Hale nɛ m puchi eleŋ nɛ Enyɛnpe sa anyi fanɛ an ta a chɛ menyi to nɛ men baa yɔ anishito, mannɛ fanɛ an ta n jija menyi na so n ti so gba, k maaŋ pɛ ma anishinyɔr kikɛ.
Kashenteŋto, n shuli kejija fanɛ anyi ere ka daa maŋ tiŋ n nya kagbene n wora loŋ. Ama kusɔ kama nɛ esa kama beeŋ tiŋ n nya kagbene m puchi kumo so, mee malga fanɛ ewulpo nna na, ma alɛ gba beeŋ tiŋ n nya kagbene m puchi loŋ!
Kumo alɛ maŋ naŋ daga men ka wɔ kawuli be mmalga ŋko epel lubiana be kebaawɔtɔ to. Loŋ be asheŋ maŋ daga. Kusɔ nɛ k daga men ka kɔ men be kebaawɔtɔ to e la kabɔrɛchɔrɔ.
Men nyi kananɛ b tɔrɔ anyi n tege anyi ashi Filipai pɔɛŋ nɛ an ba menyi kutɔ ashi Tɛsalɔnika. Kɔnɔgberge damta daa wɔtɔ, ama anyi be Ebɔrɛ sa anyi kenyɛn nɛ an bɔ kubɔya lela nɛ k shi mo kutɔ na n sa menyi.
An daa beeŋ tiŋ n shin nɛ men wora kusɔ kikɛ n sa anyi ŋkpal an ka la Yesu be beshuŋipo so, ama an daa maŋ fin mbo ashi esa kikɛ kutɔ ŋko menyi gbagba kutɔ ŋko basa pɔtɛ kutɔ.