Romebi 10:18 - EBƆRƐ BE KAWƆL

¹⁸ Ama kesheŋ bishiso nɛ ŋ kɔ nde: “Kashenteŋ nna fanɛ b maŋ nu kubɔya na a?” Cha, b nu. Loŋ malɛ nɛ abɔrɛsibɛ na bee kaŋɛ na fanɛ: “Bumo be ebɔl fo kasawule ere so be kaplɛkama nɛ bumo be mmalga yɔ durnya ere be ekar kikɛ.”

Romebi 10:18 ပူးပေါင်းရင်းမြစ်များ

1 Bewura 18:10

Enyɛnpe fo Ebɔrɛ na be ketre so nɛ mee kaŋɛ fo na fanɛ ewura Ahab nite durnya ere be kaplɛkama a fin fo. Efuli kama malɛ nɛ b fin fo n yɔ, nɛ kumo be ewura kaŋɛ fanɛ e maŋ wu fo mbe efuli so, ewura Ahab bee shin nɛ e bɔ nna fanɛ e maŋ wu fo kashenteŋto.

Nshɛ 19:4

ama durnya to ebi kikɛ bee wu kusɔ nɛ a bee ŋini saŋkama nna. Ebɔrɛ wora awɔlpa nna fanɛ wajɛbu n sa epeŋi.

Nshɛ 22:27

Efuliana kikɛ so ebi beeŋ nyiŋi Enyɛnpe Ebɔrɛ na, nɛ basa e shi durnya be kaplɛkama, ŋ kilgi m bɛ mo so a bunyaŋ mo.

Nshɛ 98:3

E nyiŋi mbe kasha nɛ kashenteŋji nɛ e kɔ n sa Israɛlebi na be asheŋ. Bekama nɛ b wɔ kasawule so be kaplɛkama wu anyi be Ebɔrɛ na be kumɔlga.

Aizaaya 24:16

Anyeeŋ nu b kaa bee boŋ nshɛ a kpaŋ Israɛl nɛ k la efuli niŋiso na ashi durnya be mboŋ wɔfɔ wɔfɔ kikɛ. Ama tama maŋ wɔtɔ n sa ma ere! Ma ere be asheŋ jija n loge nna na! Bedebɔrpo kraa wɔtɔ nna a debɔr basa, nɛ bumo be kedebɔre na malɛ bee daŋɛ so.

Aizaaya 49:6

Kede be kaman, nɛ Enyɛnpe Ebɔrɛ naŋ kaŋɛ ma le: “Ma kenya, ŋ kɔ kushuŋgboŋ ko a sa fo. Mannɛ ma basa, Israɛlebi nɛ b ji efute na be kebɛta m ba bumo be eyilikpagboŋ na be kushuŋ nawule nɛ feeŋ shuŋ. Meeŋ shin nɛ efuli pɔtɛana so be basa e bɔla fo so m ba pin ma, saŋɛ na so meeŋ mɔlga bumo alɛ gba.”

Aizaaya 52:10

Enyɛnpe Ebɔrɛ na beeŋ ta mbe eleŋgboŋ m mɔlga mbe basa ashi bumo doŋana be enɔ to, saŋɛ na so durnya to ebi kikɛ beeŋ wu kumo.

Jɛremaya 16:19

Enyɛnpe Ebɔrɛ, kewora fanɛ fo ka ta ma nna n wɔtɔ kakpa lempo a kuŋ ma nsaa sa ma eleŋ, a chɛ ma to ashi tɔrɔ be jemanɛ. Efuli pɔtɛana be basa beeŋ shi durnya to be mboŋ wɔfɔ m ba fo kutɔ m ba kaŋɛ le: “An nananyɛnana daŋ lɔŋɛ agbirana nɛ e maa ji kashenteŋ nsaa maa kɔ tɔnɔ kikɛ n sa bumo na nna.”

Matiu 24:14

Baaŋ bɔ Ebɔrɛ be kuwura na to be baru lela ere durnya ere to kikɛ nɛ k baa la shɛda a sa efuli kama so ebi pɔɛŋ nɛ jemanɛ ere be ekar e fo.”

Matiu 26:13

Ma e kaŋɛ menyi kashenteŋto na fanɛ kaplɛkama nɛ b bɔ baru lela na durnya ere kikɛ to, baaŋ malga kusɔ nɛ e wora ere be asheŋ n nyiŋi mo.”

Matiu 28:19

Amoso, men yɔ efuli kikɛ so n ya shin nɛ basa e ki ma bebɛsopo nɛ men bɛr bumo kabɔrɛbɛr ashi Etuto na nɛ Ebinyɛn na nɛ Kiyoyu Cheeŋ na be ketre to, nseŋ ŋini bumo nɛ b bɛ asɔ nɛ ŋ ŋini menyi na kikɛ so.

Matiu 4:8

Ndoŋ nna nɛ alubipo na naŋ shin nɛ b ya dii kebee jeŋgreŋ ko so n yili nɛ e ŋini Yesu durnya ere to be kuwurjiana kikɛ nyam nɛ amo be kemaŋkura

Maak 16:15

Nɛ e kaŋɛ bumo: “Men yɔ efuli kikɛ so n ya bɔ kubɔya na n sa kepɔrso kikɛ.

Maak 16:20

Bebɛsopo na ya bɔ bumo be kubɔya kaplɛkama nɛ bumo nɛ Enyɛnpe shuŋ nɛ Enyɛnpe ta etɔɔnɛsheŋ ŋ ŋini fanɛ bumo be kubɔya na la kashenteŋ nna. Amɛn.]

Ashuŋ Shunso 1:8

Ama men baa nyi fanɛ Kiyoyu Cheeŋ na kaŋ gbelge menyi so, menyeeŋ baa kɔ eleŋ menyi to a malga ma asheŋ a sa basa ashi Jerusalɛm to nɛ Judiya kikɛ to nɛ Samɛria to nɛ durnya ere kikɛ nyam to.”

Ashuŋ Shunso 26:20

Damaskɔs nɛ n fara m bɔ kubɔya na nseŋ yɔ Jerusalɛm nɛ Juwebi be efuli so kikɛ nɛ nnyamase to n ya kaa bɔ kubɔya na fanɛ b lar bumo be alubi to m ba Ebɔrɛ kutɔ m ba kaa wora asheŋ nɛ a beeŋ ŋini fanɛ b lar bumo be alubi to kashenteŋto.

Ashuŋ Shunso 28:23

Kede be kaman nɛ b sa Pɔɔl kachɛ nɛ baaŋ ba. Kachɛ na ka fo nɛ bumo be bedamta ba kakpa nɛ Pɔɔl daa wɔ na nɛ e baŋ yili chipurso m bɔ Ebɔrɛ be kuwura na to be asheŋ na ŋ ŋini bumo loŋ n ya fo kanyɛso. E daŋ bɛ Mosis be mbra na nɛ anebiana na be nsibɛ na so nna ŋ kɔ ga n fin keshin nɛ basa na yirda Yesu.

Romebi 1:8

Men shin nɛ n fara m bɔla Yesu Kristo so n chɔrɔ ma Ebɔrɛ ŋkpal menyi kikɛ so. Ŋkpal manɛ so, durnya ere to ebi kikɛ baa ji kananɛ menyi be yirda du be asheŋ nna.

Romebi 15:19

Kiyoyu na be eleŋ to nɛ m bɔla n shin nɛ b wu etɔɔnɛ nɛ emamachisheŋ. Amoso, baŋ yili Jerusalɛm be kade to n ta ŋ kulti n ya fo Ilirikem kikɛ m bɔ Kristo be baru lela na nɛnɛ n sa basa.

Kɔlɔsiebi 1:23

Kananɛ Yesu Kristo beeŋ yɛr menyi Ebɔrɛ kutɔ nna na, nɛ men baŋ yirda baru lela na a maa chɛrga men be ŋgbene nsaa tama asɔ nɛ men nu baru lela na to nna na. Baru lela na nɛ baa malga a sa basa kama nɛ ma Pɔɔl gba ki kumo be emalgapo na.

Kɔlɔsiebi 1:6

Men chɛr n nu amo be asheŋ kashenteŋ be kubɔya na to, kumo e la baru lela nɛ Epafras bɔ n sa menyi na. Baru lela na e naa shin nɛ basa bee wora kelela durnya to kikɛ. Basa nɛ baa yirda baru na gba bee wora keshi nna fanɛ kananɛ k bee wora menyi to yili jemanɛ nɛ men nu baru lela na m pin nɛnɛ kananɛ Ebɔrɛ kɛ basa mbe kuwɔr be kakɛ kashenteŋto nna.

1 Tɛsalɔnikaebi 1:8

Mannɛ Masɛdonia nɛ Akaya nawule nɛ Enyɛnpe be kubɔya na shi men kutɔ n yɔ, ama kananɛ men yirda Ebɔrɛ na be baru sɔ kaplɛkama, amoso, anyi ere maŋ naa kɔ shɛŋ a kaŋɛ.