga basa.

Ashuŋ Shunso 25:7

Pɔɔl ka ba nɛ Juwebi nɛ b shi Jerusalɛm m ba na yili ŋ kulti mo nseŋ malga kenishipereso be asheŋ lubi damta mo nɛ b kaŋɛ fanɛ e wora, ama bumo alɛ daa maŋ tiŋ ŋ ŋini fanɛ asheŋ nɛ b daa malga na la kashenteŋ.

Romebi 11:20

To, kashenteŋ nna fanɛ b daŋ fɛta bumo nɛ b daa la kedibi na be ayabi gbagba na nna n lɛ ŋkpal b ka maŋ kɔ yirda so, ama yirda so nɛ menyi ere yil kpakpa na. Amoso, men sa maa wu menyi be amu, men baa kɔ kabɔrɛŋana a wɔtɔ.

Romebi 3:27

To, nɛ manɛ so nɛ esa bee wu mbe kumu? E beeŋ tiŋ ŋkpal e ka bee bɛ mbra na so so a wu mbe kumu a? Ayai, ŋkpal manɛ so, mannɛ e ka bee bɛ mbra na so e shin nɛ e ji n lar Ebɔrɛ be anishito, ama ŋkpal e ka yirda so.

Romebi 4:16

Amoso, yirda e la kɔnɔ naseso be kumu, saŋɛ na so, loŋ be kɔnɔ naseso na beeŋ baa la Ebɔrɛ be kakɛ be tɔɔnɛ a sa Eebraham be kaman to ebi kikɛ, mannɛ bumo nɛ baa bɛ mbra na so nawule na, ama bumo nɛ b yirda Ebɔrɛ fanɛ kananɛ Eebraham daŋ yirda na gba ti so. Ŋkpal manɛ so, Eebraham e la anyi kikɛ be etuto ashi abɔrɛsheŋ be kaplɛa so.

1 Kɔrintebi 10:12

Amoso, ekama nɛ e bee fɛ fanɛ e yil kpakpa na e baa da so nsaa maŋ kaŋ tɔr.

Galeeshaebi 3:29

Nɛ men baa la Kristo peya bre, kumo ere Eebraham be kaman to ebi e la menyi nɛ menyi alɛ nya kakɛ nɛ Ebɔrɛ nase kɔnɔ a sa mbe mbia na.