Romebi 11:1 - EBƆRƐ BE KAWƆL

¹ To, kusɔ nɛ mee sha nɛ m bishi e la fanɛ, Ebɔrɛ kini mbe basa nna ŋko? Kaarɛ, ma alɛ gba la Israɛl be efuli so be esa nna n shi Eebraham be kanaŋ to a la Bɛnjamin be yiri to be esa.

Romebi 11:1 ပူးပေါင်းရင်းမြစ်များ

2 Bewura 23:27

Amoso le nɛ Enyɛnpe Ebɔrɛ na daŋ kaŋɛ: “Meeŋ wora Juda gba kusɔ nɛ n wora Israɛl na. Meeŋ ju Juda be basa ashi ma anishito nseŋ kini Jerusalɛm nɛ k la ma kade na nɛ bɔrɛlambu nɛ baa bunyaŋ ma kumo to ere.”

Nshɛ 77:7

“Enyɛnpe Ebɔrɛ na kini anyi nna n lɛ le mbaanaayɔ a? E maaŋ naŋ wu anyi kuwɔr a?

Nshɛ 94:14

Ama fo Enyɛnpe Ebɔrɛ maaŋ kini fo basa n lɛ; fo alɛ maaŋ kplaŋ efuli nɛ fo gbagba lara na so.

Hoziya 9:17

Ebɔrɛ nɛ mee shuŋ na beeŋ kini mo gbagba be basa ŋkpal b ka kini kenu n sa mo so. Baaŋ baa na a kilgi to ashi efuli pɔtɛana so nna fanɛ basa nɛ b maŋ kɔ epe na.

Luuk 20:16

E beeŋ ba mɔ paawuraana na nseŋ ta ndibi sɔrso be kudɔ na n sa paawuraana popɔr.” Basa na ka nu kusɔ nɛ Yesu malga na nɛ b kaŋɛ le:

Ashuŋ Shunso 22:3

“N la Juw nna ashi Silisia be Taases, ama Jerusalɛm to nfe nɛ b bela ma nɛ Gameelial daa la ma eŋinipo. Kananɛ k daga fanɛ esa e bɛ an nanaana be mbra na so na nɛ b daŋ ŋini ma nɛ n ta ma kumu m bɔɔ Ebɔrɛ enɔ nɛ n shuŋ mbe kushuŋ fanɛ kananɛ menyi kikɛ nfe ere bee wora na.

Ashuŋ Shunso 26:4

Juwebi na kikɛ nyi ma kebaawɔtɔ nɛ n daa wɔ to saŋɛ nɛ n daa la kebibi na kikɛ. B nyi fanɛ sososo na ma efuli so nɛ Jerusalɛm to nɛ ŋ ki esa.

Romebi 11:11

Men shin nɛ n naŋ bishi kesheŋ ere fanɛ Israɛlebi daŋ fiti nna n tɔr ŋ koso ŋ gben ŋko? Ayai, mannɛ aloŋ nna kuraa. Ama ŋkpal bumo be alubi so nɛ nnyamase nya kumɔlga nɛ bumo be kebaawɔtɔ na yɛlga Israɛlebi.

Romebi 3:4

Kaarɛ fanɛ loŋ e tiŋ n wora. Nɛ nyiŋgbasa bre la efɛpo, Ebɔrɛ bre la kashenteŋjipo nna saŋkama fanɛ kananɛ abɔrɛsibɛ na bee kaŋɛ na. A yɛ: “Fo mmalga to e naa ŋini fo ka kɔ kashenteŋ, fo alɛ beeŋ baa ji a lar fo edemu to.”

Romebi 9:3

Nɛ Ebɔrɛ daŋ kpal bumo so, ma yiri to ebi gbagba nɛ n de na, n so ma gbagba kɔnɔ nseŋ lara ma ashi Kristo be kebaawɔtɔ to gba, n daa beeŋ baa sha loŋ.

2 Kɔrintebi 11:22

Mannɛ Hibruwebi e la bumo a? To, eko e la ma alɛ gba. Mannɛ Israɛlebi e la bumo a? To, eko e la ma alɛ gba. Mannɛ Eebraham mo nanabiana e la bumo a? To, eko e la ma alɛ gba.

Filipaiebi 3:5

Ŋkpal manɛ so, b kurge ma Israɛl be efuli so be esa nna nɛ n shi Bɛnjamin be kanaŋ to. N la Hibruw kashenteŋto nna, ŋkpal manɛ so, n tuto nɛ n nio kikɛ la Hibruwebi nna. B ka kurge ma be kachɛ burwasopo to nɛ b ku ma kututu, mbra na be kaplɛa so n daa la Farisi nna.

1 Samuɛl 12:22

Ebɔrɛ na e lara menyi fanɛ mo gbagba be basa. Ŋkpal mbe ketre ka shibi so, e maaŋ yige menyi kikɛ.