Romebi 1:7 - EBƆRƐ BE KAWƆL

⁷ Amoso nɛ mee sibɛ kawɔl ere a sa menyi kikɛ nɛ men wɔ Rom be kade to nɛ Ebɔrɛ bee sha menyi nseŋ tre menyi fanɛ men ba kaa la mo gbagba be basa na. An Tuto Ebɔrɛ nɛ Enyɛnpe Yesu Kristo e sa menyi kuwɔr be kakɛ nɛ kagbenewushi.

Romebi 1:7 ပူးပေါင်းရင်းမြစ်များ

Nshɛ 60:5

Enyɛnpe Ebɔrɛ, nu anyi be kekule nseŋ ta fo enɔ lempo na m mɔlga anyi nɛ an la fo basa shaso na.

Sɔlɔmɔn 5:1

M ba ma kudɔbi to, ŋ jipo, nɛ ma kejafɔ. N chala ma etulale nɛ asɔ dufɛso Ŋ ji ma mushoŋkɔrfɔ nɛ mushoŋchu; nseŋ nuu ma nsa belbelso nɛ kenyipochu. Ji nseŋ nu kanaŋkama so nɛ fee sha; shin nɛ kasha e boo fo.

Nɔmbɛs 6:25

Enyɛnpe Ebɔrɛ na be kelela nɛ mbe kuwɔr be kakɛ e baa wɔ menyi so.

Matiu 5:16

Men baa shin nɛ men be kefulto e baa nyaŋɛ nɛnɛ ga nɛ basa e tiŋ n wu men be ashuŋ lela nseŋ maŋkura men Tuto nɛ e wɔ ebɔrɛso na.

Baru lela nɛ Jɔn kute na 20:17

Nɛ Yesu kaŋɛ mo: “Sa maŋ pɛ ma to, ŋkpal manɛ so, m maŋ naŋ bɛta n yɔ esoso Etuto na kutɔ. Ama yɔ n niopibiana na kutɔ n ya kaŋɛ bumo fanɛ mee bɛta nna a yɔ esoso n Tuto nɛ men Tuto nɛ ma Ebɔrɛ nɛ menyi be Ebɔrɛ kutɔ.”

Ashuŋ Shunso 15:23

Le be kawɔl nɛ b daŋ ta n shuŋi mbɔ na: “Beshuŋipo na nɛ benimuana na bee chɔrɔ menyi nnyamase nɛ men la bekurgepoana a wɔ Antiɔk nɛ Siriya nɛ Silisia to na.

Ashuŋ Shunso 9:13

Nɛ Ananiyas kaŋɛ: “Enyɛnpe, basa damta kaŋɛ ma kanyɛn ere be asheŋ fanɛ kananɛ e tɔrɔ fo basa ashi Jerusalɛm.

Romebi 1:6

Menyi, bumo nɛ men wɔ Rom be kade to ere gba ti efuliana nɛ Ebɔrɛ tre fanɛ men ba kaa la Yesu Kristo peya na so.

Romebi 5:1

Naniere Ebɔrɛ ka kpal anyi be yirda so n shin nɛ an ji n lar mbe anishito ere bre, an bɔla an Nyɛnpe Yesu Kristo so a kɔ kagbenewushi ashi Ebɔrɛ na be anishito.

Romebi 5:5

Ebɔrɛ bɔla Kiyoyu Cheeŋ nɛ e la Ebɔrɛ be kakɛ nɛ e kɔ a sa anyi na so nna n ta mbe kasha m bɔlɔ anyi be ŋgbene to.

Romebi 8:28

Anyi alɛ nyi fanɛ asɔ kikɛ to, Ebɔrɛ bee wora asheŋ nna nɛ a bee ba abar so m ba kaa ki asɔ lela a sa mbe beshapo nɛ e tre m ba mo kutɔ fanɛ b ba kaa wora mbe aparsheŋ na.

Romebi 8:39

Shɛŋ maŋ wɔ durnya ere be esoso ŋko kumo be kaseto nɛ k tiŋ n lara mbe kasha na ashi anyi so. Shɛŋ shɛŋ maŋ wɔ durnya ere kikɛ to nɛ k tiŋ n lara anyi ashi Ebɔrɛ be kasha nɛ k bɔla an Nyɛnpe Kristo Yesu so a la anyeya na to.

Romebi 9:25

Le nɛ Ebɔrɛ daŋ bɔla anebi Hoziya so ŋ kaŋɛ: “Basa nɛ b daa maŋ la meya na, naniere meeŋ tre bumo ma basa. Efuli nɛ n daa maa sha na, naniere meeŋ tre kumo ma eshapo.”

1 Kɔrintebi 1:24

Ama bumo, Juwebi nɛ Griikebi nɛ Ebɔrɛ tre na bre kikɛ, kubɔya na la Kristo mo nɛ e la Ebɔrɛ be eleŋ nɛ mbe kanyiasheŋ na nna.

1 Kɔrintebi 16:23

Enyɛnpe Yesu be kuwɔr be kakɛ e baa wɔ menyi so.

2 Kɔrintebi 13:14

Enyɛnpe Yesu Kristo be kuwɔr be kakɛ na nɛ Ebɔrɛ be kasha na nɛ Kiyoyu Cheeŋ na be kɔnɔkoŋwule be kebaawɔtɔ na e baa wɔ menyi kikɛ so.

Galeeshaebi 6:18

Ŋ kurgepoana, an Nyɛnpe Yesu Kristo be kuwɔr be kakɛ na e baa wɔ men kikɛ so nyam. Amɛn.

Ɛfesesebi 1:2

An Tuto Ebɔrɛ nɛ Enyɛnpe Yesu Kristo e sa menyi kuwɔr be kakɛ nɛ kagbenewushi.

Ɛfesesebi 6:23

Ebɔrɛ Etuto na nɛ Enyɛnpe Yesu Kristo e sa bekurgepoana na kagbenewushi nɛ kasha nɛ yirda.

Ditɛronɔmi 33:12

Le nɛ Mosis kaŋɛ a laŋɛ Bɛnjamin be yiri be kaplɛa so: “Yiri nɛ Enyɛnpe Ebɔrɛ na bee sha nsaa kuŋ nde; kapa nɛ kanyɛ kikɛ nɛ e bee kuŋ bumo. Mo alɛ nɛ bumo e wɔtɔ.”

Filipaiebi 1:2

Ebɔrɛ an Tuto na nɛ Enyɛnpe Yesu Kristo na e sa menyi kuwɔr be kakɛ nɛ kagbenewushi.

Filipaiebi 4:13

Meeŋ tiŋ m bɔla Kristo nɛ e bee sa ma eleŋ na so n wora kusɔ kikɛ nyam.

Filipaiebi 4:20

Kemaŋkura e baa wɔ Ebɔrɛ an Tuto na so mbaanaayɔ. Amɛn.

Filipaiebi 4:23

Enyɛnpe Yesu Kristo be kuwɔr be kakɛ e baa wɔ men kikɛ so nyam.

Kɔlɔsiebi 1:2

a yɔ menyi nɛ men la Ebɔrɛ peya a wɔ Kɔlɔsi nseŋ naa la an kurgepoana nɛ basa nɛ b maŋ kɔ kɔnɔleŋi ashi Yesu Kristo to na kutɔ. An Tuto Ebɔrɛ e sa menyi mbe kuwɔr be kakɛ na nɛ kagbenewushi.

Kɔlɔsiebi 3:12

Amoso, men baa wora le be kelela ŋkpal Ebɔrɛ ka lara menyi ŋ kɔr a sha menyi a shin nɛ men baa du cheeŋ na so. Men baa wu kuwɔr, men baa la basa, men baa kɔ bunyaŋ, men baa kɔ kushuso, men baa kɔ kanyiti.

Kɔlɔsiebi 3:15

Men shin nɛ kagbenewushi nɛ Yesu Kristo bee sa na e baa wɔ menyi to, ŋkpal manɛ so, Ebɔrɛ lara menyi nna nɛ men baa kɔ kagbenewushi abar so, ŋkpal men ka la kukoŋwule na so. Men baa chɔrɔ Ebɔrɛ.

1 Tɛsalɔnikaebi 1:1

Kawɔl ere shi ma Pɔɔl nɛ Sailas nɛ Timoti kutɔ nna a yɔ Tɛsalɔnika be asɔriebi nɛ b la Ebɔrɛ an Tuto nɛ Enyɛnpe Yesu Kristo peya na kutɔ. Ebɔrɛ be kuwɔr be kakɛ nɛ kagbenewushi e baa la menyi peya.

1 Tɛsalɔnikaebi 1:3

Ŋkpal manɛ so, an baa kule anyi be Ebɔrɛ Etuto na, anyee nyiŋi kananɛ men ta men be yirda a shuŋ kushuŋ nɛ kananɛ men be kasha shin nɛ men mɔ men be amu a shuŋ. Anyee kaa nyiŋi kananɛ men kɔ tama kpakpaso an Nyɛnpe Yesu Kristo so ashi an be Ebɔrɛ Etuto na be anishito.

1 Tɛsalɔnikaebi 1:4

An kurgepoana, Ebɔrɛ be basa shaso, an nyi Ebɔrɛ ka lara menyi nɛ men ki mo peya,

1 Tɛsalɔnikaebi 4:7

Ebɔrɛ maŋ tre anyi nna nɛ an ba kaa wɔ amɔmɔshiasheŋ to, e tre anyi nna nɛ an ba kaa wɔ kebaawɔtɔ cheembi to.

1 Tɛsalɔnikaebi 5:28

Enyɛnpe Yesu Kristo be kuwɔr be kakɛ na e baa la menyeya.

2 Tɛsalɔnikaebi 1:2

Ebɔrɛ Etuto na nɛ Enyɛnpe Yesu Kristo e sa menyi mo ere Ebɔrɛ na be kuwɔr be kakɛ nɛ kagbenewushi.

2 Tɛsalɔnikaebi 3:16

To, kagbenewushi be Enyɛnpe na gbagba e sa menyi kagbenewushi saŋkama ashi kusɔ kama to. Enyɛnpe na e baa wɔ menyi kikɛ to.

2 Tɛsalɔnikaebi 3:18

An Nyɛnpe Yesu Kristo be kuwɔr be kakɛ na e baa wɔ menyi kikɛ so.

1 Timoti 1:2

a yɔ fo Timoti nɛ fo la m pibi kashenteŋto ashi yirda na to na kutɔ. Ebɔrɛ Etuto na nɛ Kristo Yesu an Nyɛnpe e baa sa fo kuwɔr be kakɛ nɛ kuwɔr nɛ kagbenewushi.

1 Timoti 6:2

Anya nɛ bumo nyɛnpeana la beyirdapo e sa maŋ kpal b ka la bumo to ebi so a fɛl bumo. Bumo e daga fanɛ b bugi kagbene n shuŋ gba nɛnɛ, ŋkpal manɛ so, beyirdapo nɛ beshapo e naa ji bumo be kushuŋ be tɔnɔ. Ŋini basa asheŋ ere kikɛ nseŋ leŋ bumo to nɛ b bɛ amo so.

2 Timoti 1:2

a yɔ fo, m pibi shaso Timoti kutɔ. Ebɔrɛ Etuto nɛ Kristo Yesu an Nyɛnpe na e sa fo kuwɔr be kakɛ nɛ kuwɔr nɛ kagbenewushi.

2 Timoti 4:22

Enyɛnpe e baa kɔ fo kiyoyu to. Ebɔrɛ be kuwɔr be kakɛ e baa wɔ menyi so.

Taites 1:4

Mee sibɛ kawɔl ere nna a sa fo Taites, m pibi kashenteŋto ashi yirda koŋwule nɛ an kɔ na to. Ebɔrɛ be kuwɔr be kakɛ nɛ kagbenewushi nɛ a shi Ebɔrɛ Etuto nɛ an be Emɔlgapo Kristo Yesu kutɔ na e baa wɔ fo to.

Failimɔn 1:25

Enyɛnpe Yesu Kristo be kuwɔr be kakɛ e baa wɔ men be ayoyu to.

Failimɔn 1:3

Ebɔrɛ be kuwɔr be kakɛ nɛ kagbenewushi nɛ k shi Ebɔrɛ an Tuto nɛ Enyɛnpe Yesu Kristo kutɔ na e baa wɔ menyi so.

Jeems 1:1

Kawɔl ere shi ma Jeems nɛ n la Ebɔrɛ nɛ Enyɛnpe Yesu Kristo be kenya na kutɔ nna a yɔ menyi Israɛlebi be nnaŋ kuduanyɔ nɛ men pesaŋ to a wɔ durnya kikɛ to na kutɔ. Mee chɔrɔ menyi kikɛ.

1 Pita 1:15

Ama men baa du cheembi kusɔ kama nɛ menyee wora to fanɛ kananɛ emo nɛ e tre menyi na du na.

1 Jɔn 3:1

Men keni kananɛ Etuto na sha anyi loŋ n shin nɛ baa tre anyi mbe mbia, kumo alɛ maŋ kɔ emɔrɔ malɛ fanɛ an ka la mbe mbia. Amoso nɛ durnyaebi maa pin anyi to na. Ebɔrɛ nɛ b maŋ pin to pɔɛŋ.

2 Jɔn 1:3

Ebɔrɛ Etuto na nɛ Yesu Kristo nɛ e la Etuto na Pibinyɛn na sa anyi kuwɔr be kakɛ nɛ kuwɔr nɛ kagbenewushi n shin nɛ an nya kashenteŋ be kasha.

Kelaraŋŋini 2:1

E yɛ: “Sibɛ kawɔl ere n sa Ɛfeses be kade to be asɔri be malaika na ŋ kaŋɛ mo le: ‘Mmalga ere shi esa nɛ e kɔ achɛkpabi ashunu mbe enɔjiso to nsaa na shuwa be kefitilatɔl ashunu na to na kutɔ nna.

Kelaraŋŋini 2:12

Nɛ e naŋ kaŋɛ: “Sibɛ kawɔl ere n sa Pɛɛgamem be kade to be asɔri be malaika na ŋ kaŋɛ mo le: ‘Mmalga ere shi emo nɛ e kɔ tokobi jinnɔnyɔ jiso to na kutɔ nna.

Kelaraŋŋini 2:18

Nɛ e naŋ kaŋɛ: “Sibɛ kawɔl ere n sa Tayataira be kade to be asɔri be malaika na ŋ kaŋɛ mo le: ‘Mmalga ere shi Ebɔrɛ Pibinyɛn mo nɛ mbe anishi du fanɛ edɛ be adondulombi nɛ mbe ayadra malɛ bee kpa edɛ fanɛ katishaŋ peper na kutɔ nna.

Kelaraŋŋini 2:29

Amoso, ekama nɛ e kɔ asoe e baa nu asɔ nɛ Kiyoyu na bee kaŋɛ asɔriana na.’ ”

Kelaraŋŋini 2:8

Kede be kaman nɛ e naŋ kaŋɛ: “Sibɛ kawɔl ere n sa Smɛɛna be kade to be asɔri be malaika na ŋ kaŋɛ mo le: ‘Mmalga ere shi emo nɛ e la sososo nɛ lalaloge nseŋ daŋ wu n naŋ tiŋi a wɔ ŋkpa to na kutɔ nna.

Kelaraŋŋini 22:21

Enyɛnpe Yesu be kuwɔr be kakɛ e baa wɔ Ebɔrɛ be basa kikɛ so. Amɛn.

Kelaraŋŋini 3:14

Nɛ e naŋ kaŋɛ: “Sibɛ kawɔl ere n sa Laodisiya be kade to be asɔri be malaika na ŋ kaŋɛ mo le: ‘Mmalga ere shi ma nɛ n la Amɛn nɛ kashenteŋ be shɛdajipo nɛ baaŋ tiŋ n yirda na nɛ n la Ebɔrɛ be kepɔrso kikɛ be gbaltɔlase na kutɔ nna.

Kelaraŋŋini 3:22

Ekama nɛ e kɔ asoe, e baa nu asɔ nɛ Kiyoyu na bee kaŋɛ asɔriana na.’ ”

Kelaraŋŋini 3:7

Nɛ e kaŋɛ: “Sibɛ kawɔl ere n sa Filadɛlfia be kade to be asɔri be malaika na ŋ kaŋɛ mo le: ‘Mmalga ere shi ma, emo nɛ e du cheembi nsaa la kashenteŋwura nsaa kɔ Ewura Deevid be sɔfi to na kutɔ nna. Kusɔ nɛ m bugi, esa kikɛ maaŋ tiŋ n ti kumo, kusɔ kama malɛ nɛ n ti, esa kikɛ maaŋ tiŋ m bugi kumo.