Failimɔn 1:24 - EBƆRƐ BE KAWƆL

²⁴ Maak gba nɛ Aristaakes nɛ Diimas nɛ Luuk nɛ bumo kikɛ la m braana beshumpo na bee chɔrɔ fo.

Failimɔn 1:24 ပူးပေါင်းရင်းမြစ်များ

Ashuŋ Shunso 12:12

E ka pin kumo be loŋ nɛ e yɔ Jɔn Maak mo nio Mɛɛri pe. Kumo be jemanɛ na nɛ basa damta ko shɛr ndoŋ a kule Ebɔrɛ.

Ashuŋ Shunso 12:25

Baanabas nɛ Sɔɔl ka loge bumo be kushuŋ nɛ b keta Jɔn Maak nɛ mo nɛ bumo lar Jerusalɛm to m bɛta n yɔ.

Ashuŋ Shunso 13:13

Ndoŋ nna nɛ Pɔɔl nɛ mo braana luri ekuloŋgboŋ to ashi Pafɔs n ta n ya fo Pɛga nɛ k wɔ Pamfilia na. Nɛ Jɔn Maak ba yige bumo ndoŋ nseŋ bɛta n yɔ Jerusalɛm.

Ashuŋ Shunso 19:29

Ndoŋ nna nɛ kebagato na sɔ kade na to kikɛ nɛ jimaŋ yenso na nyaŋ Gayes nɛ Aristaakes, Masɛdonia be basa anyɔ ko nɛ bumo nɛ Pɔɔl daa na na ŋ gberge bumo n yɔ kade na be nshɛrkpa.

Ashuŋ Shunso 27:2

Adramitiam nɛ an daŋ yili n luri ekuloŋgboŋ ko nɛ k daŋ bela ase a yil nɛ k yɔ Eeshia be efuli so be teku be nnɔ ase na to n yɔ. Anyi nɛ Masɛdonia be esa nɛ e shi Tɛsalɔnika nɛ baa tre mo Aristaakes na e daa la.

2 Kɔrintebi 8:23

Taites bre, m barkasa nna nɛ ma nɛ mo bee shuŋ nɛ an chɛ menyi to. Ama bekurgepo mo nɛ b tu mo a yɔ na bre, asɔriana na be katelamu to nɛ b yil a yɔ menyi kutɔ na a sa Kristo na kemaŋkura.

Filipaiebi 2:25

Mee fɛ nna fanɛ a daga fanɛ n naŋ shin nɛ Epafrodaites e bɛta n yɔ menyi kutɔ. E la ŋ kurgepo nɛ m barkasa eshumpo nɛ m barkasa ekɔpo nɛ mo koŋwule na naa la men be kabɔ nɛ men shuŋi mo fanɛ e ba kaa chɛ ma to ashi ma asheŋ tirso to na.

Filipaiebi 4:3

Mee kule fo, ma kagbene koŋwuleso be echɛtopo fanɛ fo chɛ bumo beche anyɔ na to, ŋkpal manɛ so, b chɛ ma to n shuŋ baru lela na be kebɔ be kushuŋ na ga. Bumo nɛ Klɛment nɛ m braana beshumpo nɛ bumo be atre wɔ Ebɔrɛ be ŋkpa be kawɔl na to na kikɛ nna.

Kɔlɔsiebi 4:10

Aristaakes nɛ ma nɛ mo kikɛ wɔ kabuti to nfe ere bee chɔrɔ menyi. Maak, Baanabas mo kurgepo na gba bee chɔrɔ menyi. N daŋ ŋini menyi kananɛ menyeeŋ wora mo. E kaŋ ba ndoŋ, men keni mo so nɛnɛ.

Kɔlɔsiebi 4:14

Luuk nɛ e la dɔkta nɛ anyee sha mo na bee chɔrɔ menyi. Diimas gba bee chɔrɔ menyi.

1 Pita 5:13

Babilɔn be asɔri nɛ k du fanɛ men sipoche na be basa nɛ Ebɔrɛ lara menyi nɛ bumo kikɛ na bee chɔrɔ menyi. M pibi Maak gba bee chɔrɔ menyi.

3 Jɔn 1:8

Amoso, loŋ be basa e daga fanɛ anyi alɛ e baa chɛ bumo to, saŋɛ na so anyi nɛ bumo beeŋ baa chɛ abar to kashenteŋ be keŋini be kushuŋ na to.