Romebi 1:1 - EBƆRƐ BE KAWƆL

¹ Kawɔl ere shi ma Pɔɔl nɛ n la Kristo Yesu be kenya na kutɔ nna. Ebɔrɛ e tre ma nseŋ lara ma ashi ma basa to n shin nɛ ŋ ki mbe eshuŋipo nɛ m ba kaa bɔ mbe baru lela na.

Romebi 1:1 ပူးပေါင်းရင်းမြစ်များ

1 Kronikɛls 23:13

Amram nɛ e daa la mo pibinyɛn nimuso na be mbia e daa la Ɛɛrɔn nɛ Mosis. Ɛɛrɔn nɛ mbe kaman to ebi nɛ b daŋ lara n yili fanɛ b baa keni asɔ cheembi na so mbaanaayɔ. Bumo alɛ e naaŋ baa chɔɔ duwu saŋɛ so nɛ baa bunyaŋ Enyɛnpe Ebɔrɛ na, nsaa shuŋ mo a kule mo fanɛ e baa nɛfa mbe basa.

Aizaaya 49:1

Ekama e nu nfe! Menyi nɛ men wɔ efuli pɔtɛana nɛ a wɔ teku be kaba ndoŋ na gba, e nu nfe. Enyɛnpe Ebɔrɛ na e lara ma nɛ m baa la mbe kenya, nseŋ nase ma ketre pɔɛŋ nɛ b kurge ma.

Jɛremaya 1:5

“Jɛremaya, pɔɛŋ nɛ n to fo n wɔtɔ fo nio be epun to nɛ e kurge fo, n lara fo nna n yili fanɛ ma anebi n sa efuliana so be basa.”

Maak 1:14

B ka ti Jɔn ebu na be kaman nɛ Yesu yɔ Galili be kasawule so n ya malga Ebɔrɛ be baru lela na. E yɛ:

Baru lela nɛ Jɔn kute na 12:26

Esa kama nɛ e bee shuŋ ma, e baa bɛ ma so nɛ kaplɛkama malɛ nɛ n wɔ, ndoŋ nɛ ma kenya gba beeŋ baa wɔ. N Tuto malɛ beeŋ bunyaŋ esa kama nɛ e bee shuŋ ma.”

Baru lela nɛ Jɔn kute na 15:15

M maŋ naa tre menyi ma anya, ŋkpal manɛ so, kenya maa pin mo nyɛnpe be asheŋ woraso to. Naniere bre mee tre menyi n teriana nna, ŋkpal manɛ so, kusɔ kama nɛ ŋ koya ashi n Tuto na kutɔ, m maŋ ta amo ŋ ŋana menyi so.

Baru lela nɛ Jɔn kute na 15:20

Men baa nyiŋi kananɛ n daŋ kaŋɛ menyi na fanɛ: ‘Kenya maŋ chɔ mo nyɛnpe’. Nɛ durnya ere to ebi baŋ tɔrɔ ma, kumo ere baaŋ tɔrɔ menyi alɛ gba. Nɛ b baŋ ta ma mmalga n wɔtɔ bumo be ŋgbene to, baaŋ ta menyi alɛ gba peya n wɔtɔ bumo be ŋgbene to.

Ashuŋ Shunso 13:9

Nɛ Kiyoyu Cheeŋ na luri m bɔlɔ Sɔɔl, mo koŋwule e la Pɔɔl na to nɛ e keni ŋkilgiwura na be anishito nseŋ kaŋɛ:

Ashuŋ Shunso 20:24

Kusɔ nɛ k tir ma e la kananɛ meeŋ tiŋ n loge Enyɛnpe Yesu be kushuŋ nɛ e sa ma na. Kumo alɛ e la kebɔ Ebɔrɛ be kuwɔr be kakɛ na be baru lela na.

Ashuŋ Shunso 21:40

Ndoŋ nna nɛ benapo be enimu na sa Pɔɔl ekpa nɛ e yili ebu na be kabondiikpa nseŋ wora basa na enɔ nɛ b la to nɛ e malga Hibruw to ŋ kaŋɛ:

Ashuŋ Shunso 22:21

Nɛ Enyɛnpe kaŋɛ ma: ‘Lar nɛ n shuŋi fo kufɔ kufɔ nnyamase kutɔ.’ ”

Ashuŋ Shunso 22:7

Ndoŋ nna nɛ n tɔr kasawule nseŋ nu ebɔl ka bee bishi ma: ‘Sɔɔl, Sɔɔl, manɛ e ba nɛ fee tɔrɔ ma?’

Ashuŋ Shunso 26:1

Nɛ Agripa kaŋɛ Pɔɔl: “N sa fo ekpa nɛ fo malga ŋ kuŋ fo kumu.” Nɛ Pɔɔl teŋi mbe enɔ to nseŋ fara a malga le a kuŋ mbe kumu:

Ashuŋ Shunso 26:14

Ndoŋ nna nɛ anyi kikɛ tɔr kasawule nɛ n nu ebɔl ko ka bee bishi ma Hibruw to: ‘Sɔɔl, Sɔɔl, manɛ e ba nɛ fee tɔrɔ ma? Fo gbagba be kumu nɛ fee doro fanɛ kananɛ kena bee to keya a sela mo nyɛnpe be kekpabi a doro mo gbagba be kumu na.’

Ashuŋ Shunso 27:23

Ŋkpal manɛ so, ndre kanyɛso Ebɔrɛ nɛ e wɔ ma nɛ mee bunyaŋ mo na be malaika kaŋ ba ma kutɔ nna m ba kaŋɛ ma:

Ashuŋ Shunso 9:15

Nɛ Enyɛnpe kaŋɛ: “Fo ere e yɔ de, ŋkpal manɛ so, ma e lara mo nɛ e baa shuŋ ma n shin nɛ nnyamase nɛ bewura nɛ Israɛlebi e pin ma.

Romebi 1:16

M maa wora baru lela na be anishinyɔr kikɛ, ŋkpal manɛ so, kumo so nɛ Ebɔrɛ bee bɔla a ŋini mbe eleŋ a mɔlga basa kama nɛ baa yirda na. Juwebi e nya kumo be loŋ be ekpa pɔɛŋ nseŋ ta nnyamase, bumo nɛ b maŋ la Juwebi na m bɛ so.

Romebi 1:5

Mo so nɛ Ebɔrɛ bɔla n wu ma kuwɔr n sa ma ekpa fanɛ m baa la eshuŋipo ŋkpal Yesu koŋwule na be ketre so nɛ efuli kama so ebi e ba yirda mo nseŋ fara a nu a sa mo.

Romebi 1:9

Ebɔrɛ nɛ n ta ma kagbene kikɛ nyam a bɔ mo Pibinyɛn be baru lela na gbagba e la ma shɛdajipo a nyi menyi be asheŋ ka baa wɔ ma kagbene to ashi ma kabɔrɛkule to saŋkikɛ.

Romebi 11:13

To, naniere, menyi nnyamase nɛ mee malga a sa na. Ŋ ka baa la nnyamase be eshuŋipo ere bre, meeŋ baa puchi ma kushuŋ na so.

Romebi 15:16

Mee shuŋ nna fanɛ bɔrɛmatapo a wɔtɔ a bɔ baru lela nɛ a shi Ebɔrɛ kutɔ na nna a sa nnyamase, saŋɛ na so, baaŋ baa du fanɛ kakɛ nɛ k bee par mo ere Ebɔrɛ nɛ Kiyoyu Cheeŋ na lara m bɔɔ mo enɔ na.

Romebi 15:29

M baa nyi fanɛ ŋ kaŋ ba menyi kutɔ ma nɛ Kristo be nɛfa kikɛ nyam e naaŋ ba menyi to.

Romebi 16:18

Ŋkpal manɛ so, mannɛ an Nyɛnpe Yesu Kristo na nɛ loŋ be basa na bee shuŋ na, bumo gbagba be epunana nɛ baa shuŋ a sa. Kɔnɔ belbelso nɛ ŋkpaŋ fuloŋ nɛ b kɔ a fule basa nɛ b maŋ nyi asheŋ to.

Romebi 16:25

Kemaŋkura e baa wɔ Ebɔrɛ nɛ e beeŋ shin nɛ men baa kɔ menyi be yirda na to a yil kpakpa ŋkpal baru lela nɛ m bɔ n sa menyi m malga Kristo be kubɔya na be asheŋ na so nɛ ŋkpal kashenteŋ be wulo nɛ k daŋ ŋana dra dra na kikɛ so.

1 Kɔrintebi 1:1

Kawɔl ere shi ma Pɔɔl nɛ Ebɔrɛ kpal mo gbagba be keparso n tre ma fanɛ m ba ki Kristo Yesu be eshumpo na nɛ an kurgepo Sɔstenis kutɔ nna a yɔ Ebɔrɛ be asɔriebi nɛ b wɔ Kɔrint be kade to na kutɔ.

1 Kɔrintebi 9:1

Men shin nɛ an bishi menyi kusɔ ko. M maŋ wɔ ma kumu nna a? Mannɛ eshuŋipo e la ma a? M maŋ naŋ wu an Nyɛnpe Yesu nna a? Mannɛ menyi e la kushuŋ nɛ mee shuŋ a sa Enyɛnpe na be tɔɔnɛ a?

2 Kɔrintebi 1:1

Kawɔl ere shi ma Pɔɔl nɛ m bɔla Ebɔrɛ be keparso so a la Kristo Yesu be eshuŋipo na nɛ an kurgepo Timoti kutɔ nna a yɔ Ebɔrɛ be asɔriebi nɛ b wɔ Kɔrint be kade to nɛ Ebɔrɛ be basa nɛ b wɔ Griis be kasawule so kikɛ na kutɔ.

2 Kɔrintebi 11:5

Ma alɛ bee tama fanɛ men be beshuŋipo mo nɛ baa tre beshuŋipogboŋana ere maŋ chɔ ma gbrɛ kama gba.

2 Kɔrintebi 11:7

Ŋ ka daŋ bɔ Ebɔrɛ be baru lela n sa menyi na, n daa maŋ sɔ menyi shɛŋ. Ŋ ka daŋ bar ma kumu kaseto loŋ nɛ menyi ere e dii na, kulubi ko nɛ n daŋ wora a?

2 Kɔrintebi 12:11

Mee wora asheŋ fanɛ ewulpo nna, ama menyi e shin nɛ ŋ ki loŋ. Menyi e daŋ daga fanɛ men baa chɔrɔ ma. Ŋkpal manɛ so, nɛ m maŋ la shɛŋ gba, beshuŋipo nɛ menyee tre beshuŋipogboŋ ere maŋ bɔ ma.

2 Kɔrintebi 2:12

Ŋ ka daŋ ba Trowas be kade to nɛ m ba bɔ Kristo be baru lela na, n wu fanɛ kashenteŋto Enyɛnpe bugi kushuŋ na be ekpa.

2 Kɔrintebi 4:5

Ŋkpal manɛ so, mannɛ anyi gbagba be asheŋ be baru nɛ anyee bɔ, Yesu Kristo be baru nɛ anyee bɔ a kaŋɛ fanɛ mo e la Enyɛnpe na nɛ anyi alɛ la men be beshumpo ŋkpal Yesu so.

Galeeshaebi 1:1

Kawɔl ere shi ma Pɔɔl nɛ n la eshuŋipo na kutɔ nna a yɔ menyi Galeesha be efuli so ebi be asɔriana na kutɔ. M maŋ la esa nɛ edimɛdi tre n shuŋi ŋko esa nɛ b bɔla edimɛdi so n tre n shuŋi nna, ama n la esa nɛ Yesu Kristo nɛ Ebɔrɛ Etuto nɛ e tiŋi mo koŋwule Kristo ashi luwu to na tre n shuŋi nna.

Ɛfesesebi 1:1

Kawɔl ere shi ma Pɔɔl nɛ n la Kristo Yesu be eshuŋipo ŋkpal Ebɔrɛ be keparso na kutɔ nna a yɔ menyi, Ebɔrɛ be basa nɛ men wɔ Ɛfeses be kade to a bugi epunto a bɛ Kristo Yesu so na kutɔ.

Ɛfesesebi 1:13

Ŋkpal kusɔ nɛ e wora na so, menyi alɛ gba ka daŋ nu kashenteŋ be kubɔya nɛ k bee bar menyi kumɔlga na, men yirda Kristo, nɛ Ebɔrɛ ta mbe ndulgi n dulgi menyi na. Kiyoyu Cheeŋ nɛ e nase kɔnɔ fanɛ e beeŋ sa na nɛ e ta n sa a ŋini fanɛ e dulgi anyi.

Ɛfesesebi 4:11

Mo koŋwule na e daŋ ta basa ko ŋ ki beshuŋipo n shin nɛ bede malɛ ki abɔrɛsheŋ be bewuŋkaŋɛpoana nɛ bede malɛ ki baru lela be mbɔ nseŋ shin nɛ bede malɛ ki epasta nɛ beŋinipo.

Ditɛronɔmi 10:8

Ashi Sainai be kebeegboŋ na ase na nɛ Enyɛnpe Ebɔrɛ na lara Livai be yiri to be basa ko fanɛ b baa keni kɔnɔkoŋwule be ŋkre be deka na so nsaa shuŋ bɔrɛmatapoana be kushuŋ nseŋ naa nɛfa eyiri nɛ a ka na ashi mbe ketre to. Loŋ nɛ b kraa wora hale nɛ mbre.

Filipaiebi 1:1

Kawɔl ere shi ma Pɔɔl nɛ Timoti nɛ an la Kristo Yesu be anya na kutɔ nna. K bee yɔ menyi kikɛ nɛ men la Ebɔrɛ be basa ashi Yesu Kristo to nɛ men be asɔriana to be bejuŋkparpoana nɛ bechɛtopoana nɛ men kikɛ wɔ Filipai be kade to na kutɔ nna.

Filipaiebi 2:11

Ekama beeŋ gbir loŋ nseŋ bugi kɔnɔ basa kikɛ to ŋ kaŋɛ fanɛ Yesu Kristo e la Enyɛnpe na nɛ Ebɔrɛ Etuto na e nya kemaŋkura.

Kɔlɔsiebi 1:1

Kawɔl ere shi ma Pɔɔl nɛ n la Yesu Kristo be eshuŋipo ŋkpal Ebɔrɛ be keparso nɛ an kurgepo Timoti kutɔ nna

Kɔlɔsiebi 1:25

M ba ki asɔriebi na be eshumpo nna, ŋkpal manɛ so, Ebɔrɛ e lara ma fanɛ n chɛ menyi to nseŋ bɔ Ebɔrɛ be kubɔya na n sa basa kikɛ.

1 Tɛsalɔnikaebi 2:2

Men nyi kananɛ b tɔrɔ anyi n tege anyi ashi Filipai pɔɛŋ nɛ an ba menyi kutɔ ashi Tɛsalɔnika. Kɔnɔgberge damta daa wɔtɔ, ama anyi be Ebɔrɛ sa anyi kenyɛn nɛ an bɔ kubɔya lela nɛ k shi mo kutɔ na n sa menyi.

1 Tɛsalɔnikaebi 2:8

Mannɛ fanɛ baru lela nɛ k shi Ebɔrɛ kutɔ na nawule nɛ an daŋ bugi kagbene n sa menyi, ama an daŋ ta an be amu kikɛ gba nna n sa menyi kashaso, ŋkpal manɛ so, men be asheŋ daa wɔ an be ŋgbene to ga.

1 Tɛsalɔnikaebi 2:9

Bekurgepoana, m baa nyi fanɛ menyee nyiŋi kananɛ an mɔ anyi be amu n shuŋ saŋɛ nɛ an daa wɔ men kutɔ a malga Ebɔrɛ be baru lela na a sa menyi na ŋko? Kapa nɛ kanyɛ kikɛ nɛ an daa shuŋ, ŋkpal manɛ so, an daa maa sha keshin nɛ men be ekama e baa wɔ kegben to.

1 Timoti 1:1

Kawɔl ere shi ma Pɔɔl nɛ n la Kristo Yesu be eshuŋipo ŋkpal Ebɔrɛ an be Emɔlgapo be keparso nɛ Kristo Yesu nɛ an be tama wɔ mo so na kutɔ nna

1 Timoti 2:7

Amoso nɛ Ebɔrɛ lara ma fanɛ m baa la eshuŋipo nɛ nnyamase be eŋinipo a bɔ yirda nɛ kashenteŋ be kubɔya na. M maa fule nna, kashenteŋ nɛ mee ji.

2 Timoti 1:11

Ebɔrɛ lara ma nna fanɛ m baa la baru lela na be emalgapo nɛ eshuŋipo nɛ eŋinipo.

Taites 1:1

Kawɔl ere shi ma Pɔɔl nɛ n la Ebɔrɛ be kenya nɛ Yesu Kristo be eshuŋipo na kutɔ nna. B shuŋi ma nna nɛ m ba shin nɛ Ebɔrɛ be basa laraso be yirda e wora keshi n ti so nɛ loŋ e shin nɛ b baa kɔ kabɔrɛŋana bumo to nseŋ naa pin kashenteŋ nɛ anyi be kabɔrɛbɛso ere bee ŋini

Hibruwebi 5:4

Esa kama maaŋ tiŋ n ta le be bunyaŋ be kushuŋ ere n sa mo gbagba be kumu. Ebɔrɛ nawule e naaŋ tre esa n ta loŋ be kushuŋ m bɔɔ mo enɔ fanɛ kananɛ e daŋ tre Ɛɛrɔn na nɛ e daŋ juŋkpar ŋ ki bɔrɛmatapo nimuso na.

Hibruwebi 7:26

Amoso, mo e la bɔrɛmatapo nimuso nɛ e beeŋ tiŋ ŋ keni anyi be asheŋ to nɛnɛ n sa anyi. Mo e du cheembi nɛ shɛŋ maŋ gbiti mo, kulubi kama malɛ maŋ wɔ mo to. Ebɔrɛ lara mo nna nɛ e maŋ wɔ alubiworapoana to nseŋ maŋ mo so n yɔ esoso a chɔ awɔlpa so.

Jeems 1:1

Kawɔl ere shi ma Jeems nɛ n la Ebɔrɛ nɛ Enyɛnpe Yesu Kristo be kenya na kutɔ nna a yɔ menyi Israɛlebi be nnaŋ kuduanyɔ nɛ men pesaŋ to a wɔ durnya kikɛ to na kutɔ. Mee chɔrɔ menyi kikɛ.

1 Pita 4:17

Demu be kejiachɛ na taga to, Ebɔrɛ malɛ be kowu to ebi to nɛ k bee fara. Nɛ k baŋ fara anyi to bre, nuso nɛ asheŋ beeŋ ba kaa du n sa basa nɛ b maa nu a sa Ebɔrɛ be baru lela na?

2 Pita 1:1

Kawɔl ere shi ma, Saimɔn Pita nɛ n la Yesu Kristo be kenya nɛ mbe eshuŋipo na kutɔ nna a yɔ menyi nɛ men bɔla Yesu Kristo an be Ebɔrɛ nɛ an be Emɔlgapo be kananɛ e niŋi ekpa so so n nya yirda koŋwule nɛ anyi alɛ gba kɔ na kutɔ. Anyi be yirda na maŋ kɔ ebarkasa kikɛ.

Juud 1:1

Kawɔl ere shi ma Juud, Jeems mo sipo nɛ n la Yesu Kristo be kenya na kutɔ nna a yɔ bumo nɛ Ebɔrɛ Etuto na bee sha nseŋ tre bumo m ba kaa keni bumo so ŋkpal Yesu Kristo so na kutɔ.

Kelaraŋŋini 1:1

Yesu Kristo be asɔ nɛ Ebɔrɛ sa mo nɛ e lara ŋ ŋini mbe anya nde. A la asɔ nɛ a maaŋ chɛr nseŋ wora nna nɛ e shuŋi mbe kabɔ fanɛ e ba lara amo ŋ ŋini ma, mbe kenya Jɔn

Kelaraŋŋini 22:6

Nɛ malaika na kaŋɛ ma le: “Mmalga ere la kashenteŋ nna nɛ baaŋ tiŋ n yirda amo. Amo alɛ so nɛ Enyɛnpe Ebɔrɛ malɛ ta mbe Kiyoyu na n sa mbe anebi nseŋ shuŋi mbe malaika fanɛ e ba ŋini mbe anya asɔ nɛ a maaŋ naŋ chɛr nseŋ wora na kikɛ.

Kelaraŋŋini 22:9

nɛ e kaŋɛ ma le: “A maŋ daga fanɛ fo wora loŋ. Ma alɛ gba la fo nɛ fo niopibiana anebiana nɛ bumo nɛ baa ta kawɔl ere to be mmalga a wɔtɔ bumo be ŋgbene to na bumo barkasa kenya nna. Ebɔrɛ e daga fanɛ fo baa maŋ mo so.”