Failimɔn 1:7 - EBƆRƐ BE KAWƆL

⁷ Ekurgepo, kasha nɛ fo kɔ na leŋ ma to ga n shin nɛ ma kagbene fuli ma ga, ŋkpal manɛ so, fo leŋ beyirdapoana na to.

Failimɔn 1:7 ပူးပေါင်းရင်းမြစ်များ

1 Kɔrintebi 16:18

Ŋkpal manɛ so, b leŋ ma to nseŋ leŋ menyi alɛ gba to loŋ. Loŋ be basa na daga fanɛ men baa sa bumo bunyaŋ.

2 Kɔrintebi 7:13

To, kusɔ nɛ k baŋ leŋ anyi to ga nna na. Ama kusɔ nɛ k ti anyi be keleŋto ere so e la fanɛ anyi be ŋgbene fuli anyi ga ŋkpal Taites be kagbenefuliso Mbe kagbene baŋ fuli mo nna ŋkpal men kikɛ ka daŋ wushi mo kagbene so.

2 Kɔrintebi 7:4

Ma yirda shi menyi so ga nɛ mee ji njɔŋ ga ŋkpal menyi so. Ma kagbene kikɛ baa dese ma nna, hale anyi be kekɔrfɛ ere kikɛ to, ma kagbene baŋ fuli ma nna parr.

1 Tɛsalɔnikaebi 1:3

Ŋkpal manɛ so, an baa kule anyi be Ebɔrɛ Etuto na, anyee nyiŋi kananɛ men ta men be yirda a shuŋ kushuŋ nɛ kananɛ men be kasha shin nɛ men mɔ men be amu a shuŋ. Anyee kaa nyiŋi kananɛ men kɔ tama kpakpaso an Nyɛnpe Yesu Kristo so ashi an be Ebɔrɛ Etuto na be anishito.

1 Tɛsalɔnikaebi 2:13

Saŋkama anyee chɔrɔ Ebɔrɛ ga ŋkpal kananɛ men sɔ Ebɔrɛ be kubɔya nɛ an daŋ bar menyi na so. Men sɔ kubɔya na fanɛ Ebɔrɛ peya. Kashenteŋ malɛ nna fanɛ Ebɔrɛ be kubɔya nna, kumo alɛ e wɔ menyi beyirdapo to a shuŋ na.

1 Tɛsalɔnikaebi 2:19

Ŋkpal manɛ so, basa mo malɛ so nɛ anyi be tama nɛ kagbenefuli nɛ kekɔmpɔɔso be kakɛ nɛ anyeeŋ nya na naa wɔ? Menyi nawule so nɛ anyeeŋ tiŋ n nya kemaŋkura ashi an Nyɛnpe Yesu Kristo be anishito saŋɛ nɛ e beeŋ naŋ ba na. Menyi e la anyi be tama nɛ kagbenefuli.

1 Tɛsalɔnikaebi 3:9

Naniere anyeeŋ tiŋ n chɔrɔ Ebɔrɛ ŋkpal menyi so. Anyee chɔrɔ anyi be Ebɔrɛ na ŋkpal kagbenefuli nɛ e sa anyi ŋkpal menyi so na so.

2 Timoti 1:16

Enyɛnpe e baa wu Onɛsifɔres be kowu to ebi kuwɔr, ŋkpal manɛ so, e leŋ ma to ale damta. E daa maŋ wora ma kabuti ere be anishinyɔr kikɛ,

Failimɔn 1:20

Amoso, ekurgepo, jande kpal Enyɛnpe na so n wora ma kelela. Leŋ ma to fanɛ fo kurgepo ashi Kristo to.

2 Jɔn 1:4

Kowurche, ŋ ka pin fanɛ fo mbia ko wɔ kashenteŋ be kebaawɔtɔ na to fanɛ kananɛ Ebɔrɛ Etuto na nase na, ma kagbene fuli ma paa.