Romebi 10:2 - EBƆRƐ BE KAWƆL

² Ŋkpal manɛ so, meeŋ tiŋ n ji shɛda ŋ kaŋɛ fanɛ Ebɔrɛ be asheŋ pere bumo kenishi ga, ama loŋ be kenishipere na malɛ maŋ bɛ kepin asheŋ to so.

Romebi 10:2 ပူးပေါင်းရင်းမြစ်များ

2 Bewura 10:16

nɛ e kaŋɛ mo le: “Tu ma nɛ an yɔ nɛ fo ya keni kananɛ m pere kenishi a shuŋ Enyɛnpe Ebɔrɛ na. Ndoŋ nna nɛ b dii bumo be egbaŋɛturko m bɛ abar so n yɔ Samɛria.”

Nshɛ 14:4

Ama alubiworapo maaŋ koya a? Menyee suge ma basa nna a ji, nsaa kini kekule Ebɔrɛ.

Aŋasa 19:2

Kebaa sha kusɔ be kewora nsaa maa kɔ kumo be kenyi maŋ walɛ; kewora gerger n to kusɔ n da malɛ maŋ kɔ tɔnɔ.

Aizaaya 27:1

Kamɔnchɛ kaŋ fo, Enyɛnpe Ebɔrɛ na beeŋ ta mbe tokobi nɛ k kɔ eleŋ ga na ŋ gberge kusɔbɔya gbeyeso gboŋgboŋi nɛ k wɔ teku to nɛ baa tre kumo Liviatan na kusoe m mɔ kumo.

Baru lela nɛ Jɔn kute na 16:2

Basa beeŋ ba kaa ju menyi ashi nshɛrbuana na to be keluri to. Saŋko beeŋ ba fo nɛ esa kama nɛ e mɔ menyi beeŋ baa fɛ fanɛ Ebɔrɛ nɛ e bee shuŋ.

Ashuŋ Shunso 21:20

B ka nu mbe kamalga na nɛ bumo kikɛ di Ebɔrɛ epaŋ nseŋ kaŋɛ Pɔɔl: “Fo wu ai, ekurgepo, Jerusalɛm ere to be Juwebi damta gba ki beyirdapo naniere, ama bumo alɛ kraa mɔ bumo be amu nna a bɛ Mosis be mbra na so.

Ashuŋ Shunso 21:28

m ponte ŋ kaŋɛ: “Israɛlebi, men ba chɛ to. Kanyɛn nɛ e na kaplɛkama a ŋini basa kikɛ asheŋ nɛ a bee da Israɛlebi nɛ Mosis be mbra na nɛ bɔrɛlambu na so e ba nfe hale m bar nnyamase bɔrɛlambu na to nɛ b ba jija kumo kananɛ k du cheembi na.”

Ashuŋ Shunso 22:22

Pɔɔl ka bee malga asheŋ na kikɛ nɛ basa na bee nu. Ama e ka ba malga keyɔ nnyamase na kutɔ be asheŋ nɛ b fara a ponte ga a kaŋɛ: “Men lara mo durnya ere to. Men mɔ mo!”

Ashuŋ Shunso 22:3

“N la Juw nna ashi Silisia be Taases, ama Jerusalɛm to nfe nɛ b bela ma nɛ Gameelial daa la ma eŋinipo. Kananɛ k daga fanɛ esa e bɛ an nanaana be mbra na so na nɛ b daŋ ŋini ma nɛ n ta ma kumu m bɔɔ Ebɔrɛ enɔ nɛ n shuŋ mbe kushuŋ fanɛ kananɛ menyi kikɛ nfe ere bee wora na.

Romebi 10:1

Ŋ kurgepoana, kusɔ nɛ m baa sha ga nsaa kule kumo be Ebɔrɛ e la fanɛ ma basa Israɛlebi e nya kumɔlga.

Romebi 10:3

Ŋkpal manɛ so, b maa pin ekpa nɛ Ebɔrɛ bee sha fanɛ b bɔla so na to nɛ bumo nɛ mo e nyalɛ nsaa wɔtɔ a bɔla bumo gbagba be aworbi be ekpaana so. Loŋ malɛ e naa ŋini fanɛ b maŋ ta bumo be amu m bɔɔ Ebɔrɛ enɔ nɛ e shin nɛ mo nɛ bumo e nyalɛ.

2 Kɔrintebi 4:4

Bumo alɛ maŋ yirda nna, ŋkpal manɛ so, durnya ere to be ebɔrɛ na e tan bumo be anishiana, saŋɛ na so b maaŋ baa wu Kristo nɛ e la Ebɔrɛ be kaduli gbagba na be kemaŋkura be baru lela na be kefulto na.

2 Kɔrintebi 4:6

Ebɔrɛ mo nɛ e kaŋɛ fanɛ: “Men shin nɛ kefulto e shi tentembiri to n lar n nyaŋɛ,” koŋwule na e naa shin nɛ mbe kefulto bee nyaŋɛ anyi be ŋgbeneana to a bar anyi Ebɔrɛ be kemaŋkura be kanyiasheŋ be kefulto nɛ k bee nyaŋɛ Kristo be anishito na.

2 Kɔrintebi 8:3

Ma alɛ e kaŋɛ menyi kashenteŋto na fanɛ b sa kananɛ b tiŋ hale n ya baŋ kananɛ bumo be eleŋ sa gba so.

Galeeshaebi 1:14

Ma sara Juwebiana be bedamta to ma e daŋ fara nɛ n sɔ kejuŋkpar ashi Juwebi be kabɔrɛbɛso na to nseŋ daŋ naŋ pere kenishi n wɔtɔ an nanaana be asheŋ ŋiniso nɛ b yige n sa anyi na to ga.

Galeeshaebi 4:15

Naniere, manɛ e wora men be kagbenefuli nɛ men daŋ nya na? Nɛ esa bishi ma, n daa beeŋ tiŋ ŋ kaŋɛ fanɛ nɛ k daa la kewora kusɔ ko nna gba, men daa beeŋ chule men be anishi gba n sa ma.

Filipaiebi 1:9

Ma kabɔrɛkule nɛ mee kule a sa menyi e la fanɛ Ebɔrɛ e shin nɛ men be kasha e baa wora keshi a ti so ashi kashennyi nɛ kenya lakal ashi asheŋ to to.

Filipaiebi 3:6

Keshuŋ Ebɔrɛ malɛ be asheŋ daŋ pere ma kenishi ga hale nɛ n daa wɔtɔ a tɔrɔ asɔri to ebi. Mbra na malɛ be kebɛso be kulubi kikɛ daa maŋ wɔ ma to.

Kɔlɔsiebi 4:13

Mee malga Epafras be asheŋ nna, ŋkpal manɛ so, mee sha keji shɛda nna fanɛ e ka bee mɔ mbe kumu a shuŋ menyi Laodisiyaebi nɛ Hiɛrapɔlisebi.