Romebi 1:20 - EBƆRƐ BE KAWƆL

²⁰ Kashenteŋ malɛ nna fanɛ yili jemanɛ nɛ Ebɔrɛ baŋ to durnya kikɛ na m ba fo mbre, basa beeŋ tiŋ m pin kananɛ mbe edasheŋ nɛ basa maaŋ tiŋ n wu kenishiso na du, kumo e la fanɛ mbe eleŋ nɛ k maŋ kɔ ekar na nɛ kananɛ e la Ebɔrɛ kashenteŋto na. Bumo alɛ beeŋ tiŋ m pin amo to, ŋkpal mbe asɔtoso so. Loŋ so, b maaŋ tiŋ ŋ kini mo nseŋ ta bumo be amu n ya ji.

Romebi 1:20 ပူးပေါင်းရင်းမြစ်များ

Jɛnesis 1:1

Durnya be sososo na, esoso nɛ kasawule nɛ Ebɔrɛ to.

Jɛnesis 21:33

Kumo be kaman nɛ Eebraham duu kedibi ko nɛ baa tre tamariski na ashi Bɛshiba nseŋ bunyaŋ Enyɛnpe Ebɔrɛ nɛ e wɔ ŋkpa to mbaanaayɔ na be ketre ndoŋ.

Job be kawɔl 12:7

Menyi beeŋ tiŋ ŋ koya asɔ damta ashi mbuibi nɛ asɔbɔya kutɔ.

Nshɛ 104:31

An Nyɛnpe Ebɔrɛ, anyee kule nna fanɛ fo kemaŋkura e baa wɔtɔ mbaanaayɔ; saŋɛ na so, fo kagbene beeŋ baa fuli kusɔ kama nɛ fo wora so.

Nshɛ 104:5

Fo e to durnya n yili kumo be gbaltɔlase so, nɛ k maaŋ tiŋ ŋ gbuŋgbuŋ na.

Nshɛ 119:90

Fo kashenteŋji malɛ wɔtɔ nna n sa kekurgeto kama to ebi. Fo e to kasawule n nase kumo be kakpa, nɛ k dese dindiŋ a maa fifir.

Nshɛ 139:13

Fo e to ma eyur ere kikɛ, nseŋ bela ma n chuge abar so ashi n nio be kakurgesha to.

Nshɛ 8:3

N baŋ keni awɔlpa nɛ fo to, nɛ kananɛ fo ta kufɔl nɛ achɛkpabi n yili amo be eyilikpa,

Nshɛ 90:2

Pɔɛŋ nɛ fo to abeeana nɛ kasawule nɛ durnya kikɛ na, nɛ fo la Ebɔrɛ nna nsaa wɔtɔ mbaanaayɔ.

Aizaaya 26:4

Amoso an baa yirda Enyɛnpe Ebɔrɛ na saŋkama, nɛ e baa la fanɛ kefalta a kuŋ anyi saŋkikɛ.

Aizaaya 40:26

Maŋ anishi so ŋ keni awɔlpa so! Wanɛ e to achɛkpabi nɛ fee wu ere? Mo ere Ebɔrɛ nɛ e bee juŋkpar amo fanɛ benapo be ejuŋkparpo na, e nyi kananɛ amo kikɛ sa nɛ amo be kekama be ketre! Enyɛnpe Ebɔrɛ na be yuku shi ga, nɛ achɛkpabi na be kekama maa foe mo so.

Aizaaya 9:6

Ebɔrɛ sa anyi ebi ko! E sa anyi ebinyɛn! Mo e naŋ baa la anyi be ewura. Baaŋ tre mo Mamachi be asoetojipo, nɛ Ebɔrɛ Lempo nɛ Etuto nɛ e wɔtɔ Mbaanaayɔ nɛ Kayurwushi be Ewurbi.

Jɛremaya 5:21

Men nu nfe! Menyi basa wulpo nɛ men maŋ nyi asheŋ ere! Manɛ so nɛ menyi maa nu ma mmalga a bɛ amo so? Manɛ so nɛ menyi maa pin to fanɛ

Jɛremaya 51:15

Enyɛnpe Ebɔrɛ na e bɔla mbe eleŋgboŋ so n to durnya; mbe kanyiasheŋ so nɛ e bɔla n to esoso nɛ kasawule.

Matiu 5:45

saŋɛ na so menyeeŋ baa la men Tuto nɛ e wɔ ebɔrɛso na be mbia. Men baa nyi fanɛ mo ere gbagba maa kpɛa to a shin nɛ mbe epeŋi bee nyaŋɛ a yuu basa lela so a ka basa lubi, mo alɛ maŋ naa shin nɛ bɔrɛ bee ba a sa basa nɛ baa ji asheŋ nɛ amo be ekpa so a ka bumo nɛ b maa wora loŋ na.

Maak 10:6

Ama sososo na, kasɔto be jemanɛ na, b daŋ kaŋɛ fanɛ: ‘Ebɔrɛ pɔr bumo enyɛn nɛ eche nna.’

Baru lela nɛ Jɔn kute na 1:18

Esa kama maŋ naŋ wu Ebɔrɛ kenishiso. Ebinyɛn koŋwule, nɛ e tase m mata Ebɔrɛ na, nawule e ŋini basa kananɛ Ebɔrɛ du.

Baru lela nɛ Jɔn kute na 15:22

Kumo alɛ nɛ n daa maŋ ba nna m ba malga n sa bumo, b daa maaŋ tɔr alubi be ntaŋ, ama naniere b maaŋ tiŋ n ji n lar.

Ashuŋ Shunso 17:29

Ŋkpal anyi alɛ ka la mbe mbia so, an sa maa fɛ fanɛ Ebɔrɛ du fanɛ shuwa be kusɔ pɔrso ŋko gbiti be kusɔ pɔrso ŋko kejembu be kusɔ pɔrso ko nɛ nyiŋgbasa ta mo gbagba be kenyi be nfɛra n wora nna.

Ashuŋ Shunso 22:1

“M braana nɛ n tutoana, men lo to n nu ma kamalga nɛ mee sha kemalga ŋ kuŋ ma kumu ashi menyi kutɔ ere.”

Romebi 1:19

Ŋkpal manɛ so, asɔ nɛ basa beeŋ ta m pin Ebɔrɛ na baŋ dii efuli nna geeŋ a sa bumo, ŋkpal manɛ so, Ebɔrɛ gbagba e bugi amo to n sa bumo.

Romebi 16:26

Naniere bre, ŋkpal asɔ nɛ anebiana na sibɛ n nase na so so, kashenteŋ na dii efuli nna. Ŋkpal Ebɔrɛ nɛ e wɔ ŋkpa to na saŋkikɛ be kusɔ nɛ e yili na so, kusɔ kama bugi to nna n dese a sa efuli kama so ebi, saŋɛ na so, baaŋ yirda nseŋ nu n sa Ebɔrɛ.

Romebi 2:1

Amoso, manɛ be ekpa nɛ fo dimɛdi kɔ nsaa tiŋ a wu fo barkasa kulubi? Ŋkpal manɛ so, kanaŋkama nɛ fo du nseŋ wu fo barkasa kulubi, fee ji nna a bri fo gbagba be kumu nna na, ŋkpal manɛ so, asɔ koŋwule na nɛ fee wora.

Romebi 2:15

Bumo be asheŋ woraso na e naa ŋini fanɛ Ebɔrɛ ta asɔ nɛ mbra na bee ŋini na n wɔtɔ bumo be ŋgbene to. Nɛ bumo be elakal gba bee ŋini fanɛ kashenteŋ nna, ŋkpal manɛ so, saŋko bumo be nfɛra maa dese bumo ŋkpal alubi so, saŋko malɛ nɛ a bee yili bumo be kaman.

1 Kɔrintebi 1:20

To, nɛ kenya la loŋ, nnɛ nɛ benyiashempo ŋko nwɔlnyipoana ŋko durnya ere to be kanyiashenfinpowuraana naa yil? Ebɔrɛ maŋ ŋini fanɛ durnya ere to be kanyiasheŋ la kawulisheŋ nna a?

Ditɛronɔmi 33:27

Ebɔrɛ nɛ e wɔtɔ mbaanaayɔ na e la menyi be ekumpo. Mo e kɔ menyi mbe enɔana to na. Mo koŋwule na e naa ju men doŋana ashi menyi so na. Mo e naa malga nɛ menyee mur men doŋana na.

Ditɛronɔmi 4:19

Men sa maŋ kaŋ shin nɛ kechɔŋkeni e ba menyi so nɛ men gbir m bunyaŋ epeŋi ŋko kufɔl ŋko achɛkpabi kikɛ. Enyɛnpe, menyi be Ebɔrɛ na nyi fanɛ efuli pɔtɛana so be basa bre beeŋ baa sha amo be kebunyaŋ.

Kɔlɔsiebi 1:15

Ebɔrɛ Pibi na du fanɛ Ebɔrɛ nɛ basa maaŋ tiŋ n wu kikɛ na nna. Mo e la kusɔtoso kikɛ be enimu,

Kɔlɔsiebi 2:9

ŋkpal manɛ so, Yesu Kristo na to nɛ Ebɔrɛ nɛ mbe kusɔ kama wɔ.

1 Timoti 1:17

Bunyaŋ nɛ epaŋ be kedi e baa wɔ Ewurgboŋ nɛ e wɔ ŋkpa to saŋkikɛ na nɛ mo koŋwule nɛ e la kashenteŋ be Ebɔrɛ nɛ esa kikɛ maaŋ tiŋ n ta kenishi fuful n wu mo kikɛ na so mbaanaayɔ. Amɛn.

1 Timoti 6:16

Mo nawule kpeŋ e maa wu kikɛ nsaa wɔ kefulto parrbi nɛ esa kikɛ maaŋ tiŋ ŋ keni kumo kikɛ na to. Esa kama malɛ maŋ naŋ wu mo ŋ ku so, ekama malɛ maaŋ tiŋ n wu mo kikɛ. Bunyaŋ nɛ kuwurji nɛ k maŋ kɔ ekar e baa wɔ mo so. Amɛn.

Hibruwebi 11:27

Yirda so nɛ e daŋ lar Ijipt to nseŋ daa maŋ ŋana ewura na be agbo na. E daa kɔ mbe yirda na to nna kpakpa fanɛ e ka wu esa nɛ b maa wu kenishiso na.

Hibruwebi 9:14

kumo ere, kusɔ nɛ Yesu be ŋklaŋ na bre beeŋ tiŋ n wora shi pasaa. Ŋkpal manɛ so, e bɔla Kiyoyu nɛ e wɔ ŋkpa to saŋkama na so nna n ta mo gbagba be kumu nɛ k maŋ kɔ kulubi kikɛ na n lara sarga n sa Ebɔrɛ. Mbe ŋklaŋ na e naa fɔr anyi be ŋgbeneana to be nfɛra fɛsoana ashi amo be aworbi jiga to na, saŋɛ na so anyeeŋ tiŋ n shuŋ Ebɔrɛ nɛ e wɔ ŋkpa to na.