Romebi 1:13 - EBƆRƐ BE KAWƆL

¹³ Bekurgepoana, mee sha fanɛ men baa nyi fanɛ saŋɛ damta nɛ ŋ kre keba menyi kutɔ be nia nɛ m ba shin nɛ basa e yirda Yesu kananɛ n shin nɛ nnyamase ko gba wora ashi mboŋ ko na, ama m maŋ nya kumo be ekpa.

Romebi 1:13 ပူးပေါင်းရင်းမြစ်များ

Aizaaya 27:6

Kachako bee ba nɛ Israɛl be basa nɛ b la Jeekɔb be kaman to ebi na e mur achin fanɛ kedibi nɛ k purge nseŋ wora atoto na. Saŋɛ na so bumo be asɔrso beeŋ chase durnya be kaplɛkama.

Baru lela nɛ Jɔn kute na 12:24

Ma e kaŋɛ menyi kashenteŋto na fanɛ kuyubi baa maŋ tɔr shishɛr to n wu, k beeŋ baa la keduusobi koŋwule nna saŋkikɛ. Ama nɛ fanɛ k baŋ tɔr shishɛr to ŋ kɔr pɔɛŋ nseŋ wu, k bee bar asɔrso damta nna.

Baru lela nɛ Jɔn kute na 15:16

Mannɛ menyi e lara ma, ma e lara menyi nseŋ kaŋɛ menyi fanɛ men ya nya asɔrso nɛ a beeŋ baa wɔtɔ a yɔ. Saŋɛ na so, Etuto na beeŋ sa menyi kusɔ kama nɛ men ta ma ketre ŋ kule mo.

Baru lela nɛ Jɔn kute na 4:36

Men keni asɔteŋipo na tea nya mbe kakɔka, mo alɛ bee teŋi asɔ nna a yili ŋkpa nɛ k maŋ kɔ ekar na be jemanɛ, saŋɛ na so, eduupo na nɛ eteŋipo na kikɛ be ŋgbene beeŋ fuli bumo.

Ashuŋ Shunso 1:15

Kumo be kaman nɛ beyirdapoana na kikɛ, b daŋ fo fanɛ basa kalfa nɛ adunyɔ, shɛr nɛ Pita niŋi to n yili m malga ŋ kaŋɛ:

Ashuŋ Shunso 14:27

B ka ba Antiɔk nɛ b shɛr asɔriebi na kikɛ ŋ kaŋɛ bumo asɔ nɛ bumo nɛ Ebɔrɛ wora kikɛ nɛ kananɛ e bugi ekpa n sa nnyamase gba nɛ b yirda.

Ashuŋ Shunso 15:12

Pɔɔl nɛ Baanabas ka bee kute Ebɔrɛ be etɔɔnɛsheŋ nɛ emamachisheŋ damta nɛ Ebɔrɛ shin nɛ b wora nnyamase na to be asheŋ ere nɛ basa na kikɛ la to boeŋ a nu.

Ashuŋ Shunso 19:21

Asheŋ nɛ a wora na be kaman nɛ Kiyoyu Cheeŋ na shin nɛ Pɔɔl yili kumo mbe kagbene to fanɛ e beeŋ bɔla Masɛdonia nɛ Griis to n ta n yɔ Jerusalɛm. Le nɛ e daŋ kaŋɛ: “A daga fanɛ, ŋ kaŋ yɔ ndoŋ, n fo Rom gba.”

Ashuŋ Shunso 21:19

Ndoŋ nna nɛ Pɔɔl chɔrɔ bumo nseŋ kaŋɛ bumo asɔ nɛ Ebɔrɛ bɔla mo so n wora nnyamase to kikɛ nyam.

Ashuŋ Shunso 28:14

An ka ba wu bebɛsopo ko ndoŋ nɛ b shin nɛ an ji bɔkwe bumo kutɔ. Asheŋ nɛ a daŋ wora anyi anyi be enite na to pɔɛŋ nɛ an ya fo Rom nna na.

Romebi 1:12

Kumo e la fanɛ nɛ n tiŋ m ba, menyi be yirda beeŋ leŋ ma to nɛ ma alɛ peya e leŋ menyi alɛ gba to.

Romebi 11:25

Ŋ kurgepoana, kashenteŋ be wulo ko wɔtɔ nɛ mee sha fanɛ men pin kumo, saŋɛ na so men maaŋ ta menyi be amu fanɛ basa nyiashempo. Kumo nde fanɛ kumu kpakpaso be kebaawɔtɔ nɛ k ba Israɛlebi so na maŋ ba nna nɛ k ba kaa wɔtɔ mbaanaayɔ, kumo be ekar e la saŋɛ nɛ nnyamase nɛ baaŋ nya kumɔlga na kikɛ ya loge nyam.

Romebi 7:1

Ŋ kurgepoana, m baa nyi men ka beeŋ pin kusɔ nɛ mee sha kekaŋɛ menyi ere to, ŋkpal manɛ so, men la basa nɛ b nyi mbra na nna. Kumo e la fanɛ nɛ esa kraŋ baa wɔ ŋkpa to bre, mbra na e naa ji mo so kuwura ŋko?

1 Kɔrintebi 1:10

Ŋ kurgepoana, mee ta an Nyɛnpe Yesu Kristo be ketre nna a kule menyi fanɛ men kikɛ e baa kɔ kɔnɔkoŋwule a wɔ abar so, saŋɛ na so kebarga to kikɛ maaŋ baa wɔ menyi to. Men baa kɔ nfɛra koŋwule nsaa wora asheŋ ekpa koŋwuleso.

1 Kɔrintebi 10:1

Bekurgepoana, mee sha fanɛ men pin fanɛ kuwɔlpa daŋ juŋkpar an tutoana kikɛ nna nɛ bumo kikɛ daŋ bɔla teku na so n choŋ.

1 Kɔrintebi 12:1

To, naniere ŋ kurgepoana, men shin nɛ an keni ŋkɛ mo nɛ a bee shi Kiyoyu na to na be asheŋ to. Mee sha fanɛ men baa nyi amo be asheŋ nna.

1 Kɔrintebi 14:20

Ŋ kurgepoana, men sa maa fɛ nfɛra fanɛ mbia. Alubi bre be kewora be kaplɛa so men baa la mbia, ama men be nfɛra bre to, men baa la basa kpar.

1 Kɔrintebi 14:26

To, ŋ kurgepoana, naniere manɛ e naŋ ka nɛ an kaŋɛ? Men baŋ ba shɛr asɔri to, eko beeŋ baa kɔ kapandi be kashɛ ŋko keŋini ko ŋko kelaraŋŋini be kesheŋ ko ŋko ŋgbar nɛ e maa nu be kegbar ŋko amo be kifito be kekute. A daga fanɛ men baa wora ade kikɛ nɛ asɔriebi na e nya kechɛto n yɔ anishito.

1 Kɔrintebi 9:2

Nɛ m maŋ la beko be eshuŋipo gba, emɔrɔ maŋ wɔtɔ fanɛ n la menyi alɛ be eshuŋipo. Ŋkpal manɛ so, menyi e la ma kebaa la eshuŋipo be tɔɔnɛ ashi Enyɛnpe na to.

2 Kɔrintebi 1:8

Bekurgepoana, anyee sha fanɛ men pin kekɔrfɛ mo nɛ b kɔrfɛ anyi ashi Eeshia be kasawule so nna. Kashenteŋto, asheŋ nɛ b daŋ ta n tu anyi na daŋ wora anyi egbɛ ga n ya kaa pɔɔ anyi so, nɛ an daa fɛ fanɛ anyi be ŋkpaana loge durnya to.

2 Kɔrintebi 2:14

Ama anyee chɔrɔ Ebɔrɛ ga, ŋkpal manɛ so, mo e naa shin nɛ anyee tu Kristo a nite kekɔmpɔɔso be ekpa so nseŋ naa bɔla anyi so a shin nɛ Kristo be kenyi bee sɔ kaplɛkama fanɛ efɛa belbelso na.

Galeeshaebi 3:15

Bekurgepoana, men shin nɛ n ta durnya ere to be kesheŋ ŋ kesar kesheŋ ere. Nɛ fanɛ durnya ere to be basa anyɔ baŋ nase kɔnɔ n sa abar, bumo be ekama maaŋ tiŋ n naŋ wora n da kɔnɔ naseso na so ŋko n ta kusɔ ko n naŋ ti kumo so. To, loŋ nɛ kesheŋ na du Ebɔrɛ be kaplɛa so.

Galeeshaebi 6:18

Ŋ kurgepoana, an Nyɛnpe Yesu Kristo be kuwɔr be kakɛ na e baa wɔ men kikɛ so nyam. Amɛn.

Filipaiebi 1:22

Ama nɛ fanɛ ŋ ka wɔ ŋkpa to ere nɛ meeŋ tiŋ n shuŋ ashuŋ nɛ a kɔ kifito bre, kumo ere m maŋ nyi asɔ anyɔ na to be kumo nɛ meeŋ lara.

Filipaiebi 4:17

Mannɛ fanɛ mee sha kechɛto nna so nɛ mee malga le ere, ama nɛfa nɛ mee sha fanɛ Ebɔrɛ e ta n ti menyi so so.

Kɔlɔsiebi 1:10

Loŋ nɛ menyeeŋ baa kɔ kebaawɔtɔ nɛ k daga Enyɛnpe na be basa ka kɔ nɛ men be asheŋ e baa par mo nɛnɛ nɛ men baa wora kelela be yiri kikɛ m baa pin Ebɔrɛ nɛnɛ a ti so.

Kɔlɔsiebi 1:6

Men chɛr n nu amo be asheŋ kashenteŋ be kubɔya na to, kumo e la baru lela nɛ Epafras bɔ n sa menyi na. Baru lela na e naa shin nɛ basa bee wora kelela durnya to kikɛ. Basa nɛ baa yirda baru na gba bee wora keshi nna fanɛ kananɛ k bee wora menyi to yili jemanɛ nɛ men nu baru lela na m pin nɛnɛ kananɛ Ebɔrɛ kɛ basa mbe kuwɔr be kakɛ kashenteŋto nna.

1 Tɛsalɔnikaebi 2:18

An daa naa sha kenaŋ bɛta n yɔ menyi kutɔ nna, ama Setani maŋ yige anyi kikɛ. Ma Pɔɔl gbagba fin ekpa kanaŋkama ŋ gben.

1 Tɛsalɔnikaebi 4:13

Bekurgepoana, anyee sha men ka pin beyirdapo nɛ b wu na be asheŋ nɛ men be ŋgbene e sa maŋ kaŋ jija menyi fanɛ basa nɛ b maŋ kɔ tama na.

2 Tɛsalɔnikaebi 2:7

Daŋga be asheŋ lubi be kewora na bre teŋ fara, ama asɔ nɛ a beeŋ wora na be eleŋ gbagba maŋ naŋ lar efuli she emo nɛ e bee kuŋ amo ekpa na lar ashi to nna.

2 Timoti 4:17

Ama Enyɛnpe bre maŋ shile ma, e sa ma eleŋ nna nɛ n tiŋ m bɔ kubɔya na kikɛ nyam n sa nnyamase na kikɛ nseŋ nya ŋ gelge ebuluŋ be nnɔ to be keluri.