Romebi 1:18 - EBƆRƐ BE KAWƆL

¹⁸ Ama Ebɔrɛ bugi to ŋ ŋini basa kananɛ mbe agbo beeŋ shi ebɔrɛso m ba basa so ŋkpal alubi nɛ a wɔ bumo be ŋgbene to nɛ amo nɛ a dii efuli na kikɛ so. Bumo e la basa nɛ bumo be alubi na bee buu kashenteŋ na so basa be anishito na.

Romebi 1:18 ပူးပေါင်းရင်းမြစ်များ

Ɛksodɔs 23:7

Men sa maa ku efɛ a deŋi basa so, ŋko a ji demu a kaŋɛ fanɛ basa nɛ b maŋ wora n jija daga luwu. Esa kama nɛ e wora loŋ maaŋ ji n lar ma anishito kikɛ.

Romebi 1:19

Ŋkpal manɛ so, asɔ nɛ basa beeŋ ta m pin Ebɔrɛ na baŋ dii efuli nna geeŋ a sa bumo, ŋkpal manɛ so, Ebɔrɛ gbagba e bugi amo to n sa bumo.

Romebi 1:28

Ade malɛ kikɛ be kaman Ebɔrɛ yige bumo be asheŋ nna n sa bumo ŋkpal b ka kini kenyiŋi kashenteŋ be abɔrɛsheŋ na so nɛ b baa wɔtɔ a wora asheŋ nɛ a maŋ daga kikɛ.

Romebi 1:32

B nyi Ebɔrɛ be mbra na ka bee kaŋɛ fanɛ bekama nɛ b wɔ le be kebaawɔtɔ ere to daga luwu, ama b kraŋ pere kenishi nna a wora amo nsaa leŋ basa pɔtɛ gba to a wɔtɔ loŋ be asheŋ na be kewora to.

Romebi 2:3

Ama fo ere dimɛdi, asheŋ nɛ fo kɔ a wu basa kulubi ere gbagba nɛ fee wora, amoso, fee tama fanɛ feeŋ nya ŋ gelge Ebɔrɛ be demuji to a?

Romebi 3:9

To, naniere, nuso nɛ anyeeŋ kaŋɛ fanɛ anyi chɔ basa pɔtɛ ŋko? Cha, anyi maaŋ tiŋ ŋ kaŋɛ loŋ kikɛ, ŋkpal manɛ so, an teŋ wu fanɛ dimɛdi kikɛ, Juwebi nɛ basa pɔtɛ kikɛ wɔ alubi to nna.

Romebi 4:15

Ŋkpal manɛ so, mbra e naa shin nɛ Ebɔrɛ be agbo bee lar efuli. Kaplɛkama nɛ mbra maŋ wɔtɔ, kewora n da so malɛ gba maŋ wɔtɔ.

Romebi 5:6

Ŋkpal manɛ so, saŋɛ nɛ an daa maŋ kɔ eleŋ na nɛ Ebɔrɛ be jemanɛ fo nɛ Kristo wu n sa bumo nɛ b maŋ kɔ kabɔrɛŋana na.

Romebi 5:9

Ŋkpal manɛ so, naniere Kristo wu n shin nɛ an ji n lar Ebɔrɛ be anishito, amoso, mbe kumɔlga anyi kachako ashi Ebɔrɛ be agbo na bre to nɛ e maaŋ wora a?

Romebi 6:13

Menyi alɛ e sa maŋ naa shin nɛ menyi be eyurana be mba kama malɛ gba e naa wora kulubi nɛ men baa kɔ loŋ be kaba na a wora edalubisheŋ. Kusɔ nɛ k daga fanɛ men wora e la fanɛ men ta menyi be amu m bɔɔ Ebɔrɛ enɔ fanɛ basa nɛ b shi luwu to m ba luri ŋkpa to. Men ta menyi be eyurana kikɛ m bɔɔ mo enɔ nɛ e ta n shuŋ ashuŋ lela.

Ɛfesesebi 5:6

Men sa maŋ shin nɛ esa kama e ta mmalga fuloŋ n fule menyi, ŋkpal manɛ so, loŋ be asheŋ so nɛ Ebɔrɛ be demuji be agbo bee ba bumo nɛ b maa nu a sa mo na so.

Kɔlɔsiebi 3:6

Ebɔrɛ malɛ beeŋ gberge bumo nɛ b maa nu mbe kɔnɔ nsaa wɔtɔ a wora le be asheŋ na kusoe.

2 Tɛsalɔnikaebi 2:10

E beeŋ bar efɛ be edalubisheŋ damta m ba fule bumo nɛ baaŋ mur na. Baaŋ wu kasogberge be luwu na ŋkpal b ka kini kashenteŋ nɛ baaŋ bɔla kumo so n nya kumɔlga na so.

2 Tɛsalɔnikaebi 2:6

Naniere menyi alɛ gba nyi kusɔ nɛ k bee shin nɛ alubipo na maaŋ tiŋ m ba, ama mbe jemanɛ na ya fo nna nɛ e lar efuli.