Romebi 1:30 - EBƆRƐ BE KAWƆL

³⁰ nsaa malga alubi a gbiti abar a kishi Ebɔrɛ be asheŋ a tege abar nsaa wu bumo be amu. B kɔ mpuchi a fin alubi be ekpa popɔrana a wora alubi nsaa kini kebaanu a sa bumo nioana nɛ bumo tutoana.

Romebi 1:30 ပူးပေါင်းရင်းမြစ်များ

1 Bewura 20:11

Ndoŋ nna nɛ ewura Ahab kaŋɛ le: “Men ya kaŋɛ ewura Bɛnhadad fanɛ enapo kashenteŋ bre bee ji njɔŋ saŋɛ so nɛ b kɔ kena n loge nna, mannɛ saŋɛ nɛ b kraa yɔ kena to.”

2 Kronikɛls 19:2

Nɛ anebi Jehu nɛ e la Hanani pibinyɛn na yɔ mo kutɔ n ya kaŋɛ mo le: “Fee fɛ fanɛ fo ka chɛ ewura Ahab esa lubi nɛ e kishi Enyɛnpe Ebɔrɛ to ere walɛ a? Kusɔ nɛ fo wora ere shin nɛ Enyɛnpe Ebɔrɛ nya agbo n wɔtɔ fo ga.

2 Kronikɛls 25:19

Naniere Amaziya fee wu fo kumu nna, ŋkpal fo ka pɔɔ Edɔmebi so so, ama mee kaŋɛ fo nna fanɛ fo shir a wɔ laŋ to. Sa maŋ kil asheŋ nɛ a beeŋ bar jɛrbi m ba sa fo nɛ fo basa.”

Nshɛ 10:3

Belubiworapo bee ji njɔŋ nna ŋkpal bumo be aparsheŋ lubi so. Nɛ kejimuniwuraana malɛ kishi fo nsaa shoduu fo.

Nshɛ 106:39

Kusɔ nɛ b daŋ wora na shin nɛ b wora eyurpi daŋkare be ekpa so nna. B daa maŋ ji kashenteŋ n sa Ebɔrɛ.

Nshɛ 49:6

Bumo ere yirda asɔ nɛ b kɔ nna nsaa puchi ŋkpal bumo be kedamaya so.

Nshɛ 5:5

Ŋkpensheŋ wura maaŋ tiŋ n yili fo anishito. Fo kishi basa nɛ baa wora alubi ga.

Nshɛ 52:1

Feeŋ tiŋ a la elempo nsaa ji njɔŋ ŋkpal fo alubi so. Ama esa beeŋ tiŋ n yirda Ebɔrɛ saŋkama.

Nshɛ 81:15

Bekama nɛ b kishi ma, Enyɛnpe Ebɔrɛ na, beeŋ ta kufu m ba jɔŋɛ ma ase; bumo alɛ be kasogberge beeŋ baa wɔtɔ mbaanaayɔ.

Nshɛ 94:4

Basa lubi ere bee nite nna a puchi bumo be asheŋ lubi so.

Nshɛ 97:7

Bekama nɛ baa shuŋ agbirana ŋko a puchi amo so na bee ŋaba nna; ŋkpal manɛ so, agbirana kikɛ maŋ la shɛŋ Ebɔrɛ be anishito.

Nshɛ 99:8

O Enyɛnpe anyi be Ebɔrɛ, fo e daŋ nu bumo be kekule, nseŋ ta bumo be alubi m paŋ bumo. Ama b ka naŋ wora kusɔ nɛ k maŋ daga na, fo gberge bumo kusoe nna.

Aŋasa 24:8

Esa nɛ e bee kre alubisheŋ nɛ baa tre alubiworapo.

Aŋasa 25:23

Kananɛ kebɔrɛfito be afu bee bar bɔrɛ na, aloŋ nɛ ŋkuli bee bar agbo.

Aŋasa 30:17

Ejita e naŋ ji bekama nɛ baa fɛl bumo tutoana nsaa keni bumo nioana jiga na be eblaŋ kupuŋ to.

Aŋasa 8:36

Bekama nɛ b maŋ nya ma bre bee tɔrɔ bumo be amu nna. Ekama nɛ e kishi ma bee sha luwu nna na.”

Kaŋinichiŋgeliŋ 7:29

Asheŋ nɛ ŋ koya kikɛ nna na. Ebɔrɛ to anyi nɛnɛ nna nɛ anyi alɛ jija anyi be amu.

Ezikɛl 14:5

Loŋ e naŋ shin nɛ Israɛl be basa nɛ b kini ma nseŋ ta bumo be ŋgbene n wɔtɔ kagbirshuŋ to na e kini agbirana na nseŋ bɛta m ba ma kutɔ.

Ezikɛl 22:7

Menyi basa nɛ men wɔ kadegboŋ na to na maa sa men tutoana nɛ men nioana bunyaŋ. Menyee puni befɔ nna nsaa kɔrfɛ amunibi nɛ bekulpoche.

Nɔmbɛs 10:35

Saŋkama nɛ Livaiebi na baŋ ta ŋkre be deka na n lar a yɔ, le nɛ Mosis daa kaŋɛ: “Enyɛnpe Ebɔrɛ, koso ŋ kɔ fo doŋana n shin nɛ b pesaŋ to n shile.”

Matiu 15:4

Ŋkpal manɛ so, Ebɔrɛ kaŋɛ: ‘Bunyaŋ fo tuto nɛ fo nio nɛ ekama nɛ e malga ŋ gbiti mo nio nɛ mo tuto, b mɔ amodoŋwura.’

Matiu 16:21

Yili kumo be kamɔnchɛ na a yɔ nɛ Yesu fara a ŋini mbe bebɛsopo na le: “A daga ŋ ka yɔ Jerusalɛm n ya ji awurfoŋ ga benimuana nɛ bɔrɛmatapowuraana nɛ mbraŋinipoana na be enɔ to. Baaŋ mɔ ma nɛ n tiŋi luwu na to kumo be kachɛ sasopo to.”

Luuk 21:16

Betuto nɛ benioana nɛ bedaana nɛ bekurgepoana nɛ beteriana beeŋ ta menyi m bɔɔ men doŋana enɔ nɛ b mɔ menyi be beko.

Baru lela nɛ Jɔn kute na 7:7

Durnya maaŋ tiŋ ŋ kishi menyi ere, ama ma ere, k kishi ma nna ŋkpal ŋ ka bee kaŋɛ fanɛ kumo be asheŋ woraso maŋ walɛ so.

Ashuŋ Shunso 5:36

Saŋɛ nɛ Tyudas daŋ koso a tre mbe kumu esagboŋ ko nɛ basa damta fanɛ basa alfa ana daŋ shile m buu mo na, maŋ naŋ chɛr ko. Ama b ka mɔ mo, mbe bebɛsopoana na kikɛ pesaŋ to nna nɛ mbe kushuŋ na kikɛ mur.

Romebi 2:17

To, mannɛ fo e naa tre fo kumu Juw nsaa ta fo yirda a deŋi Mosis be mbra na so a wɔtɔ a ji njɔŋ a kaŋɛ fanɛ fo nɛ Ebɔrɛ be nferinto wɔ ebel na a?

Romebi 2:23

Fo e wɔtɔ a kɔ mbra na a ji njɔŋ, fo alɛ nseŋ naa shin nɛ fo kemaa bɛ amo so bee bar Ebɔrɛ anishinyɔr.

Romebi 3:27

To, nɛ manɛ so nɛ esa bee wu mbe kumu? E beeŋ tiŋ ŋkpal e ka bee bɛ mbra na so so a wu mbe kumu a? Ayai, ŋkpal manɛ so, mannɛ e ka bee bɛ mbra na so e shin nɛ e ji n lar Ebɔrɛ be anishito, ama ŋkpal e ka yirda so.

2 Kɔrintebi 10:15

Anyi alɛ maa kpal kushuŋ mo nɛ basa pɔtɛ shuŋ so nna a puchi a baŋ anyi be amu so. Anyi be tama kikɛ e baa la fanɛ nɛ men be yirda baa wora keshi a yɔ anishito, kakpa nɛ an wɔ menyi to a shuŋ na malɛ beeŋ baa wora keshi a ti so.

2 Kɔrintebi 12:20

K bee wora ma nna fanɛ ŋ kaŋ ba men kutɔ meeŋ ba wu fanɛ mannɛ kananɛ mee sha fanɛ men baa du na nɛ men du, nɛ menyi alɛ gba e wu fanɛ mannɛ kananɛ menyee sha fanɛ m baa du na nɛ n du n sa menyi. Mee lɔ kufu nna fanɛ shere meeŋ ba wu nlu nɛ kayurbesaana nɛ agboana ka bee kaa nɛ kejimuniana nɛ kategeana nɛ ŋkuli nɛ kamoowu nɛ kebarga to menyi to.

Ditɛronɔmi 27:16

Nɛ b naŋ kaŋɛ: “Ebɔrɛ be kɔnɔsho beeŋ ba esa kama nɛ e beeŋ ŋaba mo tuto ŋko mo nio so.” Nɛ basa nɛ b yil Ebal be kebee so na kikɛ shuliso le: ‘Amɛn!’

Ditɛronɔmi 7:10

Ama e maa chɛr kegberge bumo nɛ b kishi mo na kusoe.

2 Tɛsalɔnikaebi 2:4

Kusɔ kama nɛ enyiŋgbasa bee bɛ so a kaŋɛ fanɛ k shi Ebɔrɛ kutɔ nna ŋko a tre kumo kabɔrɛshuŋ, alubipo na beeŋ ji kumo emɔrɔ ŋ ki kumo doŋ. E beeŋ wu mbe kumu hale n ya luri n chena bɔrɛlambu na to a tre mbe kumu Ebɔrɛ.

2 Timoti 3:2

Kumo be jemanɛ na so, basa beeŋ baa sha bumo nawule be amu nɛ amansherbi nsaa kɔ mpuchi damta nɛ kamoowu. Baaŋ baa kɔ nfɛl nsaa kini kenu n sa bumo tutoana nɛ bumo nioana nsaa la ebutuli a wɔtɔ a kplaŋ abɔrɛsheŋ so.

Taites 3:3

Ŋkpal manɛ so, saŋko anyi alɛ gba daŋ wuli nna a kɔ kumuleŋ nɛ ashuŋ lubi. An daa la anyi be eyurana be ayɛlgasɔ nɛ ebel be yiri kikɛ be anya nna. An daa wɔ kayurbesa be nfɛra lubi to nna a kishi beko nɛ beko malɛ daŋ kishi anyi.

Jeems 3:5

To, loŋ gbagba chap nɛ esa be kudonduloŋ du. K maŋ shi, ama kumo alɛ bee ji asɔgboŋ be njɔŋ ga. Ekama nyi kananɛ edɛ be kudondulombi ka bee tiŋ a chɔɔ kupuŋgboŋ ŋko?

Jeems 4:16

Ama menyi ka maa kaŋɛ loŋ ere, menyee wu men be amu nna na nsaa ji njɔŋ. Loŋ malɛ maŋ walɛ.

2 Pita 2:18

Ŋkpal manɛ so, njɔŋ be mmalga fuloŋ e naa lar bumo be nnɔ to, bumo alɛ nseŋ naa kɔ anishinyɔr be kayɛlgasɔ ashi bumo be eyurana to a pɛ basa nɛ b baŋ fara a sha kelara bumo be amu basa nɛ b wɔ kafule to.

Juud 1:16

Saŋkikɛ le be basa ere wɔtɔ nna a bile asheŋ a wu basa pɔtɛ kulubi. Baa bɛ bumo gbagba be ayɛlgasɔ lubiana so nna a wɔtɔ a puchi nsaa ta mmalga belbelso a fule basa pɔtɛ, saŋɛ na so baaŋ nya kusɔ nɛ baa sha.