Romebi 1:4 - EBƆRƐ BE KAWƆL

⁴ Kebaawɔtɔ cheembi be Kiyoyu malɛ be kaplɛa so, Ebɔrɛ ta eleŋgboŋ ŋ ŋini e ka la mo Pibinyɛn saŋɛ nɛ e tiŋi mo luwu to na.

Romebi 1:4 ပူးပေါင်းရင်းမြစ်များ

Matiu 4:3

Ndoŋ nna nɛ echɔŋkenipo na ba mo kutɔ m ba kaŋɛ mo le: “Nɛ fo baa la Ebɔrɛ Pibinyɛn gbagba nna, fo shin nɛ ajembu ere e ki ebodobodo.”

Ashuŋ Shunso 17:31

Ŋkpal manɛ so, e lara kachako n yili a sha keshin nɛ esa ko nɛ e lara n yili na e ji durnya ere demu kumo be ekpa so. Mo alɛ ŋini ekama nyam kumo be loŋ n shin nɛ amodoŋwura tiŋi luwu to.”

Ashuŋ Shunso 2:24

Ama Ebɔrɛ naŋ shin nɛ e tiŋi luwu na to n sɔ mo luwu be ebesa to n yige, ŋkpal manɛ so, luwu daa maŋ tiŋ n shin nɛ e ka kumo be enɔ to kikɛ.

Ashuŋ Shunso 2:32

Ebɔrɛ shin nɛ Yesu koŋwule ere tiŋi luwu to nɛ anyi wu kumo be loŋ be kashenteŋ.

Ashuŋ Shunso 3:15

Amoso, men mɔ esa nɛ e bee sa basa Ebɔrɛ be ŋkpa. Ama Ebɔrɛ shin nɛ e tiŋi luwu na to nɛ anyi gbagba ji kumo be loŋ be shɛda.

Romebi 1:3

fanɛ baru lela na beeŋ ba kaa kute mo Pibinyɛn, an Nyɛnpe Yesu Kristo nɛ nyiŋgbasa be kaplɛa so nɛ e shi Ewura Deevid be kanaŋ to na be asheŋ.

2 Kɔrintebi 13:4

Kashenteŋto, kapɔshi to nɛ b daŋ gbir mo kedibi largato so, ama Ebɔrɛ be eleŋ nɛ e kɔ a wɔ ŋkpa to naniere. Loŋ nɛ anyi alɛ gba la bepɔshipo mo to, ama ŋkpal Ebɔrɛ be eleŋ so, an tu Kristo na nna a wɔ ŋkpa to nɛ an shuŋ menyi.

Hibruwebi 9:14

kumo ere, kusɔ nɛ Yesu be ŋklaŋ na bre beeŋ tiŋ n wora shi pasaa. Ŋkpal manɛ so, e bɔla Kiyoyu nɛ e wɔ ŋkpa to saŋkama na so nna n ta mo gbagba be kumu nɛ k maŋ kɔ kulubi kikɛ na n lara sarga n sa Ebɔrɛ. Mbe ŋklaŋ na e naa fɔr anyi be ŋgbeneana to be nfɛra fɛsoana ashi amo be aworbi jiga to na, saŋɛ na so anyeeŋ tiŋ n shuŋ Ebɔrɛ nɛ e wɔ ŋkpa to na.

1 Pita 1:11

Kristo be Kiyoyu mo nɛ e daa wɔ bumo to na daŋ wu Kristo be etɔrɔ nɛ kemaŋkura mo nɛ k beeŋ lar etɔrɔ na be kaman na nna ŋ kaŋɛ bumo nɛ b wora ania a fin saŋɛ nɛ asheŋ na kikɛ beeŋ wora.

2 Pita 1:21

Ŋkpal manɛ so, abɔrɛsheŋ wuŋkaŋɛ kama maŋ naŋ shi dimɛdi be katiŋ so m ba, ama Kiyoyu Cheeŋ na e daŋ ta basa nɛ b malga baru nɛ k shi Ebɔrɛ kutɔ na.

Kelaraŋŋini 1:18

ma e la emo nɛ e wɔ ŋkpa to na. N daŋ wu nna, ama naniere n tiŋi nna a wɔ ŋkpa to mbaanaayɔ. Ma alɛ e kɔ luwu nɛ bubuni to be kakpa be eleŋ.

Kelaraŋŋini 19:10

Ndoŋ nna nɛ ŋ gbir n dese kasawule mbe anishito nɛ m maŋ mo so nɛ e kaŋɛ ma: “A maŋ daga fanɛ fo wora loŋ, ŋkpal manɛ so, n la fo barkasa kenya nna fanɛ fo nɛ fo niopibiana nɛ b bɛ Yesu be shɛda be ekpa so na, Ebɔrɛ e daga fanɛ fo baa maŋ mo so.” Ŋkpal manɛ so, kashenteŋ mo nɛ Yesu lara ŋ ŋini na e la Kiyoyu mo nɛ e bee leŋ anebiana na to.